انا عارف ان حضترتك مش ضده انا كنت بوضح لااكثر وفعلا هى راحه نفسيه الى جان انى اساسا معجب بالمناقشه المحترمه من حضرتك فى طرح وجه نظرك
احنا معانا الكيا البرايد من سنة 99 عربية زي الفل حمالة قسية و شكلها احلى من الجديدة بالزات شكل التابلوه
مين ده؟؟ دي ما تجيش حاجه في الجديده اساسا ولا وجه للمقارنه "السايبا سايده يا ناس يا متضايقه" :44:
والموضوع موش مشكلة عربيات جيده من عدمها داخلت مصر الموضوع اكبر من كده بكثير ما العربيات دي ممكن تكون متواجده ومافيش اي مشاكل بس المشاكل فين؟؟
في اسعارها
يعني الموضوع هي العربيات دي تساوي اد ايه قبل ما تدخل مصر :stink[1]: وده شي مؤسف عرفتوا ليه انه اكبر بكتير ياريت بقى يتواجد حل مايئذيش يا حرام معارض السيارات وما يضرش بمصالحها
او ممكن الحكومه تنزل دعم ع السيارات عشان موش قادره توفر لينا سيارات جيده تخدم مصالحنا :C_laugh[1]: وبسعر كويس
اقتباس:
انا اخترت الفيرنا لان سعرها الاقرب لتلك المسماه سايبا وهى فعلا اسم على مسمى ولا تنسوا انها اساسا ماجوسية
no comment
الاخ العزيز DRguevara : لاتعليق دى تحتمل اكثر من معنى وتترك المجال مفتوح لاى عضو يفسرها على هواه - لو انت مش بتعرف تكتب عربى قول رأيك بالانجليزية وأحنا هنفهم انجليزى - لكن طالما شاركت قول رأيك لان يهمنى اعرفه ولك كل الشكر مهما كان رأيك
اخواني...
العربية دي أنا كنت بفكر فيها لنفسي عشان كنت بدور على عربية تكون شكلها مقبول وفي نفس الوقت تكون رخيصة بحيث اني أقدر أدفع نص تمنها مقدم والنص التاني أقسطه على سنة بدون فوايد (عشان لغاية دلوقتي بتوع دار الافتاء مختلفين على اذا ما كانت حرام أم حلال! فا قلت أجتنب الشبهات أضمن)
بس للأسف لما ركبتها في فورميولا الأهرام جتلي صدمة عصبية! العربية خاماتها (بالنسبالي عالأقل) من أسوأ ما يمكن....والأبواب من جوا الخامة اللي معمولة منها أشبه بورق الحيطة! =)
ده غير الفتيس اللي ما بيتحركش من مكانه أساسا....ده مش بيعض وبس ده ممكن يعوّر كمان من العضة :C_laugh[1]:
باختصار انطباعي عنها زي انطباعات أستاذ أحمد حمدي وأبو مريم...وزيادة شوية! :)
أنا في رأيي الشخصي اللادا الـ 2105 أحسن منها بمراحل..التقفيل المصري حتى كمان مش الاستيراد...بجد اللي يركب الاتنين يحس بفرق السما من الأرض بينهم!
و دول صورتين كده صورتهم في المعرض...كانوا عارضين منها الأبيض والرمادي والنبيتي..بس نسيت أصورها من جوة للأسف (أخويا كان عمال يقوللي ايه اللي أنت بتصوره ده!) :C_laugh[1]:
بس نصيحة يا جماعة لوجه الله العربية دي بلاش منها بجد
http://www.postimage.org/aV19Ta6A.jpg
http://www.postimage.org/aV19V8PJ.jpg
http://www.postimage.org/gxzBxdi.jpg
هي دي فايدة المواقع دي توعية الناساقتباس:
حرام عليكوا انا حجزتها خلاص ودي اول عربيه ليا في حياتي انا كده ممكن احبط وماروحشي استلمها من فضلكوا شويه كلام كويس عنها انا كده نفسي اساسا خلاص اتسددت وموش ليا نفس اروح استلمها ولا حتى اركبها http://www.nilemotors.net/Nile/image...ink%5B1%5D.gif
احبطتوني
بس دي فيها ميزة عن القديمة قولي ايه هي؟!!!
