ايه رايكو فى البولونيز

**عصفور** · 10-08-2007 06:54 AM

ايه رايكو فى البولونيز

**hazem_khidr** · 10-08-2007 06:57 AM

عربيه مالهاش سوق و تقيله و موترها قديم جدا (نفس موتور الفيات 1500 موديلات الستينات)و دركسيونها تقيل.
هيا ممكن تبقي مهضومه في حاله ان موتورها اتغير بموتور ال 132 ال 2 كامه

**Hazem Salah** · 10-08-2007 11:37 AM

سيارة رديئة جدا من كل النواحى

**عصفور** · 10-08-2007 05:19 PM

اولا شكرا لانكو اهتميتو بالموضوع بالنسبه للعربيه دى لو سقطلها موتور ال132 هيكلفنى اد ايه وهل هيبقى مظبوط عليها ولا هيطلع عيوب وياريت لو فيه حل لتقل الدركسيون ولوفيها مشاكل تانيه ياريت تقلولى عليها واسف على الاطاله

**hazem_khidr** · 10-08-2007 05:31 PM

العفو يا سيد عصفور احنا هنا كلنا اخوات.
بالنسبه لموتور ال 132 اعتقد انه غالي مش حيقل عن 2500 جنيه اقل واجب(كنت شاريه سنه 1994 و كان موتور ارجنتا كمان موديل عالي 84 و 2000 سي سي و كان ب 1000 جنيه بالفتيس!!!)انما حاليا حتلاقيه غالي.
بالنسبه للدركسيون لو انت ركبت عليه موتور 132 2000 ف انا متاكد انك ممكن تركب باور عليه علشان نفس عفشه ال 132 بالضبط و كل اللي في الموضوع انك حتشيل خزنه الدركسيون و تجيب خرنه دركسيون باور و علبه الزيت و الخراطيم و الكمبروسور بيبقي جاي مع الموتور ال 2000 اساسي مش حتحتاج تركبه انت.
يعني الفيلم دا حيخش في حسبه 4000 او 5000 جنيه!!
نصيحه لو معاك العربيه دي و عاوز تعمل فيها كده لمزاجك انت و علشان انت غاويها اعمل كده بس ما تنترش انك لما تبيعها فلوسك حترجع ليك الا لو واحد هاوي برضه اخدها منك.
انما لو لسه حتشتري ف انصحك تشوف 132 او 131 او ريجاتا حتبقي احسن منها ميت مره(فلوس العربيه و فلوس التعديلات يجبولك عربيه نضيفه و كويسه)

**عصفور** · 10-08-2007 11:27 PM

شكرا جدا يا استاذ (حازم خضر) والله معلوماتك مفيده جدا وانا اقتنعت بفكره ال132 بس انا لسه شاب ببتدى حياتى وال132 قطع غيارها غاليه انا كانت عجبانى على اساس ان الفرق بينها وبين ال128 النظيفه حوالى 3000 يعنى مثلا ال128 موديل 88 لو نظيفه تعمل 20000 وده المبلغ اللى معايا بس وانا بدور على النت لقيت ال132 بتعمل حوالى 23000 فقلت يعنى لو اصبر شويه لحد ما اكمل الفرق كان يبقى احسن بما ان ال132 اكبر و اقوى بس لقيت المفاجأه وهى ان قطع غيار ال132 غاليه قوى بالنسبه لى فياريت لو فيه عربيه فى حدود 20000 ال ومناسبه ليا فى المصاريف واقدر برده اظبطها تقولى عليها ومعلش انا عارف انى تقلت عليك بس انا متعشم فى زوقك

**hazem_khidr** · 11-08-2007 02:53 AM

يا سيدي ولا يهمك و علي فكره انا شفت عربيات 132 علي النت بالتمن دا اللي هو 23 الف بس عباره عن مشنات و لسه واحد صاحبي بايع مشنه منهم من كام يوم :) .
رايي لو تصبر شويه و تحاول تشوف عربيه ابيزا سيستم بورش موديلات تمانينات ب 25 الف ولا حاجه تبقي احلي ميت مره,

**Nader** · 11-08-2007 03:00 AM

البولونيز دي بامانة عبارة عن جرار دركسيون زي الدهية و لو انت طويل شوية مش هتعرف يدوس دبرياج وتنقل الفتيس خاصاً الغيار الاول!! + حريقة بنزين علي الفاضي :?

**Powert** · 11-08-2007 03:05 PM

للعلم انا معايا بلونيز

وبرضة مع واحد قريبي واحدة كان جيبها علشان يتعلم عليها السواقة زيي

انا بتاعتي موديل 92 تقريبا وهو معاه موديل 84 الفرق ما بين الاتنين فرق كبيير أوي

انا بتاعتي نقلتها حلوة جدا وقاعدتها مريحة ودركسيون مش تقيل وعاى فكرة انا طويل جدا حوالي 194 تقريا

بس مشكلتها وانت واقف متعرفش تحود الدركسيون في الاول

عيوبها دايماً في الموتور وعايزها واحد اديها فيها على طول كل شوية اعطال ومشاكل فيها وسخونها طبعا انا مركب فيها مروحة زياده

بتستهلك 10 لتر بنزين كل 100 كيلو بسرعة 100

انا جبت بيها قبل كده 160 كيلو بس مش هقولك كانت بترقص من الفرح وانا بجري بيها :D

ولو عايز اي حاجها عنها انا موجود بخدمة

-

الموضوع: ايه رايكو فى البولونيز

LinkBack

أدوات الموضوع

عرض

ايه رايكو فى البولونيز - انشر الموضوع فى :

-

-

-

-

-

المواضيع المتشابهه

البولونيز ولا الريتمو

راي خبراء البولونيز

132 افضل ام البولونيز

132 و لا البولونيز ؟؟

الريتمو ولا البولونيز

الكلمات الدلالية لهذا الموضوع

المفضلات

المفضلات

ضوابط المشاركة