انت منفسن ليه ؟؟!!!

**نور القمر** · 25-12-2008 03:24 PM

المشاركة الأصلية كتبت بواسطة Terrible_DaRsH

غريزة موجودة فى كل بنى ادم ....
كل واحد عنده نفسنة ولكن بتختلف ..
ناس كتير جدا تقولك انا بكره المغنى الفلانى والمغنية الفلانية اوووى وعمرى ما حبتهم ويعبر لك على مدى كرهه لهم وتلاقيه بيسمع اغانيهم !!!( دى نفسنة مش كره ولكنه لا يدرك ذلك ) ...
وكمان النفسنة بتظهر عند البنى ادم فى الوقت اللازم وهو ( النجاح والفشل ) اى انسان فى الدنيا لما بيفشل فى اى شيء خصوصا لو كان مهم فى حياته فى حين ان شخص اخر نجح نجاح ساحق فى ذلك الشيء ..اكيد بيحس بنفسنة و محدش يقدر ينكر ده ولكن بتختلف من انسان لاخر فى بنى ادم ممكن يعترف بفشله وفى بنى ادم بينفسن على اللى نجح وهو فشل وواحد تانى ممكن تتحول نفسيته دى الى كره الشخص اللى نجح ...
شيء وارد جدا وموجود عند الناس كلها ولكن باختلاف درجاتها وده راجع للبيئة اللى اتربي فيها الشخص و درجه قناعته وثقته بنفسه ...

عندك حق يا تريبل النفسنه دي موجودة في كل البشر
بس الفرق بين انسان والتاني ان في واحد يقدر يفرمل نفسه وميخليش نفسنته تقلب لحقد ويستغل غيرته كدافع للنجاح
وفي ناس تانية تفضل تنفسن وتنفسن لما حقدهم ياكلهم وصدقني اكتر انسان تعبان في حياته هو الانسان الحقود الكاره للخير للغير
وعلى فكرة انا منفسنه اوي من نانسي عجرم مع اني بحب اغانيها ههههههههههههههههه بس ببقه مستغربه لما حد يقول عليها حلوة لاني شايفاها وحشة جدا
بس مش ناوية افرمل نفسنتي دي

ا وانافسها في الغناء

**Rafraf** · 25-12-2008 03:29 PM

Terrible_DaRsH
غريزة موجودة فى كل بنى ادم ....
كل واحد عنده نفسنة ولكن بتختلف ..
ناس كتير جدا تقولك انا بكره المغنى الفلانى والمغنية الفلانية اوووى وعمرى ما حبتهم ويعبر لك على مدى كرهه لهم وتلاقيه بيسمع اغانيهم !!!( دى نفسنة مش كره ولكنه لا يدرك ذلك ) ...
___________________________________

ايه دا يعنى انا كدا منفسن :)

انا بكره اللى اسمو تامر حسنى دا!

بس بحب اسمع اغانيه :)

اوباش! انا كدا منفسن :D

بس هفضل اكرهه بردو و هسمع اغانيه :)

**نور القمر** · 25-12-2008 03:32 PM

المشاركة الأصلية كتبت بواسطة M!NA

فكرتيني بمثلين شعبيين...

"الكحكة ف ايد اليتيم عجبة"
"حسدوا القرد على حمار... خدوده..." :D (و حمار هنا بمعنى احمرار و ليست حمار بضم الحاء)

مرة كنت بقارن نفسي بواحدة قريبتي بقول هي عندها عربية احسن موديل وعندها فيلا واحد رد عليا قالي طيب متقولي هي اكبر منك ب 20 سنه وفقدت جمالها و ......
وقالي تحبي تبدلي معاها تاخدي اللي عندها وتاخد اللي عندك
طبعا في نفسي قلت استحالة
من ساعتها لما احس اني غيرانه من حد لاني طبعا بشر وبغيير بروح على طول مقارنه مميزاتي بنواقصه واحمد ربنا على النعمة
ربنا عادل بين البشر وان منكش ظاهر في الدنيا هايظهر في الاخرة

**M!NA** · 25-12-2008 03:37 PM

هو الشيطان وظيفته كدا... يحسس كل انسان ان الحاجة اللي ف ايد اللي جمبه ديه... هي اللي ناقصة... و العجيب أنه بيخلي اللي جمبه يحس بنفس الاحساس تجاهه !!!

يعني ممكن واحد شكله عادي يحقد على واحد لأنه وسيم أكتر منه... و في نفس الوقت يكون الشخص الوسيم ده بيحقد عالشكله عادي...

