انت منفسن ليه ؟؟!!!

**mokhtar** · 29-12-2008 10:25 PM

المشاركة الأصلية كتبت بواسطة نور القمر

ربنا يعينك دي حالتهم صعبة بجد
بس المهم انت تعاملهم بالحسنى هاتلاقي المعاملة بالمثل
يعني لما بتقول(( تاخده بالسياسة لحد ماتاخد اللي انت عايزه وبعد كدة يروح في ستين داهية ))
طيب ماهو مفيش حد غبي واكيد هم حاسين بكدة علشان كدة بيبخلوا عليك بأي مساعده حتى لو مش هتكلفهم حاجة
وحضرتك لفت نظرنا لحاجة مهمة ان ممكن طريقة معاملتنا للاخرين تخليهم منفسنين مننا
منور الموضوع استاذ مختار

شكرا ليكى يا نور ... انا عايز اقولك ان كلامك صحيح وممكن فعلا طريقه معاماتنا للاخرين تأثر على رد فعلهم معانا بس بجد انا والله لما بدخل على مجتمع او مكان جديد بيبقى كل همى انى اعمل علاقات كويسه مش علاقات مصلحه لا علاقات انسانيه لانى الحمد لله اجتماعى وماحبش اكون قفل بس فى فعلا ناس مريضه من جواها يعنى هتقولى ايه فى اللى يبقى المفروض صاحبى والعلاقه بينا عاديه يعنى مافيهاش اللى يستدعى منه انه ينفسن عليا الاقيه بيعقد فيا وبيحاول يبينلى ان كل اللى بعمله ده ملوش فايده فى الاخر مع انى مثلا ماكونش كلمته على الموضوع ده يعنى مش بسيح لنفسى بس الغل اللى جوه الانسان بيطلع على وشه ولسانه وانا مثلا ماقولتش اخد فلان بالسياسه الا لما لقيت منه نفسنه عينى عينك فى حين ان انا اصلا ماكنتش داخل عليه بنفسنه ولا اى حاجه وحشه ....انا مش بقول انى ملاك بس والله بحب الخير لنفسى ولكل الناس ولو فى حد عمل حاجه انا كان نفسى اعملها او نفسى فيها بقول ربنا يباركله ويرزقنى
شكرا ليكى تانى يا نور وانتى اللى منوره الموضوع وياريت بلاش استاذ دى انا لسه داخل فى 22 هتكبرينى بدرى ليه

..mokhtar..

**نور القمر** · 28-02-2010 01:02 AM

اخبار النفسنة ايه معاكم ؟؟؟

**ainshouka** · 28-02-2010 01:19 AM

فى اوقات كتيرة جدا لو حسيت بالنفسنة بقتكر دعاء من اذكار الصباح والمساء

(اللهم ما أصبح بى من نعمة او بأحد من خلقك فمنك وحدك لا شريك لك فلك الحمد ولك الشكر على ذلك)

ساعتها بفتكر علطول ان النعمة اللى شوفتها على الشخص دا من عند ربنا وزى ماربنا اديهاله ممكن يديهالى لو فيها الخير لى
وبكده الواحد بيسكت نفسه عشان متسوقش فيها

لكن لو لقيت حد منفسن الحل الوحيد اللى بعمله انى اتجاهله تماما واخره معايا صباح الخير وصباح النور وخلاص اكتر من كده مينفعش
لكن ان انا احاول اتكلم معاه وكده ....... بيتهيألى ان الواحد مش فاضى عشان يعالج امراض زى دى فى الناس

**romeo_6887** · 28-02-2010 02:36 AM

انا بتجنب المنفسنين

المنفسنين بيشجوا و احنا معاهم

**A7MED_PHARMA** · 28-02-2010 03:08 AM

والله أعلم

كل واحد بيحب يشوف نفسه محل إهتمام الناس حواليه
ولما يجي حد ..ويحس إنه هياخد منه الإهتمام ده

هينفسن طبعا
وده كله طبعا حسب شخصية الواحد ..وثقته في نفسه

**Mohamed.Ramah** · 28-02-2010 03:42 AM

الموضوع بيبقى قبول وتوفيق من عند ربنا فى اشخاص اول لما تشوفيها تاخدى منها موقف وفى تانيين قلبك يتفتحلهم وتبقى عاوزة تتصلى بيهم او تكلميهم او تتقابلوا تانى وبيبقى فى سعادة فى وجود الشخص دة حصل معايا ومع اشخاص هنا فى المنتدى واتقابلنا

**عصام غنايم** · 28-02-2010 04:10 AM

علاج اى شخص منفسن

وهما بينقسموا لنوعين

النوع الاول

اعلى منك ويقدر عليك ( مديرك , رئيسك , ظابط )

علاجه منفاخ عجل
وتقعد تنفخ فيه لانه بيعانى من نقص حاد واحساس داخلى بالدونيه بيعوضه بالرزاله على مخاليق ربنا
فتقعد تقوله
( اوامرك يا باشا , سيادتك تأشر بس , اومرا بعد بكره تتنفذ اول امبارح سعادتك ,الدنيا منوره بوجود سيادتك ,,,,,,)
هيحبك و مش هيأذيك

النوع الثانى

اقل منك وبيحقد عليك ( اى شخص اقل منك ومش قادر يدارى الحقد والكره )

ده بقى علاجه سهل اوى

تديله بالجزمه وتعامله العن معامله وتكره اليوم اللى شافك فيه

هيتعدل ويتلاشاك ويبقى ذى الفل

فى النهايه يحضرنى قول الشاعر