المرايات بتتقفل و دةاللي معقدني في اللي معايا :)
عزيزي...لازم تبقي فاهم ان الموضوع موضوع نسبي ...اعتقد ان التعليق الأخير فيه مبالغه حبتين...انا شفت الصالون من جوه ومفيش وجه للمقارنه بينه وبين اللادا و شكله حلو واحسن بكتير من عربيات صيني كتيره
ثم الي كانت في المعرض بالذات كذا واحد قالوا علي موضوع الفتيس العاضض ده و ده مش معناه ان كلهم كده طبعاً بدليل ان فيه ناس جربتها و سايقاها بقلها مده و بيشكروا فيها جداً...ربنا يباركلك فيها يا عم و انت الحكم
أستاذ خالد....أنت ركبت العربية وقعدت جواها؟ أنا بتكلم عالاحساس اللي جالي لما قعدت فيها...بجد جالي اكتئاب وحسيت انها فعلا عربية على ما تفرج..مش عربية الواحد يحط تحويشة عمره فيها!
وبعدين اذا كان على شكل الصالون فا هو فعلا أحدث من صالون اللادا...انما كا جودة أنا في رأيي اللادا أحسن (واحد صاحبي لسه جايبها 2008 مصري) ولما جربت أسوقها لقيتها ناعمة بطريقة ما اتوقعتهاش...وأنا بقارن بين السايبا واللادا عشان الاتنين سعرهم تقريبا واحد...أنا عارف ان السايبا دي شكلها ممكن يخدع والناس ممكن تحس انها عربية حلوة من شكلها الخارجي بس صدقني العربية من جوه كــ"ركوبة" عكس كده خالص...يا راجل ده أنا والله ما كنتش عارف أقعد عالكرسي وكنت حاسس اني هقع من عليه! :C_laugh[1]:
وبعدين يا أستاذ mucho حضرتك بتحجز عربية من غير حتى ما تشوفها عالطبيعة؟! أنا رأيي انك لازم تروح تشوفها وتقعد جواها وتشوف احساسك هايبقى عامل ازاي...لو ارتحتلها خلاص اتكل على الله وربنا يباركلك فيها..انما لو ما عجبتكش ما تتردش في انك تسحب مقدم الحجز
اولا هي موش زي اللادا اصلا ولا شكلا ولا سعرا وانا اكيد شوفتها ع الطبيعه ؤمال حجزتها ازاي؟
ثانيا انا انضميت للمنتدى ده عشان اشوف راي الناس في العربيات واوعي نفسي وكلام الناس اللي اشتريتها زي استاذ توفيق كان كويس جدا وده شجعني
ثالثا الكراسي ازاي يعني تقع من عليه ولا دي مساله نسبيه بين الحجم والمساحه :U_thin1[1]:
ومن حيث التقفيل هو فعلا موش اد كده بس موش سئ اوي انت محسسني اني هاشتري عربية فول
رابعا براحه عليا يا جماعه دي اول عربيه في حياتي واللي شايف انها سكه وموش تستاهل تمنها مافيش مشاكل يقول بس بدليل ويكون واقعي وممكن بعدها اعمل تصويت اسحب الحجز ولا اكمل واشتريها
انا لسه قدامي شوي عشان الاجراءات والورق
ويا باشمهندس احمد وضحلي راي حضرتك في السياره بزمتك موش احسن ما اجيب الماروتي اللي موش فيها اي حاجه ولا الالتو اللي قطع غيارها معديه ولا الجأ ساعتها للصيني اللي موش امن وموش مضمون منا موش هاقدر اعدي اوي اخرى مع الحفاظ ع امكانيات البرايد 55000
اذا لاقتولي عربيه زيروا وبامكانياتها وقطع غيارها سعرا معقولا ومتوفره ومضمونه قولولي عليها
وللعلم العربيه ان شاء الله
الفئة الثالثة : 53500 .. رياضية جميع الكماليات
وشكرا
يا mucho أنا ما كانش قصدي أقول حاجة تضايقك أو تقلل من فرحتك بالعربية الجديدة...أنا بس بيبقى صعبان عليا لما ألاقي حد هايدفع فلوس في حاجة مش قد كده...خصوصا ان الواحد مش هايجيب عربية كل يوم والفلوس اللي الواحد بيجيبها مابتجيش بالساهل!
