الموضوع: ملاحظة بالنسبه( لجميع ) مواتير الهيونداي

المشاركة الأصلية كتبت بواسطة cars_lover

المشاركة الأصلية كتبت بواسطة Anti_virus_abdo

اولا ديه اول مشاركه ليا في المنتدي و فعلا المنتدي ده مميز جدااا و عجبني جداااااااا
انا كان ليه ملاحظة كده علي جميه مواتير هيونداي و مش عايز اي حد عنده هيونداي يزعل مني ديه اول مشاركه ليا :D الملاحظه هي ان جميع مواتير هيونداي بها عيب و هو صوت (الكركره) انا كان عندي اكسيل موديل 97 و طبعا كنت بعاني جداااا من الكركره حتي و لو مديها الغيار الصح ده و انا طالع علي الاول بتعمل كده و لا تعليق لو التكيف شغاال ودتها التوكيل و اتظبطط اسبوع ب الظبط انا قلت ديه اكسل يا عم و العربيه 1.3 يعني تعبانه بس صدمت لما لقيت كله كده حتي النيو اكسنت و الالنترا الجديده و القديمه و الصدمه الكبري كانت اما واحد صحبي كان لسه جايب هيونداي كوبيه و كنت راكب معاه و فرحان هو بيها بقي و كله تمام انا طبعا الكركره دي مش في دماغي خالص انا راكب كوبيه :D بس و كنا مشغلين التكيف بس مش بيقرص عليها عشان التليين و كنا واقفين في اشاره و فتحت اداها اول عادي و جاي يطلع بيها ترررررررررررررررررررررررر رررررررر كركرتتتتتتتتتتتتتتتتتتت !!!!!!!!!!!!! :!: :!: :!: انا فتحت بقي و زهلت و بيعاني هو من الحوار ده في الشد و خصوصا في التكيف انا قلت اشوف رأي الاعضاء في الحوار ده انا بس الملاحظ الحوار ده و لا اييييه ؟؟؟؟

thxxx 2wy ya basha 3la radak el gamel el 7set eny baklm mohndes feh
sa7ee7 enta 5areg eh or fe kolet eh :D
w ba3d kda kol el kalam el 7adrtak 2olto wlahy ana 3arfo bs tftker eshm3na el hyundai w enta msh3'l el takef btkrkr enta 2olt 3shan el mwater btb2a so3'era tb 3andak el corolla 1.3 3omrha ma tkrkr or ts2f zy ma bt2olo :) w mesh ha2olak fe el takef bs da 7ata lw edtha gear 3'alat (a3la men el lazam) w da mesh m3nah en ana ba2ol enha el mafrod ma ts2fesh lma tdy gear a3la men el lazem


أمسك.......... أمسك العضو ده اللى بيتكلم على مواتير الهونداى .... حــــاـــــق......هاتوه....

محدش يمسكنى أنا مش حعملوا حاجه...أنا حعرفه غلطه بس...



أوعى تكون زعلت أنا بهزر معاك...

يا أخى دا أحسن حاجه فى الهونداى مواتيرها...

ياله نتفق ...يكركر بلغه الميكانيكا الدارجه يعنى يصقف.

أنا مستعد لو جبتلى أى عربيه انشاله مرسيدس حخليلك ماتورها يصقف و يفوت كمان.

ححاول أشرحلك الموضوع ببساطه ويا رب أفيدك:

أى صوت مش عادى يصدر من الماتور له دلاله .

تعالى نشرح المعادله دى : بنزين + هواء + كهربا ---> طاقه حركيه مولده لها عزم

أولا العزم (نيوتن / متر):
===============
وهو القوه التى يولدها الماتور لتحريك السياره . ويواجه الماتور عند تحريك السياره من حاله السكون أعلى حمل ممكن ولذلك لو ما وزنتش رجلك فى الطلعه وزودت بنزين (لكى يزيد الـ RPM فيزيد العزم ) كويس الماتور حيصقف أولا ثم يبطل لان هناك أحمال أكبر من القوه المولده (حاله 1).

