المساعدين ف الماتركس مشكلة كبيرة

**oousaoo** · 08-01-2009 12:08 AM

العيب ده ليس له علاقة بالعافشة ولا المساعديين ولا تربيط العربية العيب بيظهر كانه صوت طقطقة صاج في صدر العربية وخصوصا مع المطبات الخفيفة وهذا العيب بصراحة دوخ التوكيل ومحدش عارف ايه السبب ولكني لاحظت حاجة ان الصوت ده بيختفي في الايام الحارة والرطبة وارجعت السبب لنوع الكواتش البطاحات المقصات ممكن يكون بينشف مع البرد وممكن يكون ده السبب والله اعلم

**amrtalaat** · 08-01-2009 11:47 AM

ياريت لو حد عارف حل للموضوع دة يا جماعة يقولنا

**sh23** · 08-01-2009 03:39 PM

المشاركة الأصلية كتبت بواسطة oousaoo

العيب ده ليس له علاقة بالعافشة ولا المساعديين ولا تربيط العربية العيب بيظهر كانه صوت طقطقة صاج في صدر العربية وخصوصا مع المطبات الخفيفة وهذا العيب بصراحة دوخ التوكيل ومحدش عارف ايه السبب ولكني لاحظت حاجة ان الصوت ده بيختفي في الايام الحارة والرطبة وارجعت السبب لنوع الكواتش البطاحات المقصات ممكن يكون بينشف مع البرد وممكن يكون ده السبب والله اعلم

********
* ممكن يكون الكاسيت عاوز يتثبت كويس
* طبعاً ممكن تفتكرني بهزر ؛؛؛ لكن أحياناً ما تكون الأسباب هايفة جداً .
* يعني مثلاً من كام يوم وأنا ماشي كل شوية كنت بأسمع صوت غريب زي الطقطقة اللي أنت بتقول عليها ؛ وفي الآخر طلع السبب من النظارة أللي أنا شايلها في الجراب الموجود فوق المراية وبمجرد ما شيلتها راح الصوت.
------
جرب تشيل أي حاجة من درج التابلوة أو الأدراج الصغيرة الموجودة في السيارة وتتأكد من خلو السيارة من أي قطع صغيرة ( عملات معدنية + زجاجات أدوية + مفاتيح+مفكات+.... ) وما تحطش أي شيئ علي التابلوة وياريت تفصل الريموت عن المفتاح وتشيل الريموت في جيبك وتستعمل المفتاح بدون ميدالية.
بأختصار خلي العربية فاضية تماماً
وأمشي بالعربية شوية وشوف الصوت لو لسة موجود حاول تروح التوكيل بسرعة وخلي المهندس يركب معاك وسمعة الصوت

**COLDMAN** · 09-01-2009 04:08 PM

لأ اكيد انت بتهزر وكمان الأخ اللي قال ان ده ممكن يكون زلطه في الكاوتش ،، متهيألي انا مش بقول مشكله بالسذاجه دي ،، اسف في التعبير ،، لكن انا سمعت الصوت ده في معظم العربيات الماتركس اللي ركبتها ،، صوت تخبيط او خربطه في العجل الأمامي خصوصا ،، ومعظم الاحتمالات بتشير إلى المساعدين ،،

وشكرا لاهتمامكم ،، وارجو التواصل حول الموضوع

**oousaoo** · 09-01-2009 11:30 PM

لو خدت بالك معايا في الي انا كاتبته حاتقرا ان التوكيل داخ في هذه المشكلة وطلع معايا مهندس من التوكيل اكثر من مرة والصوت مش مجرد شخشخة حاجة مفكوكة او زلطة في الكاوتش ولكن صوت جامد زي مايكون راكب عربة قديمة عفشتها مفككة ورايحة في داهية وارجع اقول العيب ده له علاقة بدرجة حرارة الجو ياريت حد من المتخصصين يفيدنا

**amrtalaat** · 11-01-2009 05:08 AM

ماوصلتش لحاجة برضة!!!

**حماده المصري** · 11-01-2009 07:36 AM

كان في موضوع واحد اشتكى من صوت تخبيط في العجله اليمين وطلعت من بيض المقص الجلبه الي فيها مش كبيره تقريبا او اقل من انها تخمد الصوت

اشكف في التوكيل على الجلب كلها بتاعه المقص والميزان واقفش عليهم
في التوكيل وكمان اشكف على بطاحات المساعدين

والمساعدين عامه لو بايزه لما العربيه بتمشي بتبقى مش ثابته وبتخبط في كل النقر حتى لو شارع كويس

**COLDMAN** · 11-01-2009 10:58 PM

شكرا على الردود ومستني خبرات اهل الماتركس لغاية ما اروح التوكيل بعد اسبوعين في ميعاد الصيانة ،،

اي معلومات عن تخبيط الماتركس ده قولولنا عليه ونفيد بعض وشكرا

**sh23** · 12-01-2009 10:54 AM

المشاركة الأصلية كتبت بواسطة oousaoo

لو خدت بالك معايا في الي انا كاتبته حاتقرا ان التوكيل داخ في هذه المشكلة وطلع معايا مهندس من التوكيل اكثر من مرة والصوت مش مجرد شخشخة حاجة مفكوكة او زلطة في الكاوتش ولكن صوت جامد زي مايكون راكب عربة قديمة عفشتها مفككة ورايحة في داهية وارجع اقول العيب ده له علاقة بدرجة حرارة الجو ياريت حد من المتخصصين يفيدنا

المشاركة الأصلية كتبت بواسطة COLDMAN

شكرا على الردود ومستني خبرات اهل الماتركس لغاية ما اروح التوكيل بعد اسبوعين في ميعاد الصيانة ،،
اي معلومات عن تخبيط الماتركس ده قولولنا عليه ونفيد بعض وشكرا

********
*أظن لو العيب يالوصف اللي أنت ذكرته فلا ينبغي الإنتظار أسبوعين ويبقي لازم تروح التوكيل في أقرب فرصة بدون إنتظار موعد الصيانة الدورية
* ولو مصر علي الإنتظار أسبوعين يبقي علي الأقل لازم تربط العفشة وتكشف علي الكاوتش وأعمل ترصيص وضبط زوايا
* وبالمناسبة ممكن تقول لنا العربية موديل سنة كام وعاملة كام كيلو

**COLDMAN** · 12-01-2009 04:51 PM

العربية موديل 2008 وعاملة 18000 تقريبا دلوقتي يعني لسه جديدة

الموضوع: المساعدين ف الماتركس مشكلة كبيرة

LinkBack

أدوات الموضوع

عرض

-

-

-

-

المواضيع المتشابهه

مشكلة كبيرة في a11

مشكلة كبيرة ