خاص بالسيفيك الجديدة....

**م/محمد صلاح** · 30-12-2008 11:46 AM

يعنى لو قلنا ب 1300 وكمان 10% خصم يبقى ب 1170 صح ؟
طيب هل بيفرق فى لاسحب ولا على السرعات العاليه وهل بيغير فى صوت الموتور (بيعليه يعنى)؟
وياترى بقى لو قلتلك عاوزك تجيبهولى من بورسعيد هاينفع ولا ايه؟

**momo10000** · 30-12-2008 12:14 PM

هو السعر كدة 1170 مظبوط بعد الخصم.

100% بيقرق جدا في السحب وبرضة في السرعات العالية بشكل خرافي في الهوندا والجولف بالذات.

الصوت جامد جدا ... صوت رياضي ... قريب من صوت التوربو... بيظهر بس وانت حارق لكن لو سايق طبيعي الصوت مش ملحوظ قوي ودي ميزة هايلة طبعا.

العبد لله كل اسبوع في بورسعيد ... وانت تأمر يا ابو احمد.

**speed4speed** · 30-12-2008 02:24 PM

الفلتر بيهجص معايا فى الصيف و فى الشتاء بيكون الاداء حلو جدا
مفيش طريقه تخليه فى الصيف زى الشتاء؟؟؟؟

**MMamdouh** · 30-12-2008 02:28 PM

the secret to this is:

COLD AIR INTAKE

MMamdouh

**م/محمد صلاح** · 31-12-2008 06:50 PM

مومو حبيب قلبى ربنا يخليك الامر لله يا غالى
خلاص اول ما الكاشات تبقى معايا هاقولك تجيبهولى بس الاول لما ممدوح يرد علينا فى حكاية تهييس الفلتر فى الصيف دى

وياترى مين هايركبهولى هنا فى مصر؟

**MMamdouh** · 01-01-2009 02:48 PM

Cold Air Intake

المقصود بالمصطلح دة ان مكان الفلتر بيبقى بعيد عن سخونة و حرارة حوض الموتور عشان ميسحبش هوا سخن و العربية تتحول لبطة على السرعات البطيئة فى الجو الحار خصوصا لو مشغل تكييف و المراوح عمالة ترمى هوا سخن فى الحوص

بتختلف بقى الطريقة اللى بيها نخللى الفلتر يسحب هوا بارد حسب الsetup... يعنى فيه ناس زى حالاتى بتركب ماسورة طويلة توصل لحد الفراغ اللى فى ضهر الاكصدام و تركب الفلتر هناك و لو فيه غطا للفوج لايت بيتشال عشان يدى ممر هوا بارد من الجو للفلتر.... دة افضل وضع للفتر عشان ياخد هوا بارد... بس توقع ان الفلتر يبقى اسود من الاسفلت بعد شهر واحد لان التراب عندنا اكوام اكوام و الفلتر راكب وش فى كل المزابل اللى على الطريق

طريقة تانية عملية شوية و هى ان بيبقى فيه زى حاجز بيبقى بين الفلتر و باقى الحوض... اكنك عملت تقفيلة للفلتر فى جنب من اجناب الحوض عشان تبعد عنة الهواء السخن... كدة حتحل مشكلة الوساخة و تبعت شويتين مشكلة الهوا السخن... المشكلة بس ان مس كل العربيات فيها مساحة فى الحوض لعمل العازل دة

الكيت بتاعت K&N بيبقى معاها خرطوم مرن وظيفتة انة بيوصل الهوا البارد من ورا الاكصدام لحد الفلتر... و هنا بياخد ميزة ال cold air intake لانة بياخد هوا بارد و برضة مش بيوسخ الفلتر كتير لان صعب الوساخة تتطلع لفوق لحد الفلتر غير لما يبقى الفلتر تحت و مواجة لتيار الهواء المحمل بالوساخة و اضافة على كدة انة مبياخدش مساحة زى الsetup اللى فيه عازل او فاصل و بالتالى ممكن تركيبة على عربيات اكتر بالشكل دة

MMamdouh

**Hisham_ElFeky** · 01-01-2009 04:28 PM

MMamdouh

دولي يا باشا..تسلم ايديك

دا ممكن يقصر عمر الماتور بعد كده اد ايه

**momo10000** · 01-01-2009 08:24 PM

ممدوح باشا.... تسلم ايدك علي التوضيح يا كبير ...مخلتلناش حاجة نقولها ..

هشام باشا: الفلتر ال K&n بيحافظ علي نظافة الانجكشن اكتر من الفلتر العادي ... والمادة اللي مصنوع منها غالية لكونها مبتسمحش بمرور التراب علي الاطلاق لموتور العربية ودا طبعا بيطول عمر الموتور.

بالنسبة للتركيب اي حد فاهم سواء التوكيل او حد في الحرفييين او.......... محمد ممدوح....

يا جماعه الفلتر دا بيفرق في الهوندا بشكل خياااااالي...

-

-

الموضوع: خاص بالسيفيك الجديدة....

LinkBack

أدوات الموضوع

عرض

-

-

-

-

-

المواضيع المتشابهه

ريو السيدان الجديدة ... تحفة جديدة لكيا ...منافس قوى لنيو اكسنت الجديدة

من موقع سيارات فولكس الجديدة---فيديوهات و صور الجيتا 2011 (الجديدة كليا)

حد يعرف النمر الجديدة وصلت مرور القوات المسلحة فى مصر الجديدة

حد بيعرف يعدي بالسيفيك الجديدة في شوارع جانبية ضيقة (من غير صابونة)؟؟؟؟؟؟؟؟؟

هل تصمد اللانسر الجديدة أمام أسعر تويوتا كورولا الجديدة؟!!

الكلمات الدلالية لهذا الموضوع

المفضلات

المفضلات

ضوابط المشاركة