البدايه-سكودا فابيا ميني ب 88900

**lolly136** · 28-12-2008 04:19 PM

merci ya abo adham

**MedaSam** · 29-12-2008 02:36 AM

أنا شايف يا جماعه لو لقينا اسعار غريبه أو جديده في الجرائد ........ نكلم التوكيل أو المعرض علشان نتأكد ..... ساعات معارض بتكتب أي كلام و لما تكلمهم يقلك أصل و فصل و يطلع كله كلام فاضي

**ramyfawzy** · 29-12-2008 05:11 AM

معظم الاسعار اللي بتتكنب في الجرايد (خصوصا في الاهرام والاخبار) بتبقى جر رجل وخلاص
وتقريبا حصلت معايا كتير اني اشوف سعر في الجرنان وبعدين اتصل بالمعرض ويقولولي بس انت تعالى ويبقى فيه كلام تاني
واخبط المشوار والاقي كلام تاني خالص (بالزيادة طبعا)
ده غير لما تشوف عربية وتسأل عنها ويوقولك - آه بس ديه فاضية -لأ دي خليجي وكلام فارغ كتير
نقطة تانية
سعر الفابيا اللي مكتوب ده يعتبر طبيعي جدا ومناسب ليها (فكرني بالبوينتر اول ما نزلت وفي الاخر وصلت لحد 70 الف ومحدش اشتراها لدرجة انهم كانوا بيبعملوا اعلانات ليها وهيه موديل 2007)
اصلا اصلا - معلش يعني فيه كام فابيا ميني ماشية في البلد ؟؟؟؟؟؟؟؟؟
نفس الكلام اتقال لما فيات نزلت سعر العربية الـ لينيا .... هوا كان اصلا فيه كام عربية لينيا متباعة في البلد كلها
لما ان شاء الله نلاقي سعر اللانسر والكورولا والسيفيك وجميع موديلات هيونداي وشيفروليه نزلت بالخمس والعشر تلاف جنيه - نبقى نهلل ونهيص - مش على موديلات محدش سمع عنها الا في الجرايد والمجلات
على فكرة موديلات لانسر وتويوتا موديل 2009 زادت 6 الاف جنيه بحد ادنى واللي مش عاجبه ينضم لحملة خلوها تصدي)
وتقبلوا خالص حبي ومودتي

**lolly136** · 29-12-2008 10:48 AM

وجهت نظر بردو و لزم نفكر فيها بموضوعية

**som3aa** · 29-12-2008 01:29 PM

لما ان شاء الله نلاقي سعر اللانسر والكورولا والسيفيك وجميع موديلات هيونداي وشيفروليه نزلت بالخمس والعشر تلاف جنيه - نبقى نهلل ونهيص - مش على موديلات محدش سمع عنها الا في الجرايد والمجلات
على فكرة موديلات لانسر وتويوتا موديل 2009 زادت 6 الاف جنيه بحد ادنى واللي مش عاجبه ينضم لحملة خلوها تصدي)

معلش العربيات الكورولا و اللانسر و السيفيك دول يابانى و الين زاد ل6.10 !!! , ثانبا على فكرة الكورولا (بتاعت التوكيل) و اللانسر الخليجى رخصوا مع ارتفاع الين.
يعنى الكورولا نزلت من 3-5 الاف جنيه.
اللانسر الخليجى ال1300 الاوتوماتيك ب 90000 تانى و الجديدة الكاملة خالص اللى بزينون و سبويلر و كل حاجة ب 143000 (دى اسعار الرواس الخليجى).
اما هيونداى فالانترا نزلت حوالى 7-8 الاف جنيه و معظم الموديلات نزلت زى الاكسنت و اعتقد الماتريكس و الفرنا كمان , مازدش غير السوناتا علشان بينتجها فى مصنع و قلل انتاجه من المصنع , قلله كتير اوى فبيحمل الفرق على الجديد.
بعدين فى مركات تانية نزلت كتير زى bmw (وصلت لتخفيض 65 الف على ال523) و اوبل (نزلت عند الموزعين حوالى 15-20 الف) و سكودا (نزلت الفاتيا (الفابيا بهزر)و الاوكتافيا عند الموزعين و نيسان خفضوا فى الصنى كام الف و المازدا 3 عند سمير ريان ب 132 الكاملة اللى بزينون و start/stop button و الفاضية ب 116 و الفيات اللى نزلوا العربيات متوسط 10000 جنيه يعنى تقريبا 10% من تمنها.

دا طبعا غير عروض التقسيط على سنتين و تلاتة بدون فوائد(يعنى كانه رخص تمن العربية لما ياخد يدفع تمنها كاش و يسترده بعد سنتين او تلاتة) على الفورد الفوكس و السوناتا و البريلياتس الجالينا , و على عربيات تانية مبيعاتها قليلة زى السيتروين.
يعنى لما تشترى فوكس ب 87000 و تقسط الباقى ب 2500 جنيه فى الشهر على سنتين دا عرض رهيب و السوناتا 110 و الباقى على سنتين نفس الكلام , البريليانس تدفع 78000 تخيل و تقسط الباقى على 3 سنين (بتدفع 2000 جنيه فى الشهر)

عموما انا بقول دى مجرد بداية بس دا رد على الناس اللى بتقول الاسعار منزلتش و مش هتنزل و الكلام دا , خلى بالك ان الازمة معداش عليها فى مصر 3 شهور , اصبر كدا 6 شهور كمان و اتفرج , يعنى البداية كويسة اوى.