عاوز اعمل سيستم ومحتاج وجودكم جنبي بصراحه

**boing** · 25-12-2008 07:00 PM

السلام عليكم ورحمة الله وبركاته

انا بقالي فترة ما بدخلش على المنتدى لان العربيه الكورولا اللي كنت حكتلكم عن الحادثه اللي حصلت ليا من شهرين وانا قرررت اعملها برا التوكيل واخده معظم وقتي بصراحه

خلاص الوقت جري والايام بطبيعتها دواره وفات شهرين اهو والعربيه خلاص ان شاء الله قربت تخلص بعد ما طلعت عيني

وانا ناوي ان شاء الله اول ما هطلعها وبعد كمية المصاريف اللي اتصرفت عليها قلت ادلعها بسيستم حلو مش خساره فيها

وكنت محتاج وجودكم جنبي بصراحه لاني ابيض فموضوع تركيب السيتمز هنا في مصر وما عنديش فكرة لا عن اماكن ولا عن ماركات ولا عن اسعار بالمرررررررة

انا سيارتي كورولا 2006
كنت عاوز اركبلها سيستم كامل وهخلي سماعات بلادها اللي فيها بردو شغاله

عاوز اشتري ام بي ثري بلاير وياريت لو يكون فيه مكان لكاسيت بردو عشان الشرايط احيانا بنحتاجها ويكون بردو فيه Auxمخرج للاي بود مثلا ولو هيبقا السعر مكلف كفايه بس السي دي مش لازم كاسيت
عاوزه ماركه كويسه وتقوم سيستم حلو ويكون السعر حلو

وطبعا عاوز سماعتين او 3 يركبو ورا عند الزجاج الخلفي
وعاوز اسال خبراء الكورولاموديل 2006 هل هضطر اقص في الحديد بتاع الشنطه ولا الكورولا مجهزه انو يركبلها سماعات اكسترنال وبردو عاوز اسال هل السيستم هياثر فعلا زي ماسمعت من بعض الناس انوهيبوظ كهرباء السيارة ولا لا؟؟؟؟؟؟؟؟؟؟؟؟؟؟؟؟وهل البطاريه عمرها هيقل ؟؟؟؟؟؟؟؟؟؟؟؟؟؟؟؟؟؟؟؟؟

وطبعا عاوز امبليفير وعاوز subwooferيركب عند الزجاج الخلفي او اعملو بوكس واركبو في الشنطه وعاوز رايكم مين الاحسن ورا عند القزاز ولا في الشنطه؟؟؟؟

انا تقريبا المبلغ اللي معايا مش رح يزيد على 1500 جنيه

هما دول اللي بقايين معايا من 25000 جنيه اتصرفو اصلاحات للسيارة برا التوكيل

مستني تعاونكم معايا لان لاقيت شباب بصراحه زي الاخوه في المنتدى ده لما عملت الحادثه وقفو جنبي وبالتليفونات وعرفوني المطلوب وانا بشكرهم وبدون زكر اسامي
ربنا يكرمهم ويوفقهم

وربنا يكرم الجميع ويكفيكم شر الطرق والحوادث

ياريت من الشباب يفيدوني وياريت بالاسعار

**HNaga** · 25-12-2008 07:42 PM

اولا مبروك على إصلاح العربية
ثانيا 1500 شوية جدا على سيستم كامل زى مانت عايز ولو لقيت بالسعر ده هيبقى سيستم مضروب قلته أحسن ومايليقش بعربية كورولا
عامة برة موضوع السعر سيستم العربية مختلف
ممكن 2.1 يعنى سماعتين و صب و طبعا أمبليفاير او أتنين
وممكن 4.1 يعنى أربع سماعات وصب وده بيدى الصوت المحيطى
ّّّّّّّّّّّّّّّّّّّّّّّّّ ّّّّّّّّّّوممكن 5.1 و 6.1 و 7.1 وده سيستم ملائم للدى فى دى والأفلام أكثر
ووممكن صبين صغيرين بدل صب واحد عشان البيز يبقى ستريو وتحس بالتوزيع
أهم حاجة متسترخصش وخصوصا فى الأمبليفاير

موضوع الماركات ده أذواق وميول ناس بتحب الماركة المنتشرة وناس بتحب الماركة النظيفة اوى مش مهم منتشرة أو لا

**boing** · 25-12-2008 07:52 PM

ياريت توضيح اكتر من كده

بالتفصيل يعني البلاير بكم مثلا والسماعات بكم
وايه اللي ممكن اجيبو غالي ووووو

محتاج مشاراكاتكم ضروري
بصراحه انا بدات احبط لان الفلوس معايا قربت تبقا بححححححح
وشكرا ليك يا اخ HNaga

**KoDaK_Gti** · 25-12-2008 08:02 PM

1500 جنيه ميجيبوش السى دى اللى انت عاوزه اصلا

**HNaga** · 25-12-2008 08:09 PM

كل حاجة فيه منها الغالى و الرخيص يعنى سيستم ممكن يتعمل ب 3000 و ممكن يتعمل ب 30 الف
اللى بيغلى السيستم هو درجة نقاء الصوت حتى فى الصوت العالى
بوجه عام شوف الأول انت عايز ايه عايز تسمع الناس والا عايز انت تسمع وسمعك ده شكله ايه يهمك اوى تفاصيل و نقاء الصوت والا اهو حاجة شغالة وخلاص
نصيحة إسمع الأول قبل ماتشترى لأن فى مصر فيه مصيبتين
مصيبة البائع اللى عايز يبيع وخلاص ممكن يبيع الحاجة اللى فاضلو عنده مش عارف يبيعها و ممكن يبيعلك الحاجة الغالية وخلاص وتكون انت مش محتاج ده كله
ومصيبة الناس اللى بتقيم السيستم على أساس راى شخصى من غير اى مقارنة يعنى واحد إشترى سيستم سيمقونى و لقى صوته عالى فيقول لك سيمفونى دى ماركة تحفة و جبارة ووووووو وهو أصلا ماسمعش غيرها

