شكرا لكل من نقل معلومة. :Ta_clap[1]::satelite:
شكرا لكل من نقل معلومة. :Ta_clap[1]::satelite:
ContactCars يواكب وصول "برايد" الإيرانية للسوق المصري
أطلقت شركة "ناشيونال موتورز إيجيبت" سيارة إيرانية جديدة تحمل اسم "سايبا برايد" لأول مرة في السوق المصري بمحرك قوته 1300 سي سي.
وقال أحد مسئولي المبيعات في الشركة "ناشيونال موتورز إيجيبت" لـContactCars.com يوم الأحد إن هذه السيارة تم طرحها في الأسواق المصرية قبل أيام وهي نفسها مواصفات السيارة "كيا برايد" الكورية الجنوبية الشهيرة لكنها "سايبا" صناعة إيرانية.
وأضاف المسئول أن الدفعة الموجودة حاليا جميعها "سيدان" وبها طرازان الأول سعره 51.500 جنيه ويتوافر فيه تكيف ، باور سترينج ، سنتر لوك ومفتاح ريموت ، ويتميز الطراز الثاني بكل كماليات الأول ماعدا التكييف والباور سترينج وسعر هذه الطراز 46.500 جنيه نقداً.
وكان أحمد قلعه باني المدير التنفيذي لشركة "سايبا" قد أعلن في وقت سابق أن شركته ستصدر ما قيمته 100 مليون دولار من سياراتها من طراز "برايد" إلى مصر خلال الأعوام الثلاثة المقبلة".
وأضاف باني : "تصدير السيارة برايد لمصر بدأ منذ الأسبوع المنصرم ، حيث صدرنا 500 سيارة كدفعة أولى".
وصدرت "سايبا" 10 الاف سيارة "برايد" حتى الان، ومن المتوقع أن يبلغ حجم الصادرات نحو 70 مليون دولار.
انا لقيت الموقع بتاع شركة سايبا ولقيت فيه موديلين ..
الأول اسمه سابا ودى شكل البرايد القديمة تقريبا بالظبط ..
http://www.saipacorp.com/en/saba/picture.asp
والتانى اسمه سايبا 141 ودى شكلها احلى شوية ..
http://www.saipacorp.com/en/saba141/picture.asp
انه فيهم اللى نزل مصر ؟؟
يا ريت تكون التانية !!!
ولا قنبله ولا حتي بمبه
غالبا كده من صور نادر نبيل
ان الي نزلت السايبا 141
الي فوانيس من قدام مختلفه وكمان شكل الشنطه والكابوت وخلافه
وده برضك يخلي الناس الي متخيليين ان هيركب عليها
نفس الفوانيس القديمه انها مهتنفع
وكمان شكل الكابوت والشنطه مختلف
بس شكلها اشيك طبعا
هل قطع غيار الكيا برايد تمشى معاها ولا هنتعذب مع التوكيل زى أى عربية جديدة
قطع الغيار اغلبها هى قطع غيار كيا برايد القديمة ..
و العربية اللى نزلت في مصر برايد 131 - موديل 2009
مش عارف حاسس أنها من قدام نفس فوانيس الفيات سيينا حد خد باله غيرى؟؟
هي مركب الـ لالا ناقصة ..... ؟؟
واضح إن السوق المصري أصبح صندوق نفايات الدول اللي بتحاول تبقى صناعية ويا ريت بندفع فيها شوية
من البولونيز للسايبا 30 سنة من البلاوي اللي بتتحدف علينا
إهدار لثروة الوطن وفي الأخر عربيات بتترمي في أقرب خرابة
إيران إيه اللي لو طالت رقبتنا لكانت قطعتها اللي حنمي صناعتها بفلوسنا ؟؟؟
هل ياترى شفت الصاج بتاع العربيه وهل هو خفيف زى الصينى ولاتقيل زى الادا وبعدين هى كبالن ولا ايه وهل جربت العربيه اللى من غير البور وهل العفشه نشفه والتسجيل اللى راكب نضيف وارجو مكونش اثقلت عليك وشكرا
السلام عليكم
يا جماعه العربيه بامكانيتها خطيره جدا والناس اللي بتقول اولها 40000 اكيد موش قارنوها بالماروتي اللي موش فيها اي حاجه وب 36000 :)
ازاي يعني
ثانيا بالنسبه للشكل شكلها مختلف عن القديمه من قدام ومن الخلف