والحاله 2 : عندما تقوم بعمل نقله مبكره أو كبس بنزين وسرعه السياره أقل من سرعه الغيار الحالى ،فيصدر صوت التصقيف لنفس السبب فى الحاله الاولى.

لاحظ أن الحاله 1و2 هو عيب سواقه و يظهر فقط فى السيارات المانيوال مش الاوتوماتيك لانك انت الذى تتحكم فى الغيار .

الحاله 3 : فى المانيوال والسياره واقفه و التكييف شغال :
التكييف بيعمل حمل عالى على الماتور و يستهلك جزء كبير من الطاقه المولده منه و لذلك لما تبقى العربيه واقفه وتشغل التكييف تلاقى صوت الماتور على شويه ولو عندك RPM حتلاقيه زاد و هذا يسمى التعويض . كأنك زودت بنزين لتوليد عزم زياده و برضه عند التحرك لازم تزود بنزين تانى علشان الطلعه.

فلو حدث تصقيف فى الطلعه يبقى اما بسبب أن نسبة التعويض مش مضبوطه أو عيب سواقه (سبب الحاله 1 )

ونلاحظ أنه فى المواتير ذات السى سى الاعلى (عزم أعلى ) يقل احتمال حدوث ذلك..
وكلما زاد أوكتان البنزين زادت كفاءة الاحتراق ، فالبنزين 92 (بدون ماء) يجعل فرص سماع التصقيف أقل

ملخص الحالات الثلاث السابقه سببها زياده حمل على الماتور .

ثانيا : الطرف الايمن :
=============
من المسئول عن :
خلط البنزين و الهواء = الكاربيراتير أو Injection
الكهرباء = الاسبلاتير

لو واحد فيهم مش مظبوط يبقى الماتور مش مرتاح ويفضل يصقف ويكركر و ينتش و يرعش ويبطل عمال على بطال اذا زودت بنزين أو لا

وكلما زاد أوكتان البنزين زادت كفاءة الاحتراف ، فالبنزين 92 (بدون ماء) يجعل فرص سماع التصقيف أقل .


وأنا شايف أنه الاكثر احتمال فى حالتك هو ضبط الكهرباء و غالبا عدم ظبطها يكون السبب الغالب للتصقيف ، فيجب ان تظبط كهرباء العربيه و ياريت لو تحط بنزين 92 (أملى التنك كذا مره علشان البنزين القديم يتغير، وان شاء الله حتدعيلى.

حتقول انك سمعته فى سيارة صاحبك الجديده : حقولك أما مشكلته أيضا ضبط الطلعه أو عايز يظبط العربيه و لو حتى لسه خارجه زيرو من المصنع .

أنا كانت عربيتى بتنتش و روحت للاسطى غبور باشا ..قالولى الماتور عايز ظبط ...قلتلهم ممكن يكون الكاربيراتير عايز يتنظف ..قالو لأ ... وما رحش العيب وبعد كده نضفت الكاربيراتير بره نزل منه طينه سوداء و اتظبطت العربيه.

المشاركة الأصلية كتبت بواسطة محمد حسين

فعلا ده عيب بيظهر في الهيونداي بس أمتي بقي يا شباب ؟ في ثلاث حالات
أولا:- أن العربيه تكون قديمه ومتهانه مع موتور صغير 1300 مثلا ودي انا جربتها شخصيا لما أجرت عربيه هيونداي أكسنت 1300 من سنتين وطبعا عارفين التأجير بيعمل ايه في العربيات بيفورها وللعلم الهيونداي عربيه جميله وحساسه وبنت ناس فلما تهينها مش هاتسكت كتير هاتعلن عن احتجاجها وقرفها من اللي هي شايفاه العربيه دي كانت بتكركر علي الاول علي الرغم من اني مسايسها وحاططلها بنزين كويس
ثانيا :- ان طريقة السواقه تبقي عافيه يعني تدوس بنزين وتقولها ( هاتشدي يعني هاتشدي ) فمن الطبيعي مع اي عربيه انها تسقف وترتبك منك وتصدر اصوات الكركره وفي النهايه بردو هاتاخد وقتها لما تسحب معاك فمن الافضل مسايسة العربيه
ثالثا :- وده الاهم البنزين المضروب :( :( :( حسبي الله ونعم الوكيل من الغشاشين وولاد الـ....... بقت حاجه تقرف لما تروح تحط بنزين نصه ميه وتبقي ماشي ومستكينص لأن التنك مليان وتجيبك العربيه في نص مشوراك وتقولك عفوا لقد نفذ بنزينكم برجاء فك التنك وتنظيفه وتفويله في وقت لاحق
انا معاكم ان الراجل ما كتبش الموضوع كما يجب بس انتوا جيتوا عليه اوي وربنا يبارك لكل واحد عنده هيونداي لانها عربيه جميله وحساسه وانا بأذن الله هاجيب واحده
شكرا يا باشا علي الموضوع والفكره اللي دخلت تعرضها علينا

