شوفتو بقى الفرق اللى بين المصرى والكورى أيه

**ahmednawar** · 26-12-2008 05:35 PM

انا الحمد لله قررت انى انا اشترى عربية افيو كورى 2009
لما سألت فى معرض المصرية اللى فى سموحه قالى العربية مش موجوده دلوقتى مع العلم انى انا عاوز اشتريها وادفع تمنها واخد العربية والورق الأتنين مع بعض علشان اروح تانى يوم ارخص (المعامله ميرى سلمنى اسلمك)المهم قالولى العربية مش موجوده بس ممكن نجبهالك الورق يخلص فى خلال 48 ساعه كان نفسى اقولهم ***** بس مش مشكله خالص اتصلت بواحد فى معرض بلال موتورز بجد محترم جدا سألت قولته انا عاوز اشترى كاش ايه الأخبار عاوز اخد الورق مع العربيه الاتنين مع بعض قالى تمام قالى فى المعرض بتاعى صعب جدا تاخد الاتنين مع بعض فى المعرض اللى أمام كارفور قولتله طب الحل ايه قالى مفيش قدامك غير انك تروح تشتريها من المعرض اللى فى جناكليس ده احسن واحد لان الادارة اللى بتخلص الاوراق هناك وهتظبطك وتخلصلك الاتنين مع بعض الورق والعربية بس المهم اللون قولتله كويس جدا وان شاء الله هرحلهم بكره لان النهارده الجمعه وهما قافلين ولما سألته على المصرى
قالى ان المصرى اللى بينزل تكيف وبور كاست راديو بس يعنى ولا فيه زجاج كهرباء ولا مريات كهرباء ولا الكماليات دى خالص عكس الكورى بصرحه استخسرت اسأله على السعر بتاعها وكملت معاه على الافيو الكورى
وقالى ان سعرها 80 الف جنيه وقالى انهم ممكن يظبطو السعر شويه لان انا هكيش وفى نفس الوقت فى ركود فى البيع وربنا يسهل لما اروح بكره هشوف ايه اللى هيتم معايا وهخدها على كام والكلام ده

ايه احسن لون فى الافيو ؟؟؟؟ انا من رأى الفضى ولا ايه رغم ان انا كان نفسى فى اللون الأسود بس بيقولو بيبان فيه الوساخه بسرعه وكل لما تنضفه بيروح اللون بتاعه عكس الالوان الفاتحه بتبقى احسن

انا عارف طولت عليكم قوى بس مصدقت افضفض مع حد وارجو من الجميع بالنصيحه وليس بالتدبيسه انا عاوز اراء حكيمه وحاثمه وليست عايمه يعنى حط نفسك فى مكانى
--------------
ط م -1 *

**masterzmind** · 26-12-2008 08:34 PM

يا باشا خلى بالك من اسلوبك عشان ادارة المنتدى متشلش الموضوع من اصلوووووووووووو وربنا إن شاء الله يسهل واحسن لون فى نظرى الفضى مع الفامية يبقى خرافةةةةةةةةةةةةةةةةة

**crazylambada** · 26-12-2008 08:36 PM

المشاركة الأصلية كتبت بواسطة masterzmind

يا باشا خلى بالك من اسلوبك عشان ادارة المنتدى متشلش الموضوع من اصلوووووووووووو وربنا إن شاء الله يسهل واحسن لون فى نظرى الفضى مع الفامية يبقى خرافةةةةةةةةةةةةةةةةة

1000000000000000000000000000

**patshi** · 27-12-2008 12:28 AM

الف مبروك مقدما ان شاء الله يا باشا و ربنا يتمم الموضوع علي خير
حضرتك قلت:

قالى ان المصرى اللى بينزل تكيف وبور كاست راديو بس يعنى ولا فيه زجاج كهرباء ولا مريات كهرباء ولا الكماليات دى خالص عكس الكورى بصرحه استخسرت اسأله على السعر بتاعها وكملت معاه على الافيو الكورى

المصري الفول اوبشن بينزل فيه مرايات كهربا و الكوري مفيهوش مرايات كهربا اصلا دي نقطه .. يعني المصري ازيد هنا
و تروح لازاز الكهربا برده المصري الازاز اللي قدام بس هوا اللي كهرباو نفسه في الكوري بالظبط
و الكماليات الباقيه هيا هيا .. مفيش اختلاف غير في الاستيكر اللي بيتلزق علي الازاز اللي ورا بس

و انا من راي احسن لون في الافيو النبيتي .. انا معايا فيراني بس النبيتي طلع اشيك بكتير .. يمكن عشان الواحد بيبص علي حاجه غيره ههه :>
و ابقي طمنا عملت ايه :>

**ahmednawar** · 27-12-2008 01:57 AM

المشاركة الأصلية كتبت بواسطة masterzmind

يا باشا خلى بالك من اسلوبك عشان ادارة المنتدى متشلش الموضوع من اصلوووووووووووو وربنا إن شاء الله يسهل واحسن لون فى نظرى الفضى مع الفامية يبقى خرافةةةةةةةةةةةةةةةةة

انا مش عارف انا غلطة فى ايه من الأساس ده اولا انا بشرح حاجه فعلا حصلت معايا ايه فى اسلوبى غلط علشان يخلى ادارة المنتدة تحذف الموضوع او علشان يخليك تتكلم وتقول كده

**ahmednawar** · 27-12-2008 02:01 AM

احب اشكر جميع الأعضاء اللى دالونى بأراهم بس فى نقطه بخصوص الكماليات انا كنت فاهم زيك كده بس لما قولتله انه الفرق بس المريات قالى اللى بيتجمع دلوقتى هاف اوبشن وليس الفول اوبشن واللى موجود دلوقتى ده بضاعه قديمه مش اكتر ولا اقل

**hazem76kd** · 27-12-2008 10:40 AM

شكلك بتعمل اعلان لمعرض سيارات

**mario_9111** · 29-12-2008 05:38 PM

على فكرة الافيو الجديد انا شوفت الكورى الكورى 4 زجاج كهرباء + كاسيت cd +زرار خرج سماعات الزر المقايل لزر الانتظار مكان الطبة الى موجوده فى مودلاتنا + شنطه كهرباء زرارها فى الباب الشمال جنب السماعة مكان الطبة الى موجوده فى مودلات هنا + اسبولار على الشنطة + ومرايا كهرباء + زرار اضاءه العدادت + دريكسيون متحرك وبه زراير تحكم
انزل الحرفيين وانت تشوف موديلات بره
احنا بيضحك علينا هنا

**shady_elkady** · 30-12-2008 12:24 PM

المشاركة الأصلية كتبت بواسطة mario_9111

على فكرة الافيو الجديد انا شوفت الكورى الكورى 4 زجاج كهرباء + كاسيت cd +زرار خرج سماعات الزر المقايل لزر الانتظار مكان الطبة الى موجوده فى مودلاتنا + شنطه كهرباء زرارها فى الباب الشمال جنب السماعة مكان الطبة الى موجوده فى مودلات هنا + اسبولار على الشنطة + ومرايا كهرباء + زرار اضاءه العدادت + دريكسيون متحرك وبه زراير تحكم
انزل الحرفيين وانت تشوف موديلات بره
احنا بيضحك علينا هنا

+111111111111111111111