الموضوع: ساعدوني في اختيار عربية (محتااااار)

السلام عليكم ورحمة الله وبركاته

أولا جزاكم الله كل خير على القسم الجميل ده ومساعدتكم الهايله :k49:

ان شاء الله قررت اني اجيب عربيه جديده ..

ومحتار جدااا ومش عارف اجيب ايه ؟؟


المواصافاث المطلوبة

السعر: 70

الأستعمال: 5km يوميا + 100 km اسبوعيا

فئه السياره :عائليه - هاتش باك - سيدان

استهلاك الوقود: يا ريت ما تكونش بتحرق بنزين كتير

قطع الغيار: تبقي متوفره ومش غاليه أوي

ولا أفكر في البيع مستقبلا

محتار ما بين:

-كيا بيكانتو (عربية جميلة ومحدش قال عنها كلمة وحشة )

2-رينو لوجان (عاجبانى جدا بس ما عرفش حد جربها)

3- لانوس (مرطرطة فى الشوارع وما بحبش شكلها)

أرجوا المساعدة والأهتمام.

وجزاكم الله خيرا.

و ليه متدخلوش في المقارنة الBYD F3؟

أنا شخصيا مجربتهاش بس حسب ما قريت هنا في المنتدى:

- شكل العربية شيك جدا. من قدام شبه الElantra و من ورا شبه الHonda City.
- الصالون شبه التويوتا كورولا, و طبعا معليهوش كلام.
- سعرها رخيص جدا مقابل امكاناتها (70000 قدام عربية فول أوبشن و في فئة التويوتا كورولا). انت لو جبت كورولا مستعملة مش هتبقى بالسعر ده.
- موتور ميتسوبيشي 1600 سي سي صنع في مصانع ميتسوبيشي (على عكس البريليانس FRV اللي موتورها متصنع تحت ترخيص من ميتسوبيشي).
- سيارة آمنة جدا بشهادة بشهادة اختبارات الأمان NCAP (أءمن من الشيفروليه أفيو و عربيات تانية كتير في فئتها).
http://old.loyaukee.com/forum/archiver/?tid-1421.html
http://www.youtube.com/watch?v=yAskckqdCLk
- صاج العربية قوي و بيستحمل و ده من أسباب نجاحها في اختبارات الأمان.
- قطعها معمرة بتجربة الأعضاء هنا, و لو حصل فيها عطب يمكن استبدلها بقطع غيار التويوتا (ما عدا الفوانيس يجب استبدالها عند التوكيل)

عيبها الوحيد هو التوكيل و لكنك مش مضطر تشتري قطع الغيار من عنده.

يبقى على كلام أحمد مكي, انت خدت ميزات الصيني (رخص السعر), و مميزات الياباني (قطع معمرة (بالذات الموتور) و سهولة تغييرها بالياباني).