thxxx 3la radak ya basha

المشاركة الأصلية كتبت بواسطة fahd_628

بجد انا النهاردة كنت واقف فى الشارع و شفت هيونداى كوبية قدامى و طبعا كان مشغل التكيف و كان فية اشارة و لما الأشارة فتحت لقيت صوت كركرة فعلا بسيطة بس فعلا فية صوت كركرة والله انا سمعتها

ahoo ya gd3aaan a5eran wa7ed geh m3aya
thxxx awy ya basha 3la radak
mesh m32ola kol el nas de mesh bt3rf tso2 :?
WLAHY ya gam3a el hyundai feha 7agaa fe 7kaet el karkra deeh bs mesh momeza fe el verna wla el matrix bs feh bardo bs baset b3'd el nazr 3la el banzen or zabt el motor or el kahrba bt3to

ana m3aya atos prime 2008
we bsra7a b2a al 3rbya btkrkr mny...bs deh fee 7alet an ana alee sy2ha :( :(

lw 7d tany alee sy2ha mesh bsm3lha soot :lol: :lol:

في اعتقادي الشخصي التسقيف مصدرة الأول البنزين و عواملة المساعدة طريقة القيادة الخاطئة , و ثالثا و اخيراً إستعمال التكييف في غير الأوقات المناسبة حيث تكون السيارة في احتياج شديد للعزم الكامل احيانا , و لتجنب الكركرة استعمل بنزين واحد اي 90 على طول او 92 على طول او 95 على طول , ثم لا تضع التكييف في وضع التشغيل إلا بعد السرعة 80 في كل السيارات الكوري و الله اعلم ......

السلام عليكم ورحمة الله وبركاته
كل سنه وانتوا طيبين يا جماعه انا معايا فيرنا 1500 لسه مستلمها من شهر ونص عامله 1900 كيلو المهم ان انا بحس ان سحبها مش حلو بالزات في الطلعه او في الغيار الاول مبتسحبش حلو غير علي الغيار الثالث مثلا بس طلعتها بطيئه اوي ولو زودت بنزين صوتها بيعلي ومبنسحبش جامد برده ممكن ده يكون علشان هما في التوكيل حطوالي زيت الموتور زياده ولا ايه انا حاسس ان العربيه مخنوقه وسحبها ضعيف مش عارف اعمل ايه ارجو المساعده وشكرا
احمد يوسف

بصراحة يا جماعة الأستاذ Anti_virus أثار نقطة مهمة وأنا موافق على رأية جدا من خلال تجربتي الشخصية ، فوالدي كان معاه هيونداي إكسيل وكنت لما بسوقها فعلا بعاني من مشكلة التسقيف والكركرة دي وبعد كدة ربنا قدرني وإشريت عربية تويوتا إكو فالقيت فرق واضح في الموتور ومفيش أبداً لا تسقيف ولا كركرة حتى لو ماشي على سرعة بطيئة وجايب التالت ، مطولش عليكم بعتها ومعايا دلوقتي فيرنا 1600 سي سي ولقيتها فعلا بتسقف وتكركر لما متديهاش النقلة مظبوط وبدقة غير التويوتا خالص

فالازم نعترف يا جماعة إن الموتور الكوري مش في قوة العربيات الياباني والألماني ولا يصنف كأفضل الكواتير في العالم
وبلاش تحامل على الراجل بدون سبب مقنع