الرعشة فى الماروتى !!

**Ahmed Hamdy** · 24-12-2008 11:36 PM

أنا عندى ماروتى 94 ..
بحس فيها برعشة مستمرة وهى ممورة ..
صلحت الكاربراتير عند واحد بتاع كاربتيرات وطقم كهربا جديد وتوقعت انها تبقى كويسة بعد كده .. اتحسنت بس برضه لسه فيها الرعشة ..
هل الرعشة دى طبيعية فى الماروتى عشان 3 سلندر ولا لو غيرت الكاربرايتر بواحد جديد حتبقى كويسة ؟؟

**meeezo333eg** · 25-12-2008 01:15 AM

الرعشة مالهاش دعوة بموضوع 3 سلندر
هى اساسى بتكون من الكاربراتير و ممكن تبقى من الكهربا بس مش اساسى

هو حضرتك عملت اكس و باب للكاربراتير ولا نضفته و خلاص؟؟؟

**sab3aawy** · 25-12-2008 08:32 AM

هى موجودة عندى بس انا مطنش عليها لأنى مش شايف منها مشكلة، بس عموما دى رعشة مسمار هواء(معرفش فيه مسمار هواء فى كاربراتير الماروتى وللا لأ لأنى متعمقتش فيه لسة) ، لو فيها مسمار هواء غالبا هيظبط الرعشة دى

**l0new0lf** · 25-12-2008 08:50 AM

فيها مسمار هواء تلاقيه لو بصيت على الكربراتير من الخلف

**Ahmed Hamdy** · 25-12-2008 09:40 PM

طيب العربية عندى كانت عند ميكانيكى ظبطها وعمل فيها شغل كتير (طقم شنبر وصباب وجوان للموتور) وشوية حاجات كمان .. وقالى الكاربراتير عايز يتصلح .. وخدها وداها لواحد بتاع كاربراتير المفروض انه صلحه .. انا كنت متوقع ان الرعشة تختفى أو تبقى قليلة جدا بعد الكلام ده .. لكنها لسه موجودة .. هل الميكانيكى مش عارف يظبطها ولا الكاربراتير متصلحش كويس ولا التصليح مبقاش نافع فيه والحل انى أجيب واحد جديد ؟؟

(على فكرة يا باشمهندس سبعاوى أنا عملت نصيحتك وصلحت الموتور عشان مشكلة الدوراة لانه كان بيجيب زيت والحمد لله المشكلة اتحلت - شكرا ليك جدا - الكلام ده بقاله يومين ويارب تفضل كده ان شاء الله)

**sab3aawy** · 26-12-2008 10:09 PM

المشاركة الأصلية كتبت بواسطة Ahmed Hamdy

طيب العربية عندى كانت عند ميكانيكى ظبطها وعمل فيها شغل كتير (طقم شنبر وصباب وجوان للموتور) وشوية حاجات كمان .. وقالى الكاربراتير عايز يتصلح .. وخدها وداها لواحد بتاع كاربراتير المفروض انه صلحه .. انا كنت متوقع ان الرعشة تختفى أو تبقى قليلة جدا بعد الكلام ده .. لكنها لسه موجودة .. هل الميكانيكى مش عارف يظبطها ولا الكاربراتير متصلحش كويس ولا التصليح مبقاش نافع فيه والحل انى أجيب واحد جديد ؟؟

(على فكرة يا باشمهندس سبعاوى أنا عملت نصيحتك وصلحت الموتور عشان مشكلة الدوراة لانه كان بيجيب زيت والحمد لله المشكلة اتحلت - شكرا ليك جدا - الكلام ده بقاله يومين ويارب تفضل كده ان شاء الله)

الحمد لله ان العربية اتصلحت واتظبطت وبقت بتدور بسهولة، اقترح عليك زيارة لورشة تاكيهات الأول وظبط التاكيهات، وبعد كدة زيارة لورشة الكاربراتير وقول له يضبط لك السلانسيه، بس افضل انك تروح بنفسك علشان تستلم العربية على الوضع اللى يريحك وانت واقف

**Ghamrawy** · 26-12-2008 11:47 PM

رعشة و لا رجة فى الموتور كله ؟؟ لو رجة يبقى بص على قواعد الموتور

**Ahmed Hamdy** · 28-12-2008 10:55 AM

لا يا باشا .. رعشة ..
قواعد الموتور كانت مكسورة فعلا وغيرتها مع الشغل الأخير فى العربية .. مكملش أسبوع .. !!

**Ghamrawy** · 29-12-2008 01:16 AM

بص يا باشا هى المواتير ال 3 سلندر كده بيرعش بس لو العربية جديدة بتبقى الرعشة دى مش محسوسة و بتزيد مع تقدم عمر العربية عموما حاول ترفع الموتور سنة بسيطة و ان كان ده حايسخن العربية شوية و حايزود الدوشة

**Ahmed Hamdy** · 29-12-2008 01:42 AM

عم Gemino .. شكرا على الاهتمام ..
بس يعنى ايه أرفع الماتور شوية .. ؟؟

الموضوع: الرعشة فى الماروتى !!

LinkBack

أدوات الموضوع

عرض

-

-

المواضيع المتشابهه

تقرير تنظيف الماروتى من الداخل بالتفصيل + بعض خبايا دهاليز الماروتى :)

دة ممكن يسبب فى الدخانة السودة و الرعشة

ياريت مساعدتكم معايا في الرعشة دي ؟؟؟

عايز حد يشرحلى عيب "الرعشة" اللى فى امبريزا 2008 هاتش .... من ملاك العربية

ارجو المساعدة فى الرعشة

الكلمات الدلالية لهذا الموضوع

المفضلات

المفضلات

ضوابط المشاركة