غطا العربيا . مجنننىىىىىىىىىىىىىىىىىى . اعمل ايه .

**sherif_habeb** · 29-12-2008 08:28 PM

مش لازم الغطاء خالص وريح دماغك

**saidbakr** · 29-12-2008 08:59 PM

طيب فيه عندي اقتراح تاني:

هو فيه حاجة تمنع إن ترلة تركن في الشارع؟!!!
يبقى ممكن تجيب حاوية ترلة و تسيبها في الشارع و تبقى تجرش العربية جواها.

**saidbakr** · 29-12-2008 09:02 PM

المشاركة الأصلية كتبت بواسطة yts007007

انا الحمد لله بعد محاولات ومشورات كتيرا اوى . الغطا اتمسمر فى العربيا وكل اللى بيشفنى دلوقتى بيقللى انت مثبت الغطا بتاعك فى العربيا اوى كدا ليه . :) اغبيا ميعرفوش ان الغطا بليل بيعمل حلى شغل . المهم انا بدخل الغطا فى الكاوتش اللى قدام على الشمال وا ل ورا على اليمين وبفتح الباب الشمال وبحط فيه الغطا وبعدين بربط الغطا من ورا فى الحتة اللى فى العفشة اللى العربيل بتتجر منها ! واهو العربيا بقالها يومين زى الفل وكل الغطيان اللى جمبها بيخافوا يتحركوا من عربيتهم خوفاً من العقاب المرير اللى انا عامله

أووووه، هي لسة العربية ما تسرقتشي؟!!! أصلك و انت بتوصف فتحت الباب الشمال و ما قفلتوش.

**omarkh** · 30-12-2008 03:00 PM

يا أخونا الموضوع أبسط من كده كتيير

انت تجيب غطا تانى من نوع كويس ... وتحطه على الغطا الاولانى... كده الاولانى مش هيطير..

بالنسبة للتانى لو طار نبقى نشوفله حل

**tarek hashem** · 31-12-2008 09:27 AM

هو لسه الموضوع ده مخلصش
بص يا عم الحاج علشان انا زهقت
انا عندى مكان واسع فى الجراج ممكن تبقى تركنها عندى وتاخد تاكسى وتروح
انا فى مصر الجديده
بس بشرط تحطها فى الجراج من غير ما تغطيها لانك لو غطيتها ونزلت فى يوم لقيت الغطا مش عليها
بصراحه مش عارف ان ممكن اعمل ايه

**tarek hashem** · 01-01-2009 08:41 AM

بقولك ايه انا حلمت امبارح بغطى عربيتك
حلمت ان انا رحتله بالليل وسرقته وكنت مستريح نفسيا جدا وحاسس ان انا بعمل فيك معروف كبير قوى
تفتكر ليه

**misoalex** · 02-01-2009 04:56 PM

طب ممكن اقولكم حل بجد وكنت عامله فى عربييتى
حضرتك حتاخد غطا عربيتك وتجيب استك(استك الى هو بتاع الهدوم الى عند الخياط) وحتروح لاى واحد سروجى او خياط وتخليه يدككلك الاستك فى حرف الغطاء من تحت وانسى بقى انا عامل كده فى عربيتى بحس انى بلبسها الشراب كل يوم وانا بغطيها انسى انه يتحرك من على العربيه
وعلى فكره فيه غطاء جاهز بيتباع بنفس الفكره الى بقولك عليها بس قماش خفيف جدا مش حلو