مشكلتين أغرب من بعض وياريت اللي يعرف حل ليهم يساعدني علشان تعبت

**Strong** · 25-12-2008 06:25 PM

1- كان جوان زيت التاكيهات بيسرب زيت غيرته وقفل الوش بسيليكون وبعد ما ربط المسامير راح رابط على مسمار جاااامد لغاية ما بدأ يلف على الفاضي !!!! وقاللي متقلقش وركب مسمار أكبر منه ولقيت المشكلة اتحلت ولكن حدثت مشكلة لم أكن أتوقعها وهي إن المكان اللي بيربط فيه المسمار الألومنيوم أو الحديد ده اتشرخ !!!!!! وشرخ كبير فهل هيأثر في حاجة ؟ غير إن الجوان سرب زيت تاني !!!

2- بعد ما غيرت البطاحة وتيل الفرامل معاها لقيت حاجة غريبة وهي عومان رهيييييييييييييييييب في العربية مش عارف أمشي خالص أكتر من 40 !!!

ومرة مشيت كويس جداااااا وجبت بيها 100 وفجأة لقيت الناحية اليمين قدام عمالة تطلع وتنزل وبألاقي العربية كلها مايلة يمين (الجنب اليمين كله ) طبعا كل ده وأنا جوه ، فقلت هاركن على جنب وهاشوف اللي أنا حاسه ده حقيقي ولا مجرد احساس وهمي فنزلت ولقيت العجلة اليمين ورا مفيش مسافة بينها وبين الرفرف والشمال ورا في مسافة 3 صوابع يد !!! (طبعا كنت مركب 2 ورا ) فاتأكدت إن في حاجة فعلا عاملة المشكلة دي .

رحت كشفت على العفشة وبعد ما شافها قاللي كويسة وسليمة وظبطت زوايا وكانت مظبوطة وجرب معايا والعربية كانت تمام ومشيت بيها كويس وفي نفس اليوم بالليل وعلى نفس الطريق لقيت العربية رجعت تعووووووووم تانيييييييي

معلش أنا طولت عليكم لكن أنا في حالة نفسية وحشة مش عارف ايه اللي بيحصل هل المشكلة فيا أنا !!! ولا في حاجة ملخلخة ومش باين إن فيها مشكلة ؟؟؟ وهل تيل الفرامل ممكن يكون راكب غلط فبيمسك وبس ؟ وبيسبب العومان ده ؟ والحمد لله مفيش أي صوت بيطلع لا شخللة ولا حاجة بتدل على وجود مشكلة أو حديد بيخبط في حديد .

ياريت اللي يعرف أي حاجة تنفعني ميبخلش بيها عليا وشكرااااا مقدما

**ahmedsrs** · 25-12-2008 09:49 PM

بالنسبة لموضوع الشرخ الى حصل فى السبيكة طبعا ده بيدل ان الى بيشتغل مش ميكانيكى خالص وان اخره عربيات كارو يشتغل فيها كده ملهاش حل غير تتملى انتمونيا وتتخرط او تجيب واحدة جديدة .
بالنسبة لموضوع البطاحة ممكن يكون الى ركبها ركبها بالمقلوب فعملت العغومان الرهيب ده .
كده انت عاوز ميكانيكى كويس

**HeMa_LanCeR** · 25-12-2008 09:54 PM

بالنسبه للوش زي ماقالك الاستاذ كده بالظبط
وبالنسبه للعومان فا ده من كلامك عيب في الطريق نفسه وليس العربيه
لأن مش بتشتكي من العومان غير في الطريق ده بس ولا انا فهمت غلط ؟

**Strong** · 25-12-2008 10:05 PM

المشاركة الأصلية كتبت بواسطة ahmedsrs

بالنسبة لموضوع الشرخ الى حصل فى السبيكة طبعا ده بيدل ان الى بيشتغل مش ميكانيكى خالص وان اخره عربيات كارو يشتغل فيها كده ملهاش حل غير تتملى انتمونيا وتتخرط او تجيب واحدة جديدة .
بالنسبة لموضوع البطاحة ممكن يكون الى ركبها ركبها بالمقلوب فعملت العغومان الرهيب ده .
كده انت عاوز ميكانيكى كويس

ههههههههه بالنسبة لموضوع الشرخ أنا عارف حظي مع الصنايعية وجربت كتيير وحرمت أغير جوان الزيت تاني خلاص لا تغيير ليه بعد اليوم

وبالنسبة للبطاحة هو ركبها صح بمعنى اليمين يمين والشمال شمال كان مكتوب على كل واحدة R أو L
لكن العومان ده كان موجود على خفيييييييييييف جداا لو مشيت بعد ال 100 لكن غير كده كانت ماشية كويس ولما اتغيرت البطاحة أنا حاسس وأنا ماشي طبعا إن العربية كلها مايلة يمين ولما بانزل وباشوف المسافة بين الكاويتش والرفرف بيدل على نفس الميل ده

والنهاردة رحت عند واحد ميكانيكي ووريته العربية وقاللي العربية سليمة ومفيهاش حاجة (ده أول ما تتحرك) وطلع بيها لسرعة 140 ولما حرك الدريكسيون سنة يمين العربية عامت منه جاااااااااااااااااااااااا ااااااااااااااااااااااااا اااااااااااامد جدااااااااااااااا وسيطر عليها بصعوبة وقاللي أنا مش عارف ايه ده وقال إن ممكن يكون في جلدة مقطوعة أو المساعدين خفاف ( أعتقد لو المساعدين خفاف هيتنططوا لكن مش هيعوم العربية بداية من سرعة 40 ولما بتضغط على العربية بقوة وهي واقفة مش بتتمرجح بتطلع لفوق وتسكت)
وأنا ملاحظ إن العومان بيظهر أول ما تحرك الدريكسيون يمين أو شمال غير كده العربية بتكون ثابتة جدا من غير مشاكل حتى لغاية 150

وياريت اللي يعرف أي معلومة يفيدني بها علشان هاجرب لغاية لما ربنا يسهل وتتظبط.

**Strong** · 25-12-2008 10:12 PM

المشاركة الأصلية كتبت بواسطة HeMa_LanCeR

بالنسبه للوش زي ماقالك الاستاذ كده بالظبط
وبالنسبه للعومان فا ده من كلامك عيب في الطريق نفسه وليس العربيه
لأن مش بتشتكي من العومان غير في الطريق ده بس ولا انا فهمت غلط ؟

لا العومان ده في أي طريق وفي أي مكان وبيظهر لما تتحرك يمين أوشمال وساعات بيحصل معايا في الغيار التاني يعني ماشي 20-30 .

**ahmedsrs** · 25-12-2008 10:30 PM

شيك على بارات الطرف وبيض الدركسيون

**human** · 25-12-2008 11:12 PM

كان عندى شرخ زى ده فى المازدا و صلحته فى الحرفيين بكلام فاضى
عملت موضوع الانتمونيا ده و مكانش فيه مشكله
الولد خد 20 جينيه
الكلام ده من 3 سنين

**Strong** · 25-12-2008 11:37 PM

المشاركة الأصلية كتبت بواسطة ahmedsrs

شيك على بارات الطرف وبيض الدركسيون

كنت عايز أعرف أشكال تلفهم ايه ؟ بنعرف انهم بايظين ازاي ؟ علشان لو روحت عند حد مش فاهم أحاول أكون أنا اللي فاهم

**ahmedsrs** · 26-12-2008 11:43 AM

بيعملو عومان فى العربية وبيتكشف عليهم من قبل العفشجى اما بالحل وده الأحسن او برفع العجلة المراد فحصها وتحريكها لمعرفة وجود بوش من عدمه

**Sherif Khalifa** · 26-12-2008 01:03 PM

ممكن بتاع الزوايا يكتشف حاجة جديدة
جرب

الموضوع: مشكلتين أغرب من بعض وياريت اللي يعرف حل ليهم يساعدني علشان تعبت

LinkBack

أدوات الموضوع

عرض

مشكلتين أغرب من بعض وياريت اللي يعرف حل ليهم يساعدني علشان تعبت - انشر الموضوع فى :

-

-

-

-

-

-

-

-

-

المواضيع المتشابهه

اللي يعرف يا ريت يساعدني

انا تعبت بجد لوجان ولا سجا حد يساعدني

الناس اللي ليهم في الجرافيك والحركات :))

هام جدا وياريت حد يساعدني

مشكلتين ماعتققدشي ليهم علاقه ببعض

الكلمات الدلالية لهذا الموضوع

المفضلات

المفضلات

ضوابط المشاركة