ولو اللادا شكلها مش عاجبك (وده طبيعي) في كذا حاجة تانية في range السعر ده ممكن تفكر فيها.. مثلا البيرودوا كيليسا لسه بتنزل وتمنها 51000 وجميع الكماليات
أو البيكانتو اللي لسه نازلة اللي بـ 57000 وهي عربية واسعة من جوه بس عيبها انها فاضية خالص زي الماروتي كده...وبنفس السعر كان في البيرودوا كيليسا الأوتوماتيك بس مش عارف لسه موجودة لغاية دلوقتي وللا لأ
وبرضه في السبارك ولو تقدر تزود شوية في البيكانتو اللي بتكييف وباور ودي سعرها في حدود 62000 والـ i10 اللي بتبدأ من نفس السعر برضه.....بس طبعا زي ما أنت شايف كلها عربيات صغيرة..لو حاجات أكبر زي الفيرنا وكده بتبدأ بقى من 65 فما فوق....أنا عشان كده كنت مقترح اللادا عشان حسيت انك محتاج عربية رخيصة وفي نفس الوقت ماتكونش صغيرة قوي....وعلى فكرة اللادا اللي بتكييف وباور تقريبا بواحد وخمسين أو اتنين وخمسين
وطبعا زي ما أنت عارف الفئة السعرية دي فيها عربيات صيني كتير...بس أنت مش ميال للصيني
في الآخر القرار قرارك أنت وأنت اللي هاتختار الحاجة اللي أنت مرتاحلها أكتر...بس أهم حاجة تفكر كويس وما تستعجلش وتستخير ربنا....
والله المستعان
ياصديقى انا متابع كل الاراء ومشاركات الجميع عن العربيه وخصوصا مشاركتك الشى الوحيد اللى اقدر اقولو انها عربيه اكتر من ممتازه عن تجربه واقتناع وربنا شاهد على اللى باقولو وفى الاول والاخر راحتك النفسيه ليها اما الساده الزمله اللى مشككين فيها من غير ما حد جربها او اشتراها منهم فانا بعرض عليهم فى اى وقت انهم يشرفونى فى شغلى ويشوفو العربيه على الطبيعه احسن من الاستنتجات المحبطه عنها مش كده احسن
الظاهر ان mucho زعل ومابقاش متابع الموضوع! :fool:
إيه الأخبار يا جماعة
إيه الملاحظات من أصحاب السيارة برايد بعد الـ 1000 كيلو
وأخبار التكييف والعفشة إيه
تابع كل الملاحظات على الرابط ده http://www.nilemotors.net/Nile/showthread.php?t=54953
واضح ان العربية بدأت في غزو الشارع بقوة فعلا
انا شفت ثلاثة انهاردة في يوم واحد !!
تحب تعرف الجديد ايه كمان العربيه التوكيل باع الدفعه الاوله بالكامل 1000 عربيه فى 32 يوم جوز اختى راح يجيب واحده قلولو خلصت واحجز من الدفعه التانيه بعد 15يوم 3500 عربيه جديده ولسه والله العربيه دى جامده بجد بس محتاجه دعايه كويسه وانا عرفت ان اللى متبنيها جريده ومجله اخبار السيارات وتدخل الاستاذ خالد اباظه عند الوكيل لعدم زياده سعرها عن هذا الرقم
بس انا اللي مستغرب منه عدم وجود اي اعلانات عنها و كل معارض السيارات اللي عاملة اعلانات النهاردة في ملحق الأهرام محدش بيتكلم عنها خالص كأنها مش موجودة أصلا و كمان هي مش منتشرة
يا ترى ايه السبب ؟؟؟
النهاردة اشتريت اخبار اليوم مخصوص علشان اقرأ اي حاجة عن السايبا لكن مالقيتش حرف واحد مكتوب عنها .
و اللي استفزني ان الوكيل الوحيد بتاعها في مصر{ ناسيونال موتورز } عامل أعلان عن كل العربيات حتى اللي مش واخد توكيلها و مش حاطط السايبا خاااااااااااالص .
هي اية الحكاية بالظبط انا بصراحة ابتديت اقلق خاصة اني كل لما اكلم عنها حد عندها هنا في قنا يستغرب جدا كأني بكلمه عن مكوك صاروخي أو عجلة بكوتش واحد ....
عندكوا راي ممكن تطمنوني بيه و لا .........:U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]:
هي المشكلة مش بس الشكل .. يعني اعتقد سعرها لو جميع الكماليات ميعديش 40 الف كانت هتبقي ممتازة وليها سوق فعلا وكل واحد وذوقه ونقول هو حر والخ ...انما بجد شئ مضحك لو شفنا حد اشتراها ومقتنع بيها وهضرب كف بكف للي يشتريها بصراحة واتعجب !!
عدم زيادة ايه ؟؟!!
العربيه دي بجد المفروض تمنها ميزدش عن 40 او 45 بالكتير جدا كأخر فئه ليها مش كفايه عربيه انا مشفتش حد بيطيق شكلها الحجري وانا معاكم في موضوع لو هتبقي تاكسي تبقي مشروع محترم وحلو لكن غير كدة في لانوس وفيرنا ابسط مثال برقبتها مش لسه هنجرب كفايه الصيني احنا مش فيران تجارب للدول!!
