مشروع إبني بيتك (هل معانا زملاء مشتركين فيه مثلي لنتبادل الخبرات)
حد عنده فكرة عن الخطوات بعد إستلام الأرض ؟؟؟
مشروع إبني بيتك (هل معانا زملاء مشتركين فيه مثلي لنتبادل الخبرات)
حد عنده فكرة عن الخطوات بعد إستلام الأرض ؟؟؟
قولنا انت طيب الارض دى بتستلمها فين وايه الشروط عشان نبدأ معاك من الاول :)
أه ياريت نعرف الخطوات من بدايتها
وياترى المشروع ده معمول فى كل المحافظات ولا لأ
وخصوصاً محافظات الصعيد
انا جالي الجواب التخصيص المرحله الخامسه بس مجاليش جواب الاستلام ومش عارف الاجراءات ايه لسه بس فيه واحد قريبي استلم في المرحله الاولي وهتابع معاه ولو عرفت جديد هتابع معاكم
مشروع إبني بيتك هو أفضل مشروع إسكان للشباب القادر على البناء
المشروع إتعرض مرة واحدة واللي لحق يقدم خلاص
وطبعاً كان مشترط شهادة من التأمينات بمعنى تكون شغال ومتأمن عليك
أنا أخويا إستلم من يومين مرحلة أولى وإستلم على الورق ولسة مشافش الأرض بعينة وبعد أسبوع هيروح يعاين الأرض
لكن أسوأ ما في الأرض إنها صغيرة جداً على شكل شريط مستطيل مساحته لا تتجاوز 150 متر والعرض حوالي 8 متروصافي الدور لايسمح أن يزيد عن 63 متر وغالباً لا بد من ترك مسافة في الجنبين (لما أشوف الرسم هأكد هذا الكلام)
المهم هناك دعم حوالي 15 ألف جنيه في حال البناء حسب الجداول المعدة والرسم المعد من قبل
أنا لسة مش عارف الأحوال والنظام
وأي جديد هبلغكم
لكن أتمنى لو فيه حد عنده أي معلومات أن لا يبخل على إخوانه
طيب فين المكان ؟
و التكلفة الكلية قد ايه؟
و هل اللي بتاخده تمليك ولا حق انتفاع؟ و هل بيديك حق البيع ولا لأ؟
نورنا يا باشمهندس أحمد :)
اسمح لي بعد إذنك يا باشمهندس احمد ارد معاك
المكان في كل المدن الجديدة "زي اكتوبر والعاشر والسادات ..."
تكلفة الأرض 150 متر * 70 جنيه المتر = 10500 جنيه تم دفع 1050 جنيه مقدم والباقي تقسيط على 7 سنوات بعد الانتهاء من البناء "يمكن 10 سنوات بصراحة مش فاكر"
أما تكلفة المباني فدي ممكن أي حد شغال في مجال الإنشاءات يساعدنا فيها "علما بأن البناء على 50% من المساحة والارتفاع أرضي + دورين فقط" بس أعتقد ان بعض الزملاء كانوا قدروها بحوالي 60000 جنيه
هي تمليك بس لا يجوز التصرف فيها إلا بعد استكمال البناء وسداد كامل الثمن
لمزيد من التوضيح أقول: المشروع ده كان أحد محاور مشروع مبارك القومي لإسكان الشباب ومحدودى الدخل وكان له شروط أهمها عدم تملك وحدة سكنية سواء تمليك أو إيجار قديم وأن لا يزيد الدخل عن 1000 جنيه للأعزب أو 1500 جنيه للمتزوج "وده كان السبب اللي خلاني ما اقدمش في المشروع أني احترمت الشروط مع تأكدي إن اللي دخله بالشكل ده مش هايقدر على مصاريف البناء وهايبيع الأرض بمجرد ما يستلمها بدون ما يستفيد منها:_Alshmokh08[1]:"
انا مشترك في المشروه ده وكان من سنه قدمت فيه ونسيته خالص والناس استلمو وانا لا فقلت يظهر اني بره الموضوه
من اسبوع بالظبط بعتولي جواب اني استلمت ارض قطعه رقم كذا وكذا في 6 اكتوبر زي ما طلبت
ودخلت على النت لقيت ان ميعاد تسلم الارض والورق والتصميم ليا يوم 16-2-2009 ولازم ابني وكده ( انا في المرحله الخامسه) والمراحل اللي قبل كده استلمو خلاص
بس انا لحد دلوقتي مشوفتش الارض دي فين والمكان ولا اعرفه
ده عنوان الموقع
http://www.urban-comm.gov.eg
وده حتلاقي اسماء اللي اتخصصلهم الاراضي ومواعيد الاستلام
http://www.urban-comm.gov.eg/alaan_%20ep.asp
وياريت لو حد يزودلي معلومات عن اللي ذكرته
كلام سليم
ولازم الناس تاخد بالها لأن فيه نصابين كثير موجودين حول جهاز أي مدينة جديدة للنصب على المشتركين في مشروع إبني بيتك
الناس بعد الإستلام على نوعين
نوع بيستلم ويبيع على طول
ونوع بيبني
وأنا وأخويا ناويين نبني بإذن الله
