احلى منتدى فيك يا بلد....
الحملة جايبه نتائج قوية و الله....و اسمع دى:::
لأول مرة فى مصر على حد علمى...نظام التملك بالايجار يتم تطبيقه من ابو غالى....على السوبارو 2009....
التفاصيل انك تأجر العربية زيرو من ابو غالى ب 3500 فى الشهر لو مانيوال..مدة الايجار زى ما انت عايز..اقصاها 3 سنين...لم تخلص مدة الايجار ممكن تسبلهم العربية...او تشتريها بعد اعادة تقييم سعرها و خصم الايجار اللى دفعته و تبقى بتاعتك...من الاخر لو حسبناها هنلاقى ان ايجار 3 سنين هو تمن العربية كاش!!!
يعنى اكنه تقسيط بدون مقدم ولا فوايد بس العربية متبقاش باسمك الا لما تخلص فلوسها...
الجامد بقى ان طول فترة الايجار..لان العربية بتاعت ابو غالى..متأمن عليها 100% من ابو غالى نفسه...و الصيانة عليه كمان...
خلاصة الكلام...
- نظام التملك بالايجار ده جامد جدا و منتشر من زمان فى الخليج...و معنى انه دخل مصر ان التجار و التوكيلات بدأت تحترم نفسها مع المشترى و تشوف ازاى تشجعه...مش نظام اذا كان عاجبك و بتاع...
- التوكيلات فى ايديهم حاجات كتيرة ممكن يعملوها عشان ينشطوا البيع غير انهم يرخصوا...زى العروض على الصبانة و الترخيص اللى نزلت على الأوكتافيا مثلا...و دى حاجة كويسة..لكن الأكوس ان الحملة تستمر عشان نوصل لنزول السعر..مش بس تسهيلات و عروض..و ان كان بعض التسهيلات و العروض تساوى فلوس فعلا...
يعنى خليها تصدى فعلا..........و لا تأخذكم بهم شفقة و لا رحمة...
و متصدقوش كلام التجار و الحكومة الى معناه انهم خافوا من الحملة بجد...
و انا و انت ممكن نستحمل نستنى لحد شهر 6 من غير ما نشترى...لكن التجار مش هيستحملوا...و حتى لو استحملوا هتكون ساعتها البلد دخلت مستنقع الأزمة بجد...و هتكون اثار الكساد فى السياحة و المقاولات و العقارات ظهرت بشدة....و ساعتها مش كتير من الى عايز يشترى دلوقتى هيقدر يشترى و هيبقى ده الخراب الأكيد على الجشعيين...
و ده معناه كمان ان احنا نأجل الشراء لحد شهر 6 قرار حكييييييييم جدا عشان تقدر تقيم وضعك المالى و تشوف هل دخلك اتأثر بالأزمة ولا لأ..و ربنا يسترها علينا و اكيد فى حاجات كتير هتبقى اولى من العربية ساعتها
ان شاء الله الأزمة دى هترجع الاسعار للطبيعى فى كل حاجة...و كل اللى استغلوا الظروف فى جنى المال...هيدفعوا التمن غالى...
و خليهااااااااااااااااااا تصدىىىىىىىىىىىى
و سمعنى سلام المال و البنون
المفضلات