اخبــــار تخفيـــض اسعار السيارات فى مصـــر

**shankosi** · 01-12-2008 11:55 PM

كلام في المفيد ،،،

السيارات المستعملة لا تجد من يشتريها
01/12/2008 02:45:01 م (المصري اليوم):

سيطرت حالة من الركود الملحوظ علي سوق السيارات المستعملة في مصر، متأثرة بحالة الترقب التي تشهدها السوق على خلفية التوقعات السائدة باندفاع الشركات المنتجة للفئات الجديدة نحو تخفيض أسعارها للتخلص من مخزونها، خوفاً من شبح الركود الذي أفرزته الأزمة المالية العالمية.

وقال محسن طلائع، الخبير في قطاع السيارات، لصحيفة "المصري اليوم" إن سوق السيارات المستعملة تواجه حالة من الركود أشد من التي تشهدها السوق الجديدة، نظراً لظروف التراجع الشديد في مؤشرات البورصة المصرية وانخفاض قيمة الأسهم بشكل كبير وتراجع ربحية نسبة كبيرة من المتعاملين.

وتوقع خبراء وعاملون في سوق السيارات المستعملة تأثر السوق بشكل أكبر من سوق السيارات الجديدة وإصابة الطلب عليها بحالة من الجمود، جراء عدم إقبال المصريين في الفترة المقبلة على البيع أو الشراء وترقب السوق.

وأوضح طلائع أن عدداً كبيراً من المتعاملين كان يستفيد في الفترة الماضية من نسب الأرباح المحققة من التعاملات في استبدال سيارته جديدة بسيارته القديمة أو أخرى قديمة أحسن حالاً، غير أن انكماش السيولة الحالية دفع سوق السيارات المستعملة للجمود.

وأضاف أن هناك حالة من انعدام الطلب على السيارات المستعملة في الوقت الحالي، رغم أن المعروض شهد بالفعل تراجعاً ملحوظاً في أسعاره وفقاً لبعض مؤشرات السوق.

وأشار إلي أنه لا توجد إحصاءات دقيقة حول نسبة تراجع أسعار السيارات المستعملة، باعتبار أن هذه السوق تعمل بشكل اجتهادي ولا توجد آليات تنظيمية لها، غير أنه أكد أن المتعارف عليه أن السيارة تفقد ما بين ١٠ و١٥٪ من قيمتها كل عام من تاريخ استعمالها.

**ahmad7610** · 04-12-2008 08:13 PM

هو فى غلاء بيبقى طبيعى .. مثلا لما عربية تنزل موديل مجدد بالكامل عن اللى قبله فطبيعى ان سعره يزيد .. زى الكورولا لما نزلت سنة 2001 بالشكل الجديد وعدى سعرها ال 100 الف .. الناس قالت لييييييه وازاااااى .. وبعدها بقى عادى ان اليابانى يعدى ال 100 الف
دلوقتى كورولا 2008 عدت ال 150 وبرضه الناس بتقول ازاى وحراام .. والمازدا 2010 لما تعدى ال 170 او 180 حيبقى عادى وهكذا باقى اليابانى ... طبعا بره الفروقات دى بتبقى 2000 او 3000 دولار فمش بتفرق .. لكن ربنا يخلى جماركنا ... وكل ما بنزل القاهرة بقول عمرها ما حترخص ...

**smsmbakr** · 04-12-2008 09:13 PM

المشاركة الأصلية كتبت بواسطة ahmad7610

فعلا العروض المغرية هى الحل ... طالما مفيش تخفيض فى سعر العربية والاسعار غليت ..
يبقى عروض زى اللى عملتها مرسيدس هى الحل.. صيانة 3 سنوات مثلا وكده

الكلام ده صح
لازم يبقى في عروووووووووووض علشان البيع يزيد والقديم يتسحب

**beihoo** · 12-12-2008 10:46 PM

الدولار يعلي يقولوا الأسعار هاتغلى رغم إنخفاض الين و العملات الأخرى أمامه .. الدولار ينزل يقولوا الأسعار هاتغلى عشان إرتفاع الين و اليورو أمامه .. السوق منتعش الأسعار تغلى عشان الطلب أكتر من العرض .. السوق يتنيل بنيلة و أزمة عالمية (طاحنة) و مصانع بتقفل و الناس بره مش لاقية تبيع يقولوا الدولار بيغلى عندنا إحنا بس و لازم الأسعار تغلى .. رغم إنها في الخليج هاترخص (زي المنطق ما بيقول) .. المشكلة مش في الدولار و لا الدينار المشكلة في الجشع اللا متناهي عند التاجر المصري اللي تقريبا بينافس و تقريبا (تفوق) التاجر اليهودي في جشعه و المشكلة إننا طيبين بزيادة :b4_611:..
مفيش حاجة في مصر بترخص .. الحديد لما غلى الأرض و المباني غليت تقريبا بنفس النسبة و لما رخص الحديد ما رخصتش لا الأرض و لا المباني بحجة إن الحديد نسبته 20-25% من تكلفة البناء!!
البنزين غلى عشان سعر برميل البترول وصل 160 دولار طب دلوقت بقى أقل من 40 دولار ليه البنزين ما رخصش تاني ؟؟
التجار بره بيبيعوا حاليا بأي ثمن حتى بسعر التكلفة عشان يخلي عجلة التجارة ماشية و زحفا و جوه بيفكروا إزاي يستغلوا الأزمة في العكننة على الناس و سحب ما في جيوبهم حتى أخر قرش .. الغريب إنك لما تيجي تتعامل معاهم و تشتري يبقى بيسرق و تحس إنه بيمن عليك إنه بيسرقك و كأنه بيقدملك خدمة جليلة و إنت ما تستاهلش .. و الله يا جماعة لما بسافر بره و بصادف أي بائع مصري بتحاشى تماما إني أشتري منه عشان أكيد وراه نصبة أو مغرز أو حتى سعر مبالغ فيه.