و ديه أنا بسمعها كتير جدا بحكم أن عدد كبير من أصحابي بيحكولي أسرارهم و لما بقعد أتأمل في الكلام بستعجب...

فعلا محدش عاجبه حاله...

**Rafraf** · 25-12-2008 06:42 PM

essam_virus
عضو جديد

ممكن بردو

كل شئ جايز :)

والحمدلله الواحد عمال يكتشف ان عنده امراض جديده فى المنتدى الجميل دا ربنا يستر

**samirayad** · 26-12-2008 07:14 PM

المشاركة الأصلية كتبت بواسطة نور القمر

عندك حق يا تريبل النفسنه دي موجودة في كل البشر
بس الفرق بين انسان والتاني ان في واحد يقدر يفرمل نفسه وميخليش نفسنته تقلب لحقد ويستغل غيرته كدافع للنجاح
وفي ناس تانية تفضل تنفسن وتنفسن لما حقدهم ياكلهم وصدقني اكتر انسان تعبان في حياته هو الانسان الحقود الكاره للخير للغير
وعلى فكرة انا منفسنه اوي من نانسي عجرم مع اني بحب اغانيها ههههههههههههههههه بس ببقه مستغربه لما حد يقول عليها حلوة لاني شايفاها وحشة جدا
بس مش ناوية افرمل نفسنتي دي

ا وانافسها في الغناء

الحقد والحسد دول جبل( بضم الجيم )عليهم البنى آدمين منذ بدء الخليقة.......ولايوجد لهذا حل اللى دوام اللجوء الى الله والتحرز بالمعوذتين.....وبعدين الحقد والحسد ناتجين من احساس الانسان بالنقص(لأننا ببساطة نعلم بأنة لا تلقى بالحجارة الى الأشجار المثمرة).........علشان كدة أنا أما بلاقى حد حاقد أو حاسد (منفسن يعنى)...بأطمن من ناحية انى ماشى صح............شكرا للموضوع الجميل....................

**sa3dawy** · 26-12-2008 07:19 PM

المشاركة الأصلية كتبت بواسطة essam_virus

ازاي بتكره تامر حسني وفي نفس الوقت بتسمع اغانيه الي بيكره بني اده مبيقاش قابلوه خالص في اي حاجه......سوري انتا كده غيران منه اوي

غيران من ازاى يعنى ؟؟؟ طيب ممكن نقول منفسن منة .. لكن غيران دى معتقدش

**mokhtar** · 26-12-2008 10:57 PM

انا بعانى اشد المعاناه من النفسنه وخصوصا من اول السنه دى لما اتخصصت اداره اعمال والقسم عندنا قليل قوى يعنى حوالى 60 طالب والمحاسبه فوق ال1000 وناس شايفانى ببذل مجهود وباخد Certificates فى مجالى اشوف بقى النظره اللى هى كلها شر وغل واسمع بقى احلى كلام انت فاكر نفسك مين ؟ هتعمل ايه بكل ده ؟ بكره بكره نشوفك مش عارف ايه اخرتك مش عارف فين وانا من جوايا بغلى بس بكتفى بانى ماردش عليهم اساسا واطنشهم بعد كده بس بجد حاجه تقرف والاصعب بقه كمان من اللى بشوفه فى القسم من الزملاء لو سألت واحد منهم مثلا على محاضره ولا حاجه فاتتك مجرد السؤال وشه يحمر ويبصلى بصه احس انى لسه قاتل ابوه وكأنى هاخد مجهود عمره وممكن مايردش عليا تخيلوا او يرد برخامه وماطلعش منه بحق ولا باطل بس اعمل ايه بضطر اخده بالسياسه لحد ماخد اللى انا عاوزه وبعد كده يروح فى ستين داهيه ...كل ده بيحصل وانا لسه فى الكليه امال لما اخلص هاشوف ايه ربنا يستر

..mokhtar..

**نور القمر** · 29-12-2008 07:45 PM

ربنا يعينك دي حالتهم صعبة بجد
بس المهم انت تعاملهم بالحسنى هاتلاقي المعاملة بالمثل
يعني لما بتقول(( تاخده بالسياسة لحد ماتاخد اللي انت عايزه وبعد كدة يروح في ستين داهية ))
طيب ماهو مفيش حد غبي واكيد هم حاسين بكدة علشان كدة بيبخلوا عليك بأي مساعده حتى لو مش هتكلفهم حاجة
وحضرتك لفت نظرنا لحاجة مهمة ان ممكن طريقة معاملتنا للاخرين تخليهم منفسنين مننا
منور الموضوع استاذ مختار