أنا مؤيد تقريباً لكلامك لكن بدون شماته فى أحد ... فمهما حدث لا يجب أن يكون ثمن تعلم حماس لدرس هو أرواح أبرياء.
وجدت فى رد سابق -فضلت عدم إقتباسه- وصف للمعتقدين بأن إطلاق حماس للصواريخ هو سبب الأزمة بإنهم أصحاب نفوس مريضة و غير متابعين للقضية !
أنا من أصحاب تلك النفوس المريضة ! ... فزريعة إسرائيل فى كل عملياتها منذ فترة هو منع إطلاق الصواريخ الفلسطينية ... و هنا أقول زريعة و ليس سبب ... عشان محدش يجى يقول إنك متفق مع إسرائيل؟!
حسب إعتقادى إن كسر الهدنة بدأ من جانب حماس بإطلاقها صورايخ مرة أخرى (لأنها أحست وقتها أن البساط بدأ يسحب من تحت أرجلها و بدأت صورتها تهتز حتى أمام مؤيديها) ... و الذين يقولون أن إسرائيل هى من كسرت التهدئة بحصار عزة عليهم أنا ينظروا للوضع الآن ... مين الكسبان و مين الخسران ... مين اللى إستغل الموقف لصالحه و ضحك على التانى و مين الخايب اللى خسر؟
فحصار غزة كان يمكن حله ... و كنا شفنا دول كتير إبتدت تقف فى صف الفلسطينيين و الأمم المتحدة كمان .. و كنت أعتقد إن الأمر خلاص فى طريقة للحل (طبعاً خارج إطار حماس) .. لكن بمجرد إطلاق الصواريخ مرة أخرى و مرة ثانية و مرة ثالثة .. وجدت إسرائيل مرادها و ظهرت كمن يدافع عن مواطنيه أمام العالم كله.
أعيدوا تقييم الوضع دلوقتى ... و شوفوا الصواريخ دى كسبتنا إيه و خسرتنا إيه؟ ... و قارنوها بحربنا الباردة مع إسرائيل و عملية إيلات و ضرب الجنود على ضفة القناة و ردهم وقتها كان شكله إيه؟ و دلوقتى مع الفلسطينيين شكله إيه؟
لو لم يُحمّلوا مصر المسئولية يا عزيزى فحماس هى من سيتحملها .. و أكيد ده مش فى صالحها فبالتالى ألقت بكل شىء على الخائنة مصر.
المفضلات