وشكراً للزملاء الذين قدموا معلومات
وفي إنتظار المزيد من المعلومات وخاصة لمن إستلموا وبدأو بالبناء
انا جالي جواب المرحله الخامسه باكتوبر وعاوز اعرف عن امكانيه الفرد لبيع الارض لو مش عاوز يبني انا قريت علي موقع الجهاز ممنوع البيع او التنازل الا بعد مرور خمس سنوات من استلام الارض وسداد ثمنها بس انا اعرف ناس استلموه في المرحله الاولي خلف حي الاشجار وبيبيعوه الارض دلوقتي بس مش عارف بكام ولكن سمعت ان فيه ناس بيتبيع ب 70.000 فسؤالي هنا هل يمكن للفرد بيع ارضه بعد استلامها وكم سعر الارض الان ؟؟؟؟؟؟؟؟؟؟
قانوناً ممنوع البيع
أنا أخويا إستلم الأرض خلف حي الأشجار بمدينة 6 أكتوبر وناوي يبني
ولسه لم يستلم على الطبيعية هيتصل ويحددولوا معاد إستلام جديد على الطبيعية
يعني اللي ناوي يبيع يعمل ايه
انا من مستفيدي هذا المشورع وببني في سته اكتوبر خلف حي الاشجار ومستعد لاي استفسار
وعلى فكره دلوقتي لو بنيت الثلاث ادوار في خلال اول سنه بيعفوك من تمن الارض المتبقي بالكامل وتقدر كمان تبيع قانوني
انا الحمدلله ابتديت في مرحله البني وواقف حاليا على معاينه جهاز المدينه للمرحله الاولي اي استفتسار قبل المرحله ديه انا في الخدمه وتحت امركم فى اي وقت
مبروك يا كيمو باشا انت واحمد باشا الارض وربنا يوفقكم للى فيه الخير
انا كمان داخل فى الموضوع ده بس على حسب الكلام اللى اتقال لى هاستلم فى شهر 4 اللى جاى وربنا يستر
الموضوع مكلف قوى يا جماعة بس نصيحتى لأى شخص - لو هاتبيع اللى وراك واللى قدامك اوعى تبيع الارض ديه
يا ريت يا جماعة لو حد يتبرع ويكتب كل الخطوات اللى قام بيها وكل المشاكل اللى قابلته وحلولها
واحد صاحبى قابلته مشكلة التصميم وكثرة العمدان (14 عمود) فى مساحة 75 متر فقط / هو بيحارب فعليا لتغيير عدد العمدان بالاضافة لجعلها عمدان مستطيلة رفيعة (ربنا يوفقة)
السؤال برضو اللى محدش سألة
فى اى حد فعلا استلم الدعم ولا لأ؟
بص يا باشا الحفر بيبقي على عمق متر ونص ومترين على حسب تقرير جسة التربه بتاعت الارض بس بصراحه انا مش فاهم انت تقصد ايه بكلمه منسوب ؟؟
الله يبارك فيك محمد باشا كلام صح 100 % الارض ديه لو اتباعت في وقتنا ده هاتبقي خساره كبيره قوووووووي
بالنسبه لقصه الدعم ديه انا سالت في الجهاز من اسبوعين تقريبا وقالو ان مافيش حد لسه صرف الدعم
بس هما بيستقبلو الطلبات على اساس انهم يصرفو الدعم فيما بعد يعني شغالين فيها
انا رايح اليوم السبت ان شاء الله الجهاز لاني هاعمل طلب معاينه للمرحله الاولي بتاعت الدور الارضي
وهاقدم على اول 5000 جنيه في الدعم وهابقي اوفايكم بالتفاصيل ان شاء الله
يا جماعة برضو انا عايز اعرف منسوب الحفر يتعرف ازاى؟
بمعنى لو ارضى مرتفعة نسبيا عن الاخرين يبقى لما هانزل متر ونص هابقى برضو اعلى من الاخرين
موضوع مقرف وليه ناس شغالين فى المقاولات بيقول لى انت ممكن تخالف فى مواصفات اى بناء ما عدا الاراضى الجديدة بتاعت اكتوبر
[QUOTE=msobhy;638921]يا جماعة برضو انا عايز اعرف منسوب الحفر يتعرف ازاى؟
بمعنى لو ارضى مرتفعة نسبيا عن الاخرين يبقى لما هانزل متر ونص هابقى برضو اعلى من الاخرين
موضوع مقرف وليه ناس شغالين فى المقاولات بيقول لى انت ممكن تخالف فى مواصفات اى بناء ما عدا الاراضى الجديدة بتاعت اكتوبر[/QUOTE
بص يا باشا لو ارضك اساسا كانت اعلى من الاراضى اللى جنبك و كلكم هتحفروا على عمق 1.5 متر فطبعا ارضك برضه هتكون اعلى منهم بعد الحفر ، لازم يكون ليكم نقطة منسوب الصفر اللى على اساسها هتنزل 1.5 او 2.0 متر حسب مواصفات الجسة ، لو انت هيبقى منسوب الحفر بتاعك زى ناس جنبك بتاخد قراءة بميزان قامة لمنسوب الحفر بتاع اللى جنبك و بتاخد قراءة لمنسوب ارضك و تطرح القرائتين و تشوف الفرق اد ايه .