حسبي الله و نعم الوكيل في شوية .... اللي ناهبين البلد

**sa3dawy** · 12-12-2008 10:57 PM

دا الموض الطبيعى فى هذة الحالة الاقتصادية
الين زاد ... اليابانى زاد
اليورو رخص .... الاوروبى رخص
وبعض امثلة الاوروبى الى رخص ..
1 - الجولف نزلت من 169 الف الى 159 الف يعنى نزلت 10 الاف
2 - الجولف الفاريانت نزلت من 189 الى 179 يعنى 10 الاف بردة
3 - اوبل فكترا نزلت من 175 الى 170 وبعض المعارض بتبيعها 165
4 - جميع موديلات فيات مثل برافو وجراند بونتو وبونتو رخصت من 5 الى 10 الاف
واليابانى غلى كلو زى الكورولا والانسر والياريس والهوندا والمازدا والميجان قريباا
....................

**mohamedbook** · 13-12-2008 12:13 AM

علي فكرة اغلب الي بيقولوا الاسعار هتغلي هجصيين لاسباب كتيرة احنا مش مختومين
علي افنا
1- اسعار البترول نزلة من 150 دولار :40 دولار لخام برنت----يعني الشحن هيرخص وضع طبيعي بالفعل رخص اكتر من الثلث 1/3
2-اسعار السيارات في اوربا واسيا وامريكا وكمان العقارات نزل بمقدار ال1/3 (الثلث او اكتر) وكل دة وحجات وضحه زي الشمس وياولوا مش هترخص
عشان يسرقوا الشعب الغلبان اكتر مهوا مسروك
الحرمية الجشعيين كفاية كدب خلو عندكم دم
لو وصل الامر اني اروح اشتري عربية هشتريها من برة ودفع جمركها ومش هشترها من البلد البيظة دية

**ushraf** · 13-12-2008 05:02 PM

ده كلام بيقولوه عشان يصرفوا اللى عندهم قبل ماتنزل الاسعار
والله اعلم

**ouba2** · 13-12-2008 10:21 PM

الاسعار هاتنزل يعني هاتنزل

**AshTurbo** · 18-12-2008 12:15 PM

تحية طيبة لجميع أعضاء المنتدى وأسعد الله أوقاتكم

نبدأ البيان بعرض سريع للهيد لاينز في الصحف القومية الصادرة اليوم :

- أنخفاض نسبة المبيعات الى 40% ورعب يسود السوق نتيجة الركود الشديد .

- أشتعال المنافسة بين الشركات لخفض الأسعار وجذب الزبائن .

- مخزون كبير من موديلات السيارات ذات الأمكانيات الكبيرة موديل سنة 2008 (مصدي يعني) لأحدى شركات السيارات الكبيرة والتي قامت بخفض 25000 جنية على كل سيارة .

- الشركات الصناعية الموردة لمكونات الأنتاج خفضت أسعار البيع حوالي 10% .

- أنخفاض أسعار العملات وخاصة اليورو والدولار الي مستويات قياسية .

- أنخفاض سعر برميل البترول الى مستويات قياسية على الرغم من تخفيض الأنتاج ليصل سعر البرميل الي أقل مستوى له في 4 سنوات الى ما دون ال 40 دولار .

**AshTurbo** · 18-12-2008 12:33 PM

- عروض وجنيهات ذهب بقيمة 7000 جنيه وكماليات وقطع غيار وفترات تسديد تصل الى 5 سنوات وضرب تحت الحزام من جانب التجار على أمل تحريك السوق .

حذرنا فيما سبق من حدوث الركود في السوق في حالة أستمرار الوكلاء وأصحاب شركات السيارات في العناد الغير مبرر وعدم تخفيض أسعار السيارات على الرغم من أنخفاض أسعار البترول وأنخفاض العملات وأنخفاض أسعار المكونات ألا أن الجشع سيطر كالعادة على قطاع التجار وكل تاجر يجني ثمار ما زرع من قبل وستستمر الأنخفاضات شئنا أم أبينا فهو أمر خارج على سيطرتنا نحن المستهلكين وخارج عن سيطرة التجار بالأضافة الى أن الركود يشمل كافة القطاعات المختلفة من المجتمع وليس قطاع واحد فقط وأكرر السبب التجار أنفسهم بالأضافة الى أمتناع البنوك عن تمويل السيارات وعدم قدرة معارض ووكلاء السيارت على تمويل برامج التقسيط للعملاء كل هذا ونحن لم نضع أقدامنا على أعتاب عام 2009 الذي سوف يشهد محرقة للوكلاء والتجار مالم يتحركوا بسرعة لجذب الأموال وتحريك عجلة السوق مرة أخرى وهم مش أحسن من أكبر شركات سيارت في العالم .

مشاهدة نتائج الإستطلاع:

الموضوع: اخبــــار تخفيـــض اسعار السيارات فى مصـــر

LinkBack

أدوات الموضوع

عرض

-

-

-

المواضيع المتشابهه

دليل فنادق الإسكندرية ( مصـــر )

تواطؤ قنـــاة الجزيرة ضد مصـــر

صور من مصـــر

اخر اسعار السيارات 2009 اسعار الوكيل 19/2

اسعار السيارات في المانيا....... مين حيجيب اسعار الخليجي؟؟؟ !!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة