الموضوع: الاسعار حتنزل

كلنا يا جماعة عارفين حملة خلوها تصدى وسعرها يعدي.... وأن الحملة دلى غراضها محاولة صد عجرفة بائعى السيارات فى مصر وتماديهم في غلو أسعار السيارات علي مدا الخمسة أعوام السابقة.. والأستمرار علي هذا الغلاء حتي الان رغم الركود في سوق السيارات العالمي وتخفيض(اسعار السيارت عموما-انخفاض اسعار اليورو والدولار نتيجة للكساد العالمى-ويقال ايضا ان الجمارك هتيتدى تنزل)
قصاد كده شفنا ظهور هذه الحملة لمحاربة هذا الغلاء فى الاسعار... والأن يأتى وقت الاسألة الاتيه:-
1- هل انت مشترك في هذه الحملة او من انصارها؟ وهل امتنعت بالفعل وتراجعت عن شراء السيارات؟ وان كنت لست من انصارها,فلماذا؟
2- هل تجد اثر لهذه الحملة؟ وهل تتوقع لها اثر مستقبلا؟
3- هل تحاول الترويج للحملة ونصح من حولك بلامناع عن الشراء؟

قد يتعجب البعض من هذه الاسئلة لأن الحملة معروفة لأغلب الناس أن لم يكن جميعهم.....(بس) للاسف في احدي موضوعات المنتدي وجدت الناس بتتراجع و (بيقولوا العربيات ولا هترخص ولا حاجة ودا كلام في كلام وهجص وحورات . احنا مهما حصل في العالم ركود ولا لأ الأسعار مش هتنزل عندنا .. هما البيعين جشعين ومش هيرخصوا)
وانا احب أرد لهؤلاء الغير متفاقلين-طبقا لوجهة نظري المتواضعة- ان الاجابة تتلخص في السؤال دا (هو انت اللي بتشترى والا هما؟)
يعني من الاخر احنا اللي بنتحكم فيهم وفيء الاسعار بس مشكلتنا ان احنا مش متحدين وكل واحد يقول اشمعنا انا؟ هو انا يعني اللي هفرق؟ ..... طب بص بقى يا سيدى .. تخيل بمثال بسيط .. توكيل عربيات بيبيع سيارة ازيد من تمنها الضعف ولنفرض 50 الف .. يعني انت لما تشتري هو بيكسب منهم حوالي 20 الف بس (دا فرض).. والتوكيل دت بيبيع 10 عربيات في اليوم لعشر عملاء.. ةمكسبو كدا في اليوم 200 الف جنية... تخيل بقى سيادتك انت عميل وامتنعت عن الشراء (كدا خسرت الشركة 20 الف من 200 الف بتوع اليوم) وتخيل اللي قرأ غيرك الموضوع دا عمل زيك ومشتراش (ادي كمان 20 الف طاروا علي التوكيل ) وعندك دا يقول لدا وهكذا محدش يشتري.. تبص علي التوكيل تلاقي مكسبوه في اليوم بقى (صفر) خد عندك 200 الف طارو في يوم في شهر بقي يبقوا(6 مليون) وحط عندك انوا بيدفع عمالة ونقل ومصاريف شحن... واتفرج بقي طب دا هينزل ولا هيروح يبيع ترمس هو والعمال اللي عندوا .. مش هرد قول انت ؟
_نيجي للنحية التانية هتقلي بقي طب دا التوكيل يا عم دا في مشكلة اكبر ان الاسعار غالية في الجمارك.. هقولك بسيطة .. لما التوكيل ينزل السعر والناس مش بتشتري اصلا .. رجال الاعمال اللي هما اصحاب التوكيل دول و هما اللي بيعملوا اقتصاد البلد وبيتحكموا فيه.. دا كل اسم منهم يلوح يا عم .. تفتكر لما يلاقوا نفسهم هيفلسوا مش هيعرفوا يضغطوا علس الحكومة عشان تنزل الجمارك ... مش هرد رد انت...!!
ولو قلتلي مثلا مش هيعرفوا ودا ايييييييه مستحيل طبعا..... تفتكر لو وعرفوش شركات السيارات نفسها هتسيب الحال علي كدا ومش هتدخل ...دا طبعا استحالة .. هتلاقيها كلها بتضغط علي الحكومة عشان ينزلوا الجمارك والضرايب وكل دا.. احنا اه مش جمدين في العربيات علي المستوي العالمي .. بس احنا شوف كام عربية بنستوردها في السنة .. يعني نأثر علي مبيعات شركات عالمية (تويوتا مثلا دي اعلي مبيعات ليها في الشرق الاوسط مصر) تفتكر شركة تويوتا مش هتضغط علي حكوتنا .. دا بيزنس ياجماعة .. والمشتر هو اللي بيتحكم في السوق ياجماعة مش البائع ..دى قاعدة معروفة علي مستوي العالم .. ودا اللي بيحصل في اوربا (السلعة اللي تغلى بدون سبب الناس تضرب عنها )


بعد كل دا تفتكر هتأخذ موقف ولا هتيأس؟ يا حماعة هو لسا مجاش الوقت اللي نقول فيه لأ؟
تعالوا نجرب نخلي لينا رأي مرة.. وهنخصر ايه ..ولنتوكل علي الله وليكن الله في عوننا...

المشاركة الأصلية كتبت بواسطة mbisar

فى حاجه فى السوق اسمها الحرق و هى دى الطريقه اللى هينزل بيها العربيات فى مصر و دى حاجه قديمه اوى انا عارفها من ايام ما كنت بشتغل فى العربيات التجار دلوقتى متمسكين و مش عايزين ينزلوا سعرهم و ده عشان ميخسروش و عشان عندهم ستوكات لازم تخلص و طبعا هما متفقين على كده مع بعض المهم السوق هيبتدى يقفل و الطلب هيقل و هما طبعا لسه متمسكين ، المشكله بقا هتظهر ان الناس دى عليها مصاريف كتير اوى و عليهم فلوس لازم يدفعوها للبنوك و عليهم ضرايب بالهبل ( 30 / 3 / 2009 ) لازم تندفع طيب يعملوا ايه ، التجار فى منهم الجامد التقيل اللى معاه فلوس و ده ممكن يستحمل شويه و فى منهم اللى فلوسو كلها قروض و عليه التزامات و لازم يبقا معاه كاش ،اللى زى ده يبتدى يحرق السعر العربيه مثلااللى 130 يبيعها هو 120 و اقل كمان لأنه محتاج فلوس والا هيخسر كتير اوى يبقا يخسر فى كام عربيه عنده احسن ما يفلس
و السعر ده اول ما يسمع يبتدى التجار هما كمان يبيعوا بنفس السعر عشان يعرفوا يبيعوا و تبتدى العمليه تحصل بالشكل ده
انا لما كنت بشتغل فى العربيات ( مع والدى ) ووالدى تاجر سيارات من سنه 1981 لحد 2001 كنا مثلا فى سنه 99 بنجيب العربيه الهيونداى اكسنت من الشركه رسمى ب 33 الف تجارى و نبيعها ب 34 او 33 و نص المهم العربيه دى كنت تلاقى واحد تاجر عادى جدا بيبيعها فى السوق للزبون ب 28 الف يعنى بيبيعها بخساره الفتره الأخيره دى بصراحه مكانش فيها حرق فى الأسعار و ده بسبب انتعاش تجاره السيارات عشان دخول البنوك بكل تقلها فى عمليه التقسيط فكانت الدنيا ماشيه زى الفل لكن بعد الأزمه دى الموضوع هيرجع زى زمان و يا ريت ماهو كلو فى مصلحتنا ،
تحياتى للجميع .

شكراً على المعلومة

يا جماعه الكلام اللى انا قولتلكوا عليه بتاع حرق اسعار السيارات شغال دلوقتى فى بعض المعارض ، انا متابع اسعار الرينو ميجان على وجه الخصوص ، و روحت سألت عليها فى كل حته و فى التوكيل العربيه بقا سعرها 140 الف جنيه ، الفئه التانيه فى الأتوماتيك ، فى واحد عندنا هنا فى المنتدى اشتراها موديل 2009 من معرض فى القاهره ب 131900 يعنى العربيه سعرها اقل من الوكيل 8 الاف جنيه
نزول الأسعار مش هينزل من الوكيل بس هينزل من التجار اللى عايزين يخلصوا عشان يعرفوا يسدوا التزاماتهم و مصاريفهم و ضرايبهم ، عارفين ايه مشكله البلد بتاعتنا دى يا جماعه (( الأحتكار)) هو ده السبب الرئيسى فى عدم نزول اسعار السلع كلها مع انها فعلا نزلت فى العالم كله

رجح تجار سيارات في السوق المحلية انخفاض أسعار معظم أنواع السيارات مطلع العام المقبل خصوصا الأميركية منها بنسب تتراوح بين 25% إلى 30% .

وأشارت جريدة "الغد " الأردنية إلى أن التجار استندوا في توقعاتهم إلى الركود الذي أصاب سوق السيارات العالمية بفعل تقلص الطلب وحاجة الشركات المصنعة للسيولة جراء الأزمة المالية .

وتوقع نبيل رمان رئيس هيئة مستثمري المناطق الحرة الأردنية أن تقوم شركات السيارات العالمية تخفيض أسعارها بنسب تتراوح بين 25 إلى 30% في ظل الركود الذي يشهده القطاع جراء نقص السيولة، والأمر الذي سينعكس محليا .

وذكر رمان أن الشركات العالمية المصنعة للسيارات تقوم في الوقت الراهن بدراسة لتخفيض أسعار منتجاتها في محاولة لتوفير السيولة من خلال بيع سياراتها بأقل من كلفتها .

وأكد هيثم قطيشات تاجر السيارات أن أسعار السيارات بداية العام المقبل سوف تشهد انخفاضا ملحوظا وخاصة الأمريكية منها، باعتبارها من أكثر الدول تأثرا بالأزمة المالية .

وكانت ثلاث من كبرى شركات السيارات الأمريكية ـ جنرال موتورز وفورد وكرايزلر، هددت بإشهار إفلاسها ما لم تنقذها الحكومة الأمريكية .

وقال مسئول في الحكومة الأمريكية :" إن حوالي 13.4 بليون دولار ستتاح في كانون الأول /ديسمبر وكانون الثاني /يناير ضمن مبلغ 700 بليون دولار مخصص لإنقاذ مؤسسات مالية متعثرة لكن القروض ستسحب إذا لم تستطع شركات صناعة السيارات إثبات قدرتها على البقاء بحلول 31 من آذار / مارس .

ومن جانبه، توقع باسل الأحمد تاجر سيارات آخر، انخفاض الرسوم الجمركية والضريبة على السيارات الأمريكية بداية العام المقبل، لتصل تعرفتها الجمركية صفر .

وذكر الأحمد أن دائرة الجمارك العامة تقوم تخفيض الرسوم الجمركية على السلع ضمن التزام الأردن باتفاقية منظمة التجارة العالميةwto الذي يجري عادة في آذار / مارس المقبل، فيما تزيد الضريبة الخاصة بالنسبة نفسها بحيث تبقى مجموع الرسوم وضريبة المبيعات على السيارات ثابتة وهي 82.25%