الموضوع: تعليمات هامة لمالكى السيارات اللادا

المشاركة الأصلية كتبت بواسطة ahmed1981

لقيت المنتدى نايم قلت أفتح في القديم شوية

أستاذ حسام بيقول اللادا 2107 تتميز بالثبات في السرعات العالية
هل الكلام ده عن تجربة أم أنه عن سماع ؟؟
هل حضرتك جربتها في السرعات العالية على سرعة كام ؟؟

لأنه من المعروف ان نظام العمود والدودة في دركسيون اللادا يتميز بصعوبة التعامل معه في السرعات المنخفضة (ثقل) بالإضافة إلى فقدانه الثبات في السرعات العالية نتيجة لعدم دقة التوجيه بنظام الدودة المتبع في الجرارات الزراعية
وكثير من أصحاب اللادا يلاحظون حدوث بوش بسيط في الدركسيون وهو عيب مستفحل في نظام الدودة

ونتيجة لهذه العيوب في نظام الدودة تم إستحداث نظام الجريدة والترس (الراك والبنيون) الذي يتلافى جميع العيوب الموجودة في النظام القديم فهو يعطي دقة في التوجيه على السرعات المنخفضة والعالية على السواء بالإضافة لأنه يعيش عمراً أطول حتى يحدث به بعض البوش
وترك النظام القديم للجرارات الزراعية نتيجة لأن سرعتها لن تزيد بحال من الأحوال عن 30 أو 40 كلم ولو نظرت لدركسيون جرار ستجد أن البوش فيه (الفضاوة) حوالي ربع أو نصف لفة
وأعتقد أن هذه الملاحظة لابد من توضيحها حتى يكون من يشترى هذه السيارة على علم بهذا الأمر مجرد العلم حتى يأقلم نفسه مع الواقع
فكثير من عيوب السيارات يتم تلافيها عن طريق الصيانة الدورية التي يهتم بها الشخص لو كان له دراية بوجودها
وبلاش تقوللي كما قلت لي من قبل إني من أعداء اللادا
فأي سيارة (ليس اللادا فقط) أعلم منها عيب حتى لو كانت سيارتي أوضحها للناس من باب تبصير المسلمين بما ينفعهم

و الله يا جماعة انا ليا راى بسيط مع معلوماتى المتواضعة
1- اللادا ثابتة جدا لانى باسافر بيها كتير و بتعمل معايا 140 و 150 عادى جدا و ثابتة بس المهم انك باستمرار العفشة و الفرامل و خلى بالك انت مش راكب عربية فيها abs و لا ebd
2- اللى راكب عربية يصاحبها بجد مش هزار اتكلم معاها هاتتكلم معاك هاتخلى بالك منها هاتصونك و تقولك على هيوبها من نفسها
3- اعرف امكانيات عربيتك تعاملها صح يعنى خليك دايما فاكر انك راكب لادا و ما تسرحش و تفتكر انك راكب اخر حاجة
ده رايى المتواضع

شكرا يا أستاذ حسام على هذه المعلومات الوافية والمفيدة جدا بالنسبة لى؛

يا جماعة هشترى لادا 2107مو2006 مصرى عملة 30000الف كيلو ب30000جنية حلوة
مع العلم انها فبريكة بره وجوه

السعر ده كويس

يا جماعة أنا م./ حسن ومعايا لادا 2107 مو 2006 ممكن أبقى صديق دائم ليكم....؟؟؟؟

المشاركة الأصلية كتبت بواسطة hassanolla

يا جماعة أنا م./ حسن ومعايا لادا 2107 مو 2006 ممكن أبقى صديق دائم ليكم....؟؟؟؟

أهلا وسهلا بحضرتك معانا وتنور وتشرف يا باشا

خدت مطبين بسرعة وسمعت حكة جامدة اسفل العربية ممكن حد يقولى ايه الضرر اللى ممكن يحصل وازاى نتفادى الضرر ولوحصل معايا كده تانى اية المتوقع معلش جديد سواقة

السعر معقول أوى