السلام عليكم
يا جماعه العربيه بامكانيتها خطيره جدا والناس اللي بتقول اولها 40000 اكيد موش قارنوها بالماروتي اللي موش فيها اي حاجه
وبـ 36000 :) ازاي يعني
ثانيا بالنسبه للشكل شكلها مختلف عن القديمه مثلا من حيث الواجهه الاماميه والخلفيه وفيه تغير جزري للمقصوره :)
انا شوفتها بنفسي وهي زي الصور دي بالظبط صراحة شيك
العربيه دي هاتغرق السوق المصري اذا كان فيها عيب فاعتقد ان الهيكل بتاعها موش قوي اوي لكن فين العربيه اللي هيكلها جامد اوي وتكون بنفس السعر :)
http://www.postimage.org/Pq2LJHG9.jpg
[url=http://www.postimage.org/image.php?v=aV2Vord9]http://www.postimage.org/aV2Vord9.jpg[/url
بالنسبه لامكانياتها
1323 سي سي
تكييف هواء
سنتر لوك
4 سلندر
زجاج كهربائي امامي
عجلة قياده بالنظام الهيدروليكي
عجلة قياده قابله للتعديل
مسند راس قابل للتعديل
راديوا/mp3/CD
ريموت كنترول
فوانيس ضباب
زجاج ملون
ودي مواصفات الطراز الثاني اللي بـ 51500
بالنسبه للفاضيه فيها كل الامكانيا اللي فوق بس الفرق موش فيها تكيف/CD/ريموت كنترول/فوانيس ضباب
وبالنسبه للطراز الثالث يضاف ع الطراز الثاني جنوط اسبور والبور وسعرها تقريبا بـ 53000
وهي صناعه ايراني وده كلام من ع لسان عماد عبد النبي رئيس مجلس ادارة ناشيونال موتورز :)
وبتهيالي ان عليها ضمان سنتين ده كل اللي اعرفوا
وسلاموا عليكوا
ليا صديق اشتراها من سنتين وقرف منها جدا علشان كل شهر بتحتاج صيانه وتغير وقطع غيار تعبانه وتكييف رايح فى داهيه، وفينيش مش كويس
وباعها بخصاره وبيشكر ربنا
يمكن فى 2009 يكونوا حسوا بغلتطهوم
أنا يا جماعة رحت شفت العربية امبارح عند محمد زكى اللى فى القطامية .. أنا كنت حاطط أمل على العربية دى وكنت بفكر جديا إنى أشتريها .. بس للأسف لما شفتها على الحقيقة معجبتنيش ...
الصاج خفيف جدا وبالذات الشنطة ..
الموتور والأجزاء الميكانيكة أعتقد تصنيع إيرانى .. بتاع المبيعات كان عمال يقولى المكونات كيا كورى تجميع إيرانى .. بس مفيش أى علامة على الموتور تقول انه كيا .. وشكل الخامات والتقفيل ميقولش انه كورى خالص ..
الخامات الداخلية من بلاستكات وخلافه مش أد كده ..
أكرة الباب كنت خايف تتكسر فى إيدى وأنا بفتح الباب ..
الموكيت اللى فى الشنطة واقع من الناحية الشمال ..
جيت أدور العربية لقيت المفتاح مش عايز يلف .. جه واحد لف الدركسيون سنة شمال كده وبعدين لف المفتاح لف معاه ..
الفتيس بيحك ومش بيجيب النقلة بسهولة .. الراجل قعد يقولى لما العربية تدور والزيت يمشى شوية حتبقى كويسة ..
لكن العربية حجمها كويس والقعدة فيها معقولة والكنبة اللى ورا قعدتها كويسة .. الشنطة حجمها معقول .. السى دى Mp3 وشكله كويس .. طبعا مجربناش التكييف .. الشنطة بتتفتح من الريوت أو وير تحت الكرسى أو زرار فى التابلوه ..
بس يا خسارة .. لو كانت العربية تقفيلها كويس وخاماتها أحسن من كده شوية كانت بقت حلوة أوى .. !!
مفيش فايدة فى البلد دى .. مفيش أمل انك تحصل على حاجة كويسة بسعر معقول .. !!!
[quote]جيت أدور العربية لقيت المفتاح مش عايز يلف .. جه واحد لف الدركسيون سنة شمال كده وبعدين لف المفتاح لف معاه ..
