أنا و للأسف الشديد مش اسكندراني........ :k30: اصلا بس بعتبر نفسي اسكندراني بالعافية و ليا عمتي و جوز عمتي من الإبراهيمية اصلا و ليا ناس و قرايب في اسكندرية بس عمتي و جوزها سابوا شقة اسكندرية وجم يعيشوا في القاهرة بقي بالذمة ده كلام؟؟!!!!!!!!!!!
بس جوز عمتي رفض تماما بيع شقة البإسكندرية اللي في الإبراهيمية و انا بجد مبسوط منه جداااا عشان الموضوع ده.......

بس بجد بموت في تراب اسكندرية انا مش عارف يا جماعة البلد دي عملت فيا ايه, فيها ايه بيشد كدة بجد انا بعشقها و من اول ما ابقي سايق كدة و الاقي نفسي شامم ريحة البحر و الاقي التاكسي اياه الأصفر في اسود و البوابة و الشوارع الطالعة و نازلة و الهوا الجميل حتي شمسها الحامية احيانا و رمل البحر و الندي علي العربية ساعة الصبحية و الفلافل و الكات الرابع و الامة الجاية و بكام دي؟ بجني.
الكارثة الي انا فيها بقي اني معتبتش اسكندرية يجي من اربع سنين :k30: و خلاص مش قااااادر و الصيف ده لازم إن شاء الله اكون هناك و الا هتجنن و بصراحة لما شفت الموضوع ده اتبسطت اوي بس زاد شوقي للإسكندرية حبيبتي و حبيبة قلبي.
و إن شاء الله الشهرين بتوع الشتا دول يعدوا و اخذ ما استطعت ان اخذه من افراد العائلة و اخد اللادا و اروح اشحم و اغير زيت و أشيك علي الفرامل في ورشتنا المتواضعة و افول بنزين 90 و نشد الرحال علي اسكندرية حبيبتي.

أسكندرية