الناس دايما عندها حب رهيب لاثبات الذات على حساب اى حاجه
انا اطول منك
انا اسرع منك
انا اتخن منك
انا ارفع منك
انا احسن منك
انا بفهم و انت حمار
الدايو احسن عربيه
اليابانى مش هيرجع تانى
الالمانى العظيم
الامريكى الرهيب
الوحش الفرنسى
المارد الماليزى
البتنجان المصرى
اى كلام فى اى كلام
و الناس اللى بتقارن بجد عشان توصل لتوصيه قليلين
معظم الناس بتقارن عشان تقول هيه معاها الجامد و المتين و الباقى بقر و ماشفوش نور الحق اللى همه شافوه فى ليله سرمديه كحلى
كل انسان ليه ظروف و اولويات مش عند التانى و مجموع الحسبه ديه هوه اللى بيوجهه ناحيه حاجه معينه
ممكن تكون مناسبه ليه و ممكن لأ
تكنولوجيا السيارات فى الفئه اللى احنا بنستهلكها كمواطنين مطحونين كلها قريبه من بعض
والعربيات ديه لا عربيه شد ولا سحب احنا بس من ضيق النفس و البلد بنحاول نعمل بيها حاجه
ارحمنا يا رب من مناقشات من عنده اكبر و احسن و افضل و اسرع
المفضلات