[quote]
ده ميزه إسمها (الدركسيون مسنجر) لما تشيل المفتاح بتلف الدركسيون فيقفل معام ومش هينفع تحرك الدركسيون إلى بالمفتاح ولفه بسيطه للدركسيون
بتاع المبيعات دا ياما جاهل ياما بيكذب عشان العربية كلها ايراني من الالف للياء
دي حاجة عادية و تعتبر ميزة زي ما الناس قالت
دا بقى نفس العيب اللي في عربية صاحبي موديل 2006 الايراني برضو اللي كانت بتنزل من شركة الامل و غلب معاهم عشان يصلحوه واضح ان دا عيب تصنيع في الموديلات الايراني دي ان الفتيس بيعض في الاول و التاني
[QUOTE=ahmedbakr50;603838][quote]جيت أدور العربية لقيت المفتاح مش عايز يلف .. جه واحد لف الدركسيون سنة شمال كده وبعدين لف المفتاح لف معاه ..
+100000000اقتباس:
ده ميزه إسمها (الدركسيون مسنجر) لما تشيل المفتاح بتلف الدركسيون فيقفل معام ومش هينفع تحرك الدركسيون إلى بالمفتاح ولفه بسيطه للدركسيون
ايه يا جماعه مفيش حد جاب العربيه غير توفيق ولا ايه هى سوقه مش ماشى كدة محدش قلنا عن نظام الكبالن فيها مش ممكن دة يكون عيب والسلام
اللى كانت نازلة من سنتين تقريبا تبع شركة الأمل كانت اسمها سايبا سابا .. كانت شبه البرايد بالظبط وبصراحة كان شكلها وخاماتها معقولة جدا .. ولما سمعت انها حتنزل كنت فاكر ان هى هى اللى كانت نازلة قبل كده .. وكنت متحمس لها وناوى أشتريها .. بس بصراحة لما دى نزلت وشفتها معجبتنيش .. القديمة كانت أحسن بكتير ..
بس طبعا ربنا يبارك للى جابها وتطلع كويسة وأحسن مما كنت أتخيل ..
يا ريت يا جماعة حد يعمل مقارنة ما بين العربية دى و اللادا 2107 و الماروتى و السبارك من حيث كل حاجة من حيث قوة الموتور و من حيث الصالون و كل حاجة
أعتقد لو التوكيل واثق فى العربية كان عملها دعاية كافية لأنى ملاحظ إن سعرها كويس جداً بالنسبة للإمكانيات اللى فيها مقارنة بال 128 و الماروتى و الألتو.
اللى بيشترى عربية زيرو بيفكر دايما انها اختياره لاخر العمر ولاينظر لموضوع الفئة السعرية باهتمام لان التقسيط تخطى النقطة دى - وبحياد تام انا على سبيل المثال لو دفعت ثمن السيارة دى مقدم قسط لعربية فيرنا 1600 مانيوال كاملة نحسب المكسب قد ايه : موتور الفيرنا جبار وبيعيش 500000 ك.م. لايقارن بموتور ايرانى عديم السمعة وخارج اى منافسة - عفشة الفيرنا تعتبر الاولى بالنسبة لظروف بلدنا وعن تجربة الاف المالكين لها - شكل الفيرنا اشيك واجمل وارقى- صالون وشنطة اوسع وانظف بكتير قوى - مراكز صيانة متعدش وقطع غيار خارج اى احتكار - ضمان استمرارية لسنوات قادمة - سعر اعادة بيع مجزى - شعبية لم تحصل عليها اى سيارة فى مصر - يعنى مش هتخسر فلوسك - فكر فى كل دة قبل ماتشترى اى عربية مهما كانت رخيصة - انا اخترت الفيرنا لان سعرها الاقرب لتلك المسماه سايبا وهى فعلا اسم على مسمى ولا تنسوا انها اساسا ماجوسية
لا فض فوك يا اخ ruqi
انا مندهش بصراحه من منطق البعض في التفكير بغض النظر عن انك تقارن بين عربيه بحاجه و اربعين مع عربيه بحاجه و ستين ...وبتقول في الأخر انها مجوسيه !!! حاجه غريبه ...علي كده بقي إحنا من عبدة امون و ايزيس !!! مش عارف ردك ده جدي ولا لأ...ثم الفيرنا الكوري دي ايه ؟؟؟ موحده بالله و لا بوذيه ؟؟ ولا ايه بالضبط؟؟؟
مش عارف ايه دخل الأديان في العربيات وانا متأكد ان لو عربيه إسرائيليه نزلت السوق بسعر كويس و إمكانيات كويسه الناس حتروح تشتري .
