خلصت العربيه في التوكيل

**ahmad alshaaer** · 27-12-2008 01:43 AM

كلام مش مقنع ياجماعه بتاع البنزين ده
ده انت لو حطيت سولار مش هيفوت الموتور ولا ايه؟
يقلق اوي ياجماعه الموضوع ده وخصوصا ان الاستاذ بيومي قال انه كان حاطط توتال 9000
انا المره الجايه ان شاء الله هحط شيل هيليكس وربنا يستر
والحمد لله

**tmz9111** · 27-12-2008 12:16 PM

الف مبروووووووووك علي استلام العربية

**tarek hashem** · 27-12-2008 01:08 PM

يا نهار زى بعضه
العربيه فوتت انت بتهرج
لو انا مكانك مكنتش اهدى الا لما اخذ عربيه مكانها جديده يعنى
ده تهريج
والاخ اللى عنده 2009 ده بقى المفروض ياخد عربيتين
يا جماعه عايزين نتمسك بحقوقنا اكثر من كده
وعموما ربنا معاك بس برضوا لازم المهندس امر او اى حد يوضحولنا الاسباب ومش لازم يعدى الموضوع كده

**formoza** · 28-12-2008 03:33 AM

الف مبرووك و إن شاء الله العربيه تبقى احلى من الاول و حافظ عليها بقى, و بالنسبه للكلام اللى بيتقال ده انا برضه مستغرب منه

**saidbakr** · 28-12-2008 06:00 AM

المشاركة الأصلية كتبت بواسطة Bayomy

يا جماعه انا قصي انهم غيرو كل حاجه في الماتور بساتم وجوان وشنبر وصبابات وحاجات كتير مش فاكرها

يعني عملوا عمرة للعربية، و زي ما انت قلت انك لسة في الضمان!!! بيتهيألي انهم كانوا المفروض يا غيرولك العربية على بعضها او على الأقل يجيبولك موتور جديد بشوكه.

موش عارف وجهة نظري دي صح و لا غلط.

**fadynabil** · 04-01-2009 12:50 PM

بجد اللي بيحصل ده تهريج ... حرام يكون ده حال الچين تو ودي مش أول مره أسمع فيها موضوع الموتور ده

لازم تعرف إيه السبب ولو كان عيب تصنيع يتم فوراً التعامل معه.

**alfa** · 04-01-2009 01:05 PM

يا جماعة انا ياللي حصللي تقريبا نفس المشكلة و انا قولتها بموضوع ( تنزيل محرك) بس الفرق ان عربيتي ما طلعتش دخان وكانت بتصدر صوت طرطقة بس.
اما الحاجة المشتركة هي انهم في التوكيل بردو ماكنش عندهم جواب للسبب يالي حصل بالموتور!!
وربنا يحميلكم عربياتكم يارب

**saidbakr** · 04-01-2009 06:19 PM

المشاركة الأصلية كتبت بواسطة tarek hashem

يا نهار زى بعضه
...
يا جماعه عايزين نتمسك بحقوقنا اكثر من كده
...

كلامك جميل يا استاذ طارق، و لكن المشكلة إننا موش عارفين نتلايم على الحبل اللي هنمسكه و اللي المفروض تكون حقوقنا مربوطة فيه. نفسي قوي يكون معانا هنا في المنتدى واحد محامي شاطر، يقولنا ايه هي الاجراءات القانونية اللي ممكن نعملها في ظروف زي دي؟!!! و سيبونا بقى من موضوع الشركة الأم و الإيميلات لماليزيا، لأن ببساطة لو مافيش قانون في بلدك ورا ضهرك و تكون عارف سكته كويس، موش هتعرف تاخد حق و لا باطل.