والله يا جماعه انا بردو من المستفيدين من المشروع ده و مستني الجواب علشان أستلم ان شاء الله
بس انا سامع مشاكل كتيير على الوضع هناك , لو حد يقدر يوضح نوع المشكال اللي قابلته أو شافها هناك
و شكرا
ربنا يسهل واستلم فى شهر 4
وربنا مع الية استلم
كيمو انت عملت كام عمود فى الدور الارضى؟
يا جماعه انا منتظر جواب الاستلام وارغب للبيع هل يجوز لي البيع واذا لم يجوز سمعت انه يوجد بيع بالباطن حد يجيب علي اسالتي لو سمحتم
طيب هو لسة في مجال للحجز
يععععععععععععععع
مش كتير يا كيمو باشا
بعيدا عن التكلفة
لما تعمل 14 عمود فى مساحة 75 متر يبقى حضرتك تقريبا الصافى للأرضى اللى ممكن تستخدمة لن يزيد عن 45 متر صح ولا انا غلطان؟
انا شايف (انا مش مهندس معمارى) ان 8 اعمدة فقط كفااااية جدا
4 اعمدة عريضة اساسية على الاطراف - اربع اعمده صغيرة بجوار السلم لحمل السلم وعمل ارتكاز فى منتصف البناء
لكن 14 عمود - قمة الاسراف فى الاساسات بدون داعى
والله يا محمد باشا ده على السمع بس ومش متاكد من الكلام ده بس قولت يمكن يطلع كلامه صح ومش هاتفرق في طن حديد
بالنسبه للدعم بتاع المرحله الاولي انا رحت امبارح الجهازه قدمت على المعاينه وعلى الدعم بتاع المرحله الاولي
وقالولي اتصل بعد اربعه ايام اسال واول مايكون فيه جديد اكيد هاقولكم
انت واقف في انه مرحله بالظبط واستملت ولا لسه ؟؟
والله لسه يا كيمو / ورحت البنك قالوا انى هاستلم فى المرحلة اللى جاية شهر 4
بس مش عارف هل الكلام صح ولا كله كلام فى الهواء
بس فعلا انت اول واحد اسمعه يقول موضوع ال اربع او خمس ادوار
على العموم يا باشا ربنا يقوك عليها
وادعى لنا احنا كمان ربنا يكرمنا
هو المشروع لسه شغال ولا الارض خلاص خلصت
أستاذ كيمو
تعرف حد كويس عشان يعمل نجارة المسلح ويصب الخرسانة عندي
بخصوص الحفر
أنا في واحد حفرلي بسعر 2000 جنيه + الشاي بتاع سواقين اللودر(30جنيه مثلاً)
وأظن إن السعر ده كويس
إسمه فرج
رقم تلفونه:
0122830464
رجاء ياأستاذ كيمو تقولنا على اللى عملتة بالتفصيل عشان نستفيد اكتر لانى انا كمان ناوى ابنى فى المشروع ومعلوماتى عن البناء زيروووو
بس سمعت ان الافضل انك تشرف وتبنى بنفسك عشان لو جبت مقاول يبنى هيحاسبك الضعف وكمان هيغش فى المونة.أنا عارف انة طلب رخم بس ربنا بأذن الله يجزيك خير