العربيه السابا دي ان من رأيي انه كويسه جداً علي فلوسها و عن تجربة لأني ركبت القديمه بتاعتها وهي لا يعيبها سوق تواضعها من الداخل و الذي تم تحسينه في النسخه الحاليه كما ان شكلها القديم و الجديد افضل كثيراً من اللادا و128 الي هي تصميمات الستينات و ايضاً شكل الشاهين و بعض العربيات الصينيه العجيبه الشكل
اما عن الأداء فجيد جداً ويكفي ان اقول لك ان احمد سمير زميلنا هنا بيسوقها مشوار يومي في سكه سيئه جداً و اعتقد ان اي عربيه في نفس الشريحه كانت فكت من بعض .
يا ريت مندخلش بلد المنشأ في الموضوع والي هي إسلاميه رغم انفنا جميعاً ونخليه يأثر علي حكمنا علي العربيه.
مش حاسة ان العربية هتنتشر اوي
الناس ممكن تفكر في الصيني الجدبد كشكل احسن منها
و الامكانيات برضه مش هنروح بعيد دول صيني و دي ايراني
أنا مع رأى الأستاذ Khalid_Mostafa حنا مش بنقارن دول بدول على حساب إتجاهتها الدينية
إحنا بنتكلم على عربية وإمكانيات - والعربية على سعرها وإمكانياتها شايف إن هيا منافسة جدا وأحسن من الصينى بمراحل
الصينى شكل خارجى ممتاز بس إمشى بيها وهتبان الحقيقة
والبرايد الإيرانى إلى ركبها بيقول عفشة ممتازة وسحب كويس
اخى الحبيب خالد مصطفى مع احترامى الشديد لرأيك مهما كنت مختلف معايا ودعواتى الطيبة للاخ احمد سمير ان يبارك الله له فى سيارته - انا كل تفكيرى اعرض وجهة نظر قد تروق للبعض وهى المقارنات الفعلية من التجربة والواقع التى قمت بعرضها بين السايبا واقرب سيارة لها فى السعر - فيرنا 1600 كاملة مانيوال 69000 & سايبا كاملة مانيوال 53000 يعنى الفرق اللى هيتقسط 16000 وكان الهدف هل من سيضحى بقسط شهرى 400 جنيه ويشترى الفيرنا سيكسب مقابل تضحيته الفرق الكبير فى المقارنة كما عرضته سابقا ام سيخسر - والناس بعد كدة تقبل الفكرة او ترفضها بكل حرية - لان انا من حقى اقول رأييى فى المنتدى بتاعى ولك ان تؤيد او تعارض بدون تجريح او نقد لازع - اما رأييى الدينى والسياسى فهو لى وحدى وليس من حق أحد أن يحاسبنى عليه - وأحب اكرر طالما مفيش صناعة وطنية يبقى نركب عربيات محترمة بصرف النظر عن البلد المصنع - وأشكرك أنك أهتميت وقلت رأيك وليس لى الا أن أحترمه
100 100:S_thum1[1]::S_thum1[1]::S_thum1[1]::S_thum1[1]:
ناس كتير هنا فى المنتدى اجمعوا انها عربية حلوة بامكانيتها وبفلوسها.
فانا شايف ان العربية دى هتنجح
معلشى يا صديقى اوضح ليك شى السايبا ب51500 كامله والفيرنا ب74500 كامه يعنى الفرق23000 مش 16000 وده للتوضيح اما بالنسبه للعربيه نفسها فهى ممتازه جدا جدا وده عن تجربه ووجه النظر فيها وممكن حضرتك تتابع ملاحظاتى عليها وعلى الى اشتراها على الرابط ده http://www.nilemotors.net/Nile/showthread.php?t=54953
الاخ العزير توفيق بك : مبروك عليك العربية وربنا يديك خيرها ويكفيك شرها - انا مش ضد السايبا او اى عربية زيرو عموما ولكننى اعرض فكرة فقط - يمكن انا كمان منحاز للهيونداى لان العائلة بكل فروعها والاصدقاء والجيران والزملاء كلنا راكبين هيونداى بدون سبب لان المسالة ارتياح لنوع دون الاخر - ولولا اختلاف الناس لبارت السلع - انت اكيد حابب عربيتك ومع العشرة هتحبها اكتر لانها بتبقى الفرد الاخير فى اسرتك - وبعدين واحدة زميلة المدام معاها شيفروليه سبارك وهى سيارة سيئة جدا استبدلتها بسايبا ومبسوطة منها - مرة تانية كل الاحترام لاختيارك وربنا يبعد عنك الحوادث