**boing** · 25-12-2008 08:18 PM

طيب والعمل ايه

الفلوس هيا اللي بتتحكم في مصير الشعوب... للاسف هههههههه

طيب ممكن اعمل ايه ب 1500 اللي ميعملوش حاجه دول
اطور بيها نفسي واركب كاسيت وخلاص على سماعات العربيه
ولا اجيب سماعات بالاضافه للي عندي

يعني شوفولي حل اتصرفو وخليكو جنبي انا السيستم بتاع بلدها ما بيشبعش رغبااااااااااااااتي الجامحه
هههههه

شوفولي حل رجاء وانا معاكم هنا في المنتدى ومش خارج مع ان النهارده الخميس عيد ابليس

**HNaga** · 25-12-2008 08:44 PM

الأول حدد انت عايز صوت شكله ايه و بعدين أعمل بلان واحدة واحدة غير اللى عندك لحد ماتوصل للسيستم اللى يعجبك

ولو ان مش هتوصل للمرحلة دى لأن كل ماهتعمل سيستم هتبقى عايز أكثر - سمعات أنقى وأعلى وأوصح بتفاصيل أكثر

حط فى بالك ان الرخيص مضر مش مفيد وان الحاجات اللى فى مصر عامة مش جودة عالية

لو رغباتك جامحة زى مابتقول يبقى الأول هات سماعات نظيفة هتحس بالفرق و بعدين كاسيت نظيف ويعدين السماعات اللى ورا
لو لسه الصوت مش عاجبك يبقى هتدخل فيلم الأمبليفاير وده النظيف منه غالى - مثلا حسب ابلان بتاعتى ان عايز أشترى 2 امب واحد ب 2700 جنيه و واحد ب 3000 جنيه عشان كده سايب السيستم زى ماهو لحد ما أحوش

**boing** · 25-12-2008 08:57 PM

بص انا لسه مكلم واحد ضاحبي عالنت ناو قالي 2000 يعملو سيستم حلو
هوا عامل سيستم عباره عن بلاير كينووود ام بي ثري وعباره عن سب بيونير وعباره عن 4 سماعتا بيونييير وبيونير جي ام وبيقولي 2000 يعملو

اصل رقمك بردو بتاع ال 30 الف ده مش لينا ولا لحد اساسا م نشباب مصر يا اتش
السيستم ابو 30 الف ده مين اللي هيلاقيلو مكان من اساسو غير الهامر او الارمادا

عموما انا عاوز سيستم يكون صوتو عالي بس مش يكسر القزاز يعني
ويكون البيز بتاعو محترم جدا هوا ده اللي انا عاوزو مش حاجه خياليه زي اللي فدماغك
لاني عندي سيستم سوني في البيت 12000 وات بس بيت بقا مش عربيه
لكن العربيه عاوزين حاجه معقوله
وشكرا على تفاعلك معايا يا اتش

**HNaga** · 25-12-2008 09:07 PM

لا السيستم ابو 30 ده مش مكونات كتير زى مانت فاكر
بس مثلا سماعات الأبواب بس ب 1000 دولار

وانا ماقلتش انك تعمل سيستم ب 30 الف بس بقول ان انظمة الصوت ممكن توصل لأكثر من كده كمان

وكمان غلو الحجات دى مش عشان علو الصوت بالعكس انت ممكن تلاقى سيستم صوته عالى و رخيص الفكرة فكرة نقاء صوت
بص هقوللك قصدى - انت ممكن تعلى الصوت مثلا على 25 از 30 5 دقايق وتلاقى نفسك صدعت انك سامع وش
وممكن كل ماتعلى الصوت يعجبك أكثر لأن صوت نقى تحب تسمعه

وبعدين لاحظ من الأول انا قولت لك انت عايز ايه ولحد دلوقتى مارديتش

**boing** · 25-12-2008 09:13 PM

معلش يا اتش انا صدعتك معايا مش الصوت العالي ههههههه

انا عاوز سيستم عادي بتاع شخص اقصد سيستم يظبطني في العربيه مش هقوم بيه ديسكو يعني هههه كفايه اللي في البيت
سماعتين حلوين وجي ام وبلاير وسب حلو في الشنطه

وعاوز صوت لما يبقا عالي يبقا واضح طبعا مش مشوش
مش عارف انا كده عرفت اوصلك طلبي ولا لسه
من الاخر سيستم زي معظم الشباب اللي في البلد بيركبوه
ولو مثلا هيكلف كتير قلي هل ينفع اجيب الامبليفير مستعمل مثلا
انا عاوزك من الاخر تحط نفسك مكاني واعتبرها عربيتك وهيا عربيتك فعلا وقلي التمام وشكرا ليك على وقفتك جنبي

الموضوع: عاوز اعمل سيستم ومحتاج وجودكم جنبي بصراحه

LinkBack

أدوات الموضوع

عرض

-

-

-

-

-

المواضيع المتشابهه

عاوز اعمل سوند سيستم

ساوند سيستم جديد ومحتاج رأي

عاجل : بالوعة كبيرة من غير غطاء فى الشارع اللى جنبي اعمل ايه

ساوند سيستم ومحتاج رايكم

عملت حادثه شديده بكورولا ومحتاج وجودكم جنبي

الكلمات الدلالية لهذا الموضوع

المفضلات

المفضلات

ضوابط المشاركة