مشكلة غريبة !!

**Rsarabia** · 29-12-2008 05:13 PM

المشاركة الأصلية كتبت بواسطة ahmedsrs

اتاكد ان الشكمان مش مكتوم

مش مكتوم عادى بس فى تقريبا زيت بيطلع منه على خفيف اوى

**eldeplomasy** · 29-12-2008 05:22 PM

جرب تغير البوجيهات اولا

ثانيا والله اعلم واتمنى انه ميكنش ده السبب هو طلمبة البنزين لانها كانت حصلت مع واحد قريبي معاها نوبيرا والعربية تشتغل وتطفى زي كده ولما كشف عليها طلعت كلبمة البنزين ضعيفه وغيرها بواحد استيراد برده فضلت زي ما هي غيرها بواحد صيني فضلت زي ما هي ما اتضبطتش غير لما غيرها بواحد من التوكيل ومن بعدها لحد النهرده 70الف كيلو تمام

اتمنى طبعا ميكنش العيب ده بس شوف حد يشفلك الطلمبة وان شاء الله خير

**SAMER_ENGINES** · 29-12-2008 06:13 PM

المشاركة الأصلية كتبت بواسطة Rsarabia

مش مكتوم عادى بس فى تقريبا زيت بيطلع منه على خفيف اوى

اللي بيطلع منه ده مش زيت علي الأرجح هو بخار مية و ده دليل اني الموتور ماشاء الله حلو.

**samirayad** · 30-12-2008 07:06 PM

المشاركة الأصلية كتبت بواسطة Rsarabia

ازيكم يا رجالة المنتدى

كل سنة و انتو طيبين

اولا العربية بومة 2006 اوتوماتك خليجى

النهاردة جايب لكم مشكلة مش عارف احلها ازاى العربية اجى ادور تبطل ادور تانى تبطل ادور تالت تبطل ادور رابع متبطلش
وكل مرة بديها بنزين عشان متبطلش و بيحصل اللى حكيته دا
كمان لما اجى اشغل التكييف المفروض الحساس يرفع ال Rpm لا دا بينزل و بيقل لدرجة ان التكييف ميطلعش هوا ساقع لو العربية واقفة لكن طبعا لما بمشى و ادوس ال Rpm كدا كدا بيزيد فيرجع التكييف يشتغل تانى انا كشفت على العربية كتير و مفيش فايدة كل حاجة مظبوطة مش عارف ايه يكون بايظ

عفوا على الاطالة

بقولك اية يا أخى ...هو فية حاجة عاوز أقولك عليها....يمكن يكون فيها المراد...........خللى واحد كويس متخصص فى الأنجكشن يعيد التأكيد على الوصلات الكهربائية الواصلة من جميع الحساسات الى وحدة النحكم الالكترونى........وجرب وقول لنا....لأن ممكن تكون اللمبة الى بتنور دى مع تشغيل المحرك بمثابة انذار على أن التوصيلات غير جيدة......ربنا يوفقك واحنا فى انتظار الرد للمشاركة

**Rsarabia** · 31-12-2008 06:50 PM

انا رفعت لكم فيديو بيوضح المشكلة اكتر
فيه هتلاحظو ادور مرة العربية تبطل ادور تانى تبطل تانى ادور تالت تبطل تالت ادور رابع اللمبة الصفرا دى تروح و متبطلش بعدين شغلت التكييف ال RPM مرفعش عشان التكييف ميبقاش ضعيف و معلش على كبر الحجم هو 5 ميجا بس

دا اللنك http://www.mediafire.com/?jmgl08nxnwn

**Oushy** · 01-01-2009 04:53 AM

هي بصراحه مشكله غريبه قوي خاصه انك بتقول انك حططها علي الاسكنر وماجابتش اي مشاكل مع ان اللمبه الصفراء دي لمبه التشك ومعني انها تفضل منوره بعد اداره المحرك وتفضل منور وما تتطفيش معني كده ان العربيه بتقولك ان في حاجه مش مظبوطه في العربيه خاصه الحساسات علي ما اعتقد !!!

**د-احمد عبد اللطيف** · 01-01-2009 06:05 AM

في ملحوظة انت ليه بتدور وانت على N المفروض السيارة تبقى في P وانت بتدور
ثانيا السيارة فيها مشكلة في وحدة التحكم و مش حيهلهالك الا التوكيل
لان السكانر اللى موجود برة التوكيل مش بيقرا الكود بشكل صحيح عشان كدة مش بيديك العطل فين.
ربنا معاك

**Shiref_mohamed** · 01-01-2009 08:40 AM

المشاركة الأصلية كتبت بواسطة د-احمد عبد اللطيف

في ملحوظة انت ليه بتدور وانت على N المفروض السيارة تبقى في P وانت بتدور
ثانيا السيارة فيها مشكلة في وحدة التحكم و مش حيهلهالك الا التوكيل
لان السكانر اللى موجود برة التوكيل مش بيقرا الكود بشكل صحيح عشان كدة مش بيديك العطل فين.
ربنا معاك

من ألخر متتعبش نفسك وتوجع قلبك واطلع على التوكيل لأن المشكلة ديه ليها اسباب كتير جداُ هما في التوكيل هيحلوهالهاك بإذن الله وكمان خلى بالك في اجهزة Scaner مش بتقرا كل المشاكل الى في العربية في التوكيل هتلاقي عندهم الجهاز بتاعها وباذن الله تتحل بس ابقى عرفنا النتيجة

**megodahab** · 01-01-2009 04:49 PM

ايه المشكله لما ادور العربيه وانا واقف علي الـ N يا دكتور احمد هتولع ولا ايه ؟

**Rsarabia** · 05-01-2009 08:07 PM

رحت للتوكيل اللى فى طريق المحلة العدوى و كشف عليها كمبيوتر لقى ان فى مشكلة فى الايموبيليزر و تم حلها الحمد لله و فى مشكلة تانية فى الحساس لازم يتغير و سألو عليه الشركة مفيش عندهم و مطلوب انى اجيبه استيراد ازاى حاجة مهمة زى دى و ازاى عربية لانسر بعد الانتشار الرهيب دا ميبقاش فى قطع غيار فى الشركة ؟؟ و انا اجيبها منين حد يعرف ؟؟

المشكلة بتاعة التبطيل خلاص الحمد لله بقت بتدور و مش بتبطل بس لسه المشكلة بتاعة التكييف و الرعشة و الحاجات دى متحلتش عشان الحساس