:C_laugh[1]::C_laugh[1]: انا عايزك ياصديقى تضحك علشان انا اشترتها ومقتنع بيها والناس اذواق وانا او مصطفى صاحب الموضوع اللى اساسا ماشتراش العربيه كان هدفنا نطرح سياره جديده دخلت السوق بكل ايجابيتها وسلبيتها بحياد للساده الزملاء للاستفاده مش علشان يتريقو علينا ويضربو كف بكف
سعرها منافس بس اعتقد الاسبرانزاa113 هيبقى لها سوق عنها لانها احلى شكل جميل وكماليات اكتر وتوكيل كويس ونفس السعر
شكرا على الموضوع
عربية سيئة جدا جدا وعن تجربة محركها ضعيف جدا 1300 سي سي و 53 حصان بخاري وفي منها 1100 سي سي و 52 حصان بخاري ومابنصح فيها حدا هي عندنا بسوريا من سبع سنين وكلها تاكسي واي استفسار انا تحت امركم
الصور دى للشكل القديم
اكيد قصدي السايبا وحاليا عم تتصنع عندنا بسوريا بالتعاون مع الشركة الايرانية الام واسم الشركة حاليا سيفيكو وعندنا منتشرة بشكل كبير ليس لانها جيدة بل لانها عملية وأغلبها تاكسي لانها اقتصادية وخاصة بالزحمة اللي عندنا ولانها رخيصة ومع انها بتتصنع عندنا ومع ذلك بقي سعرها نفس سعر الايرانية وحتى الضرائب ماتخفضت ابدا تحياتي لحضرتك وأي استفسار انا تحت أمرك
واضح ان الموديل اللى حضرتك بتتكلم عليه مختلف علشان اللى فى مصر 1323 سى سى 63 حصان هل البخارى ده كده زى الميل والكيلو متر
انا جايب العربيه وعامل بيها 3000 كيلو لغايه دلوقتى وممتازه معايه جدا وحضرتك بتقول انها منتشره عندكم علشان تاكسى مش علشان جيده مع ان المعروف اللى بيشتغل تاكسى بيبقى جامد علشان الاستحمال وبقالها 7 سنوات عندكم ومستحمله فدى تبقى عربيه وحشه ازاى
ولاحضرتك تقصد انها سيئه من نواحى اخرى ارجو توضيح النقطه دى
والف شكر
http://img207.imageshack.us/img207/6908/132h.jpg
عفوا انا عندي خطا في الكتابة لأن 1300 سي سي بقوة 63 حصان و1100 سي سي بقوة 52 حصان وبالنسبة للحصان البخاري هي وحدة عن قوة المحرك يعني مثلا السايبا بتاع حضرتك محركها 1323 سي سي وقوة المحرك 63 حصان بخاري ربنا يباركلك في عربيتك ويكفيك شر الطريق انا قصدي انها ممتازة لسواقة البلد البطيئة لان بزحمة دمشق مستحيل تقدر تمشي أكتر من 50 كم/سا وأسعار قطع غيارها رخيصة جدا وبتوفر جدا باستهلاك البنزين وهذا سبب انتشارها كتاكسي انا قصدي انها سيئة من جهة قوة المحرك انا جربت سايبا موديل 2007 سيدان محرك 1300 سي سي لفترة طويلة 6 أشهر تقريبا وكانت جيدة جدا كسواقة في البلد اما في الطلوع فلاحظت ضعف المحرك واحيانا كنت امشي على الغيار الأول لحتى ماتوقف وترجع لورا ويكمن انا ظلمت السايبا لان كانت عندي بجانب البروتون واجا وهذا سبب احساسي بالفرق الكبير جدا بين قوة محرك السايبا وقوة محرك البروتون واجا تحياتي لحضرتك وشكرا لتواصلك معي وأي استفسار أو أسئلة تانية أنا تحت أمرك تحياتي لحضرتك
مبيعات متوسطة الناس زهقت من الاشكال القديمة الغير عصرية
انا من تجربتي للعربية الايراني بتاعة واحد صاحبي بس الهاتشباك مش السيدان اللي نازلة دلوقتي اقد اقول ان سحبها كويس لان العربية خفيفة و الوزن الخفيف دا بيخلي العربية مش ثابتة اوي بس اعتقد لو في جنوط هتفرق من عيوب العربية الايراني اللي لاحظتها برضو التقفيل السئ