غطا العربيا . مجنننىىىىىىىىىىىىىىىىىى . اعمل ايه .

**yts007007** · 23-12-2008 11:19 PM

انا عتدى لانسر 2007 . عندى غطا مش water proof الغطا العادى القطن دا ولا معرفش خامته ايه . المهم انا بركن فى اول الشارع عندنا يعنى فى وش الهوا . الغطا عندى له خيط بس من ضهر العربيا بس مش من ضهرها ووشها . المشكلة بقى ايه :) ان تقريباً معظم الوقت الغطا مش على العربيا الحقيقة. مرا عند البقال ومرا عند الصيدلية . الغطا بيطير من على العربيا :@:@ . وعملت كل حاجة . ركنت بوشى قلت يا واد خلى ال AERODYNAMICS تشتغل علشان الهوا لما يجى فى وش اعربا يثبته . وحياتكوا مكملش 12 ساعة ولقيت البقال بيقى عليك وعلى ال ايروبتنجان .
هل الحل اجيب غطا تانى . وهوا الغطا بيتباع فى محلات الاكسسوارات ولا فين . ولا مثلاً حد عنده فكيره ازاى اكلبش الغطا فى العربية .

**HeMa_LanCeR** · 23-12-2008 11:23 PM

اعمل زيي
بفتح الباب واحط الغطا جواه حته صغير في الباب اللي قدام من كل نحيه
ولزياده الثبات عدي الغطاء من ورا فرده الكاوتش
يعني خلي الكاوتش باين وبكده انسي انه يطير

**yts007007** · 23-12-2008 11:26 PM

المشاركة الأصلية كتبت بواسطة HeMa_LanCeR

اعمل زيي
بفتح الباب واحط الغطا جواه حته صغير في الباب اللي قدام من كل نحيه
ولزياده الثبات عدي الغطاء من ورا فرده الكاوتش
يعني خلي الكاوتش باين وبكده انسي انه يطير

اخلى ال 4 كوتشات باينين ولا اللى ورا بس .

**HeMa_LanCeR** · 23-12-2008 11:32 PM

المشاركة الأصلية كتبت بواسطة yts007007

اخلى ال 4 كوتشات باينين ولا اللى ورا بس .

خلي ال 4 علشان مايفكرش انه يتحرك
بس ماتنساش تعمل حركه الباب هي المهمه في الموضوع ده

**lancerevolution** · 23-12-2008 11:57 PM

ممكن تحط الغطا فى الباب بس حط جوا الحتة الى فى الباب زلطة صغيرة من الشارع كدا ميطلعش أبدا

**أبو كنوز** · 24-12-2008 12:13 AM

خلي في حجره تقيله شويه محطوطه أمام العربيه و خلي في حبل نازل من
الغطا دايما حطه تحت الحجره و أعمل زي ما الأخوه قالولك كمان.

**yts007007** · 24-12-2008 02:33 AM

ياجدعان معلش انا مش فاهم انتوا قصدكم ايه بالزبت . اولاً احطه جوا الباب ازاى . احطه فين فى الباب يعنى بالزبت من فوق ولامن تحت ولا م نالجمب وايه موضوع الزلطة اللى احطها جوا الباب دى . وطوبة ايه اللى احطها قدام العربيا دى . دى علشان الحسد ولا ايه . انا بدات احس ان الغطا دا اسرائيلى :)

**Ahmed Samy** · 24-12-2008 03:23 AM

بص

انت تحط تغطي العربية

و تحط حجر كبير على السقف ...و انسى بقى

انسى كل حاجه
هههههههههه

شوف يا سيدي

انت تغطي العربية عادي
و بعدين تيجي على باب السواق و تفتحه من فوق الغطا و تجيب حجر صغير و تحطه على الغطا من برا و تدفع الحجر (بالغطا) جوه حلق الباب و تزق الباب تقفله
كده هايكون الحجر و جزء من الغطا جوا الباب و مقفول عليهم

و بس

**أبو كنوز** · 24-12-2008 06:31 AM

المشاركة الأصلية كتبت بواسطة yts007007

ياجدعان معلش انا مش فاهم انتوا قصدكم ايه بالزبت . اولاً احطه جوا الباب ازاى . احطه فين فى الباب يعنى بالزبت من فوق ولامن تحت ولا م نالجمب وايه موضوع الزلطة اللى احطها جوا الباب دى . وطوبة ايه اللى احطها قدام العربيا دى . دى علشان الحسد ولا ايه . انا بدات احس ان الغطا دا اسرائيلى :)

يا باشا أصل أنا حسيت إن العربيه بتركن في القطب الشمالي عشان كده ملئتش غير الطريقه دي و بعدين إسرائيل إيه أنا بقولك حط حجر أدمها علي الأرض مش أحدفها بالطوب و أخر إقتراح لحضرتك دور علي جراج جانبك

**yts007007** · 24-12-2008 12:17 PM

المشاركة الأصلية كتبت بواسطة أبو كنوز

يا باشا أصل أنا حسيت إن العربيه بتركن في القطب الشمالي عشان كده ملئتش غير الطريقه دي و بعدين إسرائيل إيه أنا بقولك حط حجر أدمها علي الأرض مش أحدفها بالطوب و أخر إقتراح لحضرتك دور علي جراج جانبك

ياباشا الللى حصل اليومين اللى فاتوا دوول حسسنى ان مصر بقت مدينة فى محافظة القطب الشمالى :) .
المهم معلش سوال اخير حركة الباب دى اعملها فى باب واحد . ولا اكتر من باب . شكراً

الموضوع: غطا العربيا . مجنننىىىىىىىىىىىىىىىىىى . اعمل ايه .

LinkBack

أدوات الموضوع

عرض

-

-

-

-

المواضيع المتشابهه

عاوز اعمل صيانة ليارس عاملة 128 الف كيلو اعمل فين

معايا 100الف جنيه وعايز اعمل مشروع اعمل ايه ؟

معلش يا جماعة اعمل ايه ، شاشة العداد في الميجان فاصلة عندي اعمل ايه

انا مش عارف العربيا بتاعتى كماليتها ايه! لانسر 2006

هل ممكن ارد اكصدام العربيا بنفسى

الكلمات الدلالية لهذا الموضوع

المفضلات

المفضلات

ضوابط المشاركة