اول المستفدين من التخفيض

**tamtam** · 30-12-2008 02:44 PM

السلام عليكم ورحمة الله وبركاته
بفضل الله سبحانه وتعالى اشتريت السيريون من قريب، و كنت عايزة اعرف معلومات اكتر عن موضوع تخفيض الصيانة دة.
انا قربت اعمل صيانة الالف، ممكن اعرف ازاى استفيد من التخفيض ده؟ و ايه مركز الخدمة اللى هيكون فيه التخفيض؟ و ازاى احجز فيه؟ اصلى دى اول عربية اجيبها و معنديش خبرة فى موضوع الصيانة ده.
للعلم انا مش معايا استيكر بس إن شاء الله ناوية اجيبه
شكرا

**MoToRiZeR** · 30-12-2008 05:38 PM

المشاركة الأصلية كتبت بواسطة tamtam

السلام عليكم ورحمة الله وبركاته
بفضل الله سبحانه وتعالى اشتريت السيريون من قريب، و كنت عايزة اعرف معلومات اكتر عن موضوع تخفيض الصيانة دة.
انا قربت اعمل صيانة الالف، ممكن اعرف ازاى استفيد من التخفيض ده؟ و ايه مركز الخدمة اللى هيكون فيه التخفيض؟ و ازاى احجز فيه؟ اصلى دى اول عربية اجيبها و معنديش خبرة فى موضوع الصيانة ده.
للعلم انا مش معايا استيكر بس إن شاء الله ناوية اجيبه
شكرا

أولاَ مبروك عليكي السيريون يا طمطم

بصي هي صيانة الألف مجانية فا مش هتستفيدي بالتخفيض لأن مفيش تكاليف ، أول صيانة هتدفعي فيها فلوس هي اللي بعدها في ال 5 الاف .

إلا لو كنتي هتركبي إنذار ولا حاجة في صيانة الألف ممكن تستفيدي بخصم 10% عليه و 5 % علي مصنعية تركيبه .

مركز الصيانة في العبور و تحجزي فيه عن طريق رقم 16168

أي إستفسار تاني إسألي علي طول و أهلاَ بيكي في منتدي دايهاتسو و يا ريت نشوفك في المقابلات اللي بيعملها المنتدي

و ده الجروب بتاعنا علي فيس بوك .

http://www.facebook.com/group.php?gid=35753706566

**aliabutaleb** · 30-12-2008 06:49 PM

لا إضافة بعد رد موتورايزر الوافي
بس حبيت أبارك لحضرتك استلام السيريون
وأدعوكي للانضمام إلى رابطة مالكي السيريون على الرابط

**boty50** · 30-12-2008 08:15 PM

انا كان عندي اول ماستلمت التيريوس 2007
رجه عند 120 غيروا مكان العجل الأمامي
مكان بعض وراحت الرجه
دلوقتي بعد سنه استخدام رجعت عند 130
ولم اهتم كتير علشان انا نادر لما اسوق 130

بس هل المشكله دي عامه?

**tamtam** · 02-01-2009 12:34 AM

الله يبارك فيك يا MoToRiZeR وبجد متشكرة جدا على المعلومات الجميلة دى وعلى ذوقك وانا خلاص سجلت فى جروب الفيس بوك وإن شاء الله هتابع المقابلات واحاول احضر. انا بس كنت عايزة اعرف لو حبيت استفيد من الخصم اعمل ايه بالضبط؟ اقولهم فى التوكيل انى تبع نايل موتورز وبس؟ وللا فيه حاجة تانية (الاستيكر مثلا)؟

alijandroo
الله يبارك فيك، متشكرة جدا جدا. انا سجلت فى الرابطة خلاص ومبسوطة جداااا إنى انضميت للرابطة الجميلة جدا دى.

**askoda** · 04-01-2009 11:39 AM

Thanks to ALL Daihatsu team players & Special thanks to Abo 3abdAllah

امباح رحت عملت الصيانه بتاعت ال 20000 و أخدت الخصم 5%

و عرفت شويه أسعار كده :
وحدات الرفع للزجاج شامله الضريبه و التركيب 320
الباركنج سنسور ب 370

فلتر الهواء ب 176

أنا بحس العربيه بتتبسط لما بروح التوكيل :)

**ringoo84** · 06-01-2009 08:20 PM

مبروووك الصيانه والتخفيض

**Eng_aly** · 08-01-2009 01:24 AM

شكرا لحضرتكم جميعا ... ومبروك لaskoda على الصيانة والتخفيض ...بس انا الصراحه زعلان من التوكيل جدا لأن انا قولتهم ان العربية فيها رجة عند ال100كم/س وهم قالولى انها تمام"وتقريبا من غير ما يكشفوا ولا حاجه" بس لما لاقيت الرجة لسة موجودة روحت مركز خدمة عندنا ولقيت انها محتاجة لترصيص وعملتها والحمد لله تمام ... لو مش هيعملوها عندهم يقولوا مش يقولوا تمام وخلاص طيب انا كدة مش هصدقهم فى حاجة تانى ...ولا ايه رأيكم انا رأى ان دة اسمه عدم اهتمام ومش هاقول اهمال لأن ليهم مواقف كويسة

**عمرو عمارة** · 08-01-2009 09:37 AM

المشاركة الأصلية كتبت بواسطة Eng_aly

شكرا لحضرتكم جميعا ... ومبروك لaskoda على الصيانة والتخفيض ...بس انا الصراحه زعلان من التوكيل جدا لأن انا قولتهم ان العربية فيها رجة عند ال100كم/س وهم قالولى انها تمام"وتقريبا من غير ما يكشفوا ولا حاجه" بس لما لاقيت الرجة لسة موجودة روحت مركز خدمة عندنا ولقيت انها محتاجة لترصيص وعملتها والحمد لله تمام ... لو مش هيعملوها عندهم يقولوا مش يقولوا تمام وخلاص طيب انا كدة مش هصدقهم فى حاجة تانى ...ولا ايه رأيكم انا رأى ان دة اسمه عدم اهتمام ومش هاقول اهمال لأن ليهم مواقف كويسة

مهندس علي.....الكلام ده لازم تبلغه للمهندس محمد عبد الوهاب والمهندس محمد عبد الصمد لأن ده بيكون إستهبال صنايعية ولازم نضع حد للمهازل الي زي دي عشان سمعة وثقة التوكيل ماتتهزش بسبب صنايعي معندوش ضمير!!!

**Eng_aly** · 09-01-2009 09:05 PM

عمرو باشا انا كتبت الكلام دة هنا علشان عارف ان السادة المهندسين بيشوفوا ويقروا كلمنا ورأينا ...المهم ان احنا كمان نبقى عارفين ان مش دائما الناس فى مصر "مهما كانت بتاخد فلوس وتقدير من الأدارة زى ما هما بيقولوا "بتدى الشغال حقه حتى وان كان ممكن يأثر على ارواح الناس او ما يمتلكون أهى عربيه وخلاص و قلبك ابيض...المهم دور المراقب وعندما يقول لك ok بيقى لازم يبقى ok

الموضوع: اول المستفدين من التخفيض

LinkBack

أدوات الموضوع

عرض

-

-

-

-

-

المواضيع المتشابهه

سر التخفيض فى الأسعار

نسبة التخفيض في الفتيس

كوروللا mmt بعد التخفيض ولا سيراتو هاي لين

MMT بعد التخفيض !!!132000 Advanced

هو ال10% التخفيض يعمل كل ده!!!!!!

الكلمات الدلالية لهذا الموضوع

المفضلات

المفضلات

ضوابط المشاركة