ملاحظة بالنسبه( لجميع ) مواتير الهيونداي

**Ahmed Anwer** · 18-06-2008 04:43 AM

المشاركة الأصلية كتبت بواسطة Anti_virus_abdo

و عشان كده انا متكلمتش علي الجديده خالص و قلت ان كل كلامي هيبقي علي الجيل الي قبل الموجود في المواتير زي الالنترا 2006

اشطه

I have No Karkara

هههههههه

**kind** · 18-06-2008 01:27 PM

أرسل أصلا بواسطة Anti_virus_abdo

ماشي بس بنسب يعني ممكن تسمعها مره في اشاره ممكن عيب سواقه ممكن بنزين غلط
لاكن الهيونداي علي طوول
و هديك مثال و مش قصدي و الله اقارن بين هيونداي و تويوتا عشان ما نفتحش موضوع تاني :) بس عشان يبقي الكلام عن تجربه و حاجه في نفس فئة الالنترا مثلا
بص سوق تيوتا كورولا الي هي الشكل من 2003 ل 2007 و مش هقولك اطلع بيها علي الاول لأ اطلع بيها علي التاني و شوف هتكركر اد ايه (هي ثانيه الكتييييييير اوييي) انا عارف انها حركه غلط بس عشان اوريك و جرب في اي عربيه تعجبك الكلام ده (بس شرط طبعا الحاله) و جرب في الهيونداي و قولي بلاش التاني في الهيونداي عشان هتعملك فضيحه اطلع بيها علي الاول و قارن :D

اليابانى حوار تانى

التويوتا معروف انها بعد لما تسخن وتمشى بيها شويه خلاص ممكن تنسى الغيار الاول ده خلاص وتبقى بدايتك الثانى علطول

انا كان معايا كورسيدا موديل 84 مكنتش بستعمل الاول ده اصلا

موضوع الكركره ده اعتقد من عوامله ( بنزين مصر المغشوش - طرق مصر التى لا تصلح للاستعمال الادمى ( ممكن توصل للتالت وقبل ما تبدأ تمشى عليه تلاقى نفسك مضطر تفرمل وتطلع من الاول فى دقيقه ومعتقدش انى فى شوارع فى الدنيا كلها زى بتاعتنا ) - اعصاب الانسان المصرى اللى طهقان من حياته وهوا بيسوق يا سرحان وهادى مع العربيه يا بيطلع غله فيها )

يا جماعه التقييم ده ياريت محدش يقول عليه عاطفى ومش عملى عشان فعلا فى عربيات حساسه زى ما الزملاء قالو ومحتاجه معامله مظبوطه 100 %
وبالنسبه لمواتير الهيونداى انا شايف انها اثبتت كفائه ( بره مصر ) نظرا لعد م توافر العوامل المذكوره اعلاه.

وشكرا

**ahmedfd** · 18-06-2008 01:47 PM

المشاركة الأصلية كتبت بواسطة Ahmed Anwer

هاقولك علي حاجة انا بقيت ارمي ودني مع كل العربيات بكل انواعها

و اكتشفت ان كلها بتكرر ،،

اقف بص في اشارة و اسمع العربيات و هيا طالعة

دي حقيقة.. أنا لسة إمبارح قدامي فورد فوكس جديدة الراجل مشغل التكييف و طالع من المطب و العربية كركرت عادي جداً و كمان ونا مسافر بعربية باسات 2007 و أوتوماتيك كمان سرعتها وطيت و السواق زود السرعة بس بالراحة العربية كركرت أحلى كركرة و إضطر يعمل كيك داون.
... مهياش يعني سبة في جبين العربية... إحنا مش سايقين عربيات 4000cc.
و خصوصاً مع عوامل زي البنزين و العصبية في السواقة و غيرها زي ما أخونا kind قال بالظبط.

**M.Osman** · 31-10-2008 12:01 AM

طبيعى جدا ...
لو مش مشبع بنزين كفاية
و لاحظ انك لو مشغل التكيف لازم تشبع بنزين اكتر شوية ...

الغريب و اللى انا لاحظته ان الدبرياج بتاع الفيرنا حساس اوي يعنى لازم تشيل رجلك بالراحة و تظبط ..اكيد فاهمين ..

شكراً

**M.Osman** · 31-10-2008 12:04 AM

المشاركة الأصلية كتبت بواسطة kind

اليابانى حوار تانى

التويوتا معروف انها بعد لما تسخن وتمشى بيها شويه خلاص ممكن تنسى الغيار الاول ده خلاص وتبقى بدايتك الثانى علطول

انا كان معايا كورسيدا موديل 84 مكنتش بستعمل الاول ده اصلا

موضوع الكركره ده اعتقد من عوامله ( بنزين مصر المغشوش - طرق مصر التى لا تصلح للاستعمال الادمى ( ممكن توصل للتالت وقبل ما تبدأ تمشى عليه تلاقى نفسك مضطر تفرمل وتطلع من الاول فى دقيقه ومعتقدش انى فى شوارع فى الدنيا كلها زى بتاعتنا ) - اعصاب الانسان المصرى اللى طهقان من حياته وهوا بيسوق يا سرحان وهادى مع العربيه يا بيطلع غله فيها )

يا جماعه التقييم ده ياريت محدش يقول عليه عاطفى ومش عملى عشان فعلا فى عربيات حساسه زى ما الزملاء قالو ومحتاجه معامله مظبوطه 100 %
وبالنسبه لمواتير الهيونداى انا شايف انها اثبتت كفائه ( بره مصر ) نظرا لعد م توافر العوامل المذكوره اعلاه.

وشكرا

مش موضوع يابانى ... الكرسيدا اصلا 2400 سي سي ..يعنى هتسقف ازي اصلا على التانى ..حتى لو كانت واقفة ...

الوالد برضه معاه كرسيدا 93 و لما جه يسوق الفيرنا لاحظ حوار الكركرة ده لح ما تعود عليها ... منطقيا لأنها اضعف من الكرسيدا بكتير ..

**Anti_virus_abdo** · 31-10-2008 12:17 AM

المشاركة الأصلية كتبت بواسطة SuccessCre8or

مش موضوع يابانى ... الكرسيدا اصلا 2400 سي سي ..يعنى هتسقف ازي اصلا على التانى ..حتى لو كانت واقفة ...

الوالد برضه معاه كرسيدا 93 و لما جه يسوق الفيرنا لاحظ حوار الكركرة ده لح ما تعود عليها ... منطقيا لأنها اضعف من الكرسيدا بكتير ..

لا لا مش حوار ضعف
جرب و سوق ياريس مانوال (1300 سي سي) مش زي الفرنا حتي 1500 و 1600 و هتعرف انا بتكلم عن ايه