هوندا سيتي 1300 (وائل عطية)

**وائل عطية** · 11-08-2007 03:18 PM

يعني بمنتهى البساطة كده انطباعه عنها إيه بس بالتفصيل شوية، يعني الثبات، التسارع ، عزم العربية مع التكييف ، استهلاك الوقود، الاعتماد على العربية كسيارة عائلية، أخبارها إيه مع المطبات ، صوت المحرك ، أسعار قطع الغيار والصيانة،
ومعلش على الإزعاج دا :lol:

**معاذ الشرباصى** · 11-08-2007 03:23 PM

حضرتك تأمر

بس حضرتك هو معاه اول موديل من السيتى نزل مصر, و هى اتوماتيك

الموديل ده الثبات بتاعه وحش جدا, ده غير ان الفتيس اللى فيه مختلف عن الموديل الجديد

لكن الموتور هو هو

الثبات بتاع العربية ممكن يفيدك فيه هانى ادم او احمد جنيدى (جندى مجند) بما ان العربية معاهم بس هو اختلاف الموتور بس

**وائل عطية** · 11-08-2007 03:27 PM

أعتقد إن هاني وأحمد معاهم الـ1500 مش الـ 1300

**معاذ الشرباصى** · 11-08-2007 03:29 PM

ايوة, بس هى هى بودى العربية, و الشاسيه و كل حاجة

هما شالوا بس الموتور ال 1500 و حطوا ال 1300 و شالوا بعض الكماليات

تصميم العربية هو اللى بيحدد ثباتها, و تصميم العربيتين واحد

**وائل عطية** · 11-08-2007 03:30 PM

ماهو أنا عارف المعلومة دي بس مش عارف هل دا بيأثر على الوزن الإجمالي للعربية ولا لأ، لأن وزن العربية له عامل أساسي في ثباتها

**hazem_khidr** · 11-08-2007 10:14 PM

انا شفت الموضوع قولت اخش ابارك بس طلع اني فهمت غلط.
عموما هيا عربيه كويسه يا استاذ وائل و شكلها معقول رغم اني بفضل شكل الياريس عنها .
الياريس مع ابن خالي التكييف مش مأثر عليها خالص و استهلاك البنزين حلو جدا لكن ما اعتقدش ان الهوندا حيبقي اقل في الاستهلاك منه نرا لان مواتير الهوندا عصبيه نوعا ما عن مواتير التويوتا الهادئه

**معاذ الشرباصى** · 11-08-2007 10:20 PM

الياريس مع ابن خالي التكييف مش مأثر عليها خالص و استهلاك البنزين حلو جدا لكن ما اعتقدش ان الهوندا حيبقي اقل في الاستهلاك منه نرا لان مواتير الهوندا عصبيه نوعا ما عن مواتير التويوتا الهادئه

و الله نظرا لتجربتى مع الياريس لفترة ليست بالقصيرة, التكييف بيأثر, لكن تأثير بسيط

استهلاكها خالص مش زى الاستهلاك المعلن للهوندا الا و هو 800 كيلو للتنك!!!

الياريس بتستهلك اعلى بكتير من كده

**AlmAhAtmA** · 11-08-2007 10:34 PM

لو عامل الموتور مش بياثر علي الثبات

يبقي علي بركه الله

لاني كنت خايف ان الثبات يتاثر نظرا لان العربيه عاليه
لكن و الحمد لله الثبات زي الفل
و بحس ان العربيه ماسكه في الارض
خصوصا ان كل مشاويري جري علي الصحراوي

لكن و للحق انا سمعت ان الموديل القديم كان فيه مشاكل جامده في الثبات و همه تداركوها في الموديل الجديد

انا كان ليه فرصه اني اجرب ال 1300 الاوتوماتيك و انا بعمل الصيانه هيه ظريفه جدا و عزمها ممتاز لكن التكييف بيحط شويه علي الموتور ( ايه رايكم بقيت افهم في العربيات اهه )

الاختلافات الظاهريه في
الجنوط
الجرايد الجانبيه
الاريال خارجي و غير مدمج بالزجاج
تطعيم الابنوس يحل محله نوع من البلاستيك الفاخر
النواكل في الداخل
العلامات الخارجيه

**معاذ الشرباصى** · 12-08-2007 01:42 AM

لكن و للحق انا سمعت ان الموديل القديم كان فيه مشاكل جامده في الثبات و همه تداركوها في الموديل الجديد

الموديل القديم سىء جدا فعلا, و كان الوكيل بينصح الناس تحط حاجات تقيلة فى الشنطة لو راكب العربية لواحده

لو عامل الموتور مش بياثر علي الثبات

هو اللى هيفرق وزن العربيتين, لو الوزن تقريبا واحد زى بعض يبقى مفيش مشكلة فى الثبات

**أبو عبدالله** · 12-08-2007 01:07 PM

على فكره يا جماعه للي متابع قناة جيير وان

الأمارات حصل عندهم مشكلة مع عربيتين والمفروض انهم اتسحبو من السوق او بمعنى اصح واحده شركتها استحابت وسحبت العربيه والتانيه لسه مسحبتهاش

وهما الشيفيروليه الأفيو اتسحبت لعيوب فنيه وده من شركة جنرال موتور

وعربيه هوندا بس مقلوش هيا ايه بس دي متسحبتشي من السوق

فلو حد عنده معلومات عن الهوندا وهيا ايه كمان ياريت يفيدنا
لأنهم قالو ان في بلدها اعترفوابالعيوب دي

الموضوع: هوندا سيتي 1300 (وائل عطية)

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

المواضيع المتشابهه

مقارنة بين لانسر 1300 و هوندا سيتي 1300

هوندا سيتي 1300 ولا ياريس 1300؟؟؟؟؟

هوندا سيتي 1300 ولا دايهاتسو سيريون 1300

لانسر 1300 ولا هوندا سيتي 1300 ولا سيريون1300

الكلمات الدلالية لهذا الموضوع

المفضلات

المفضلات

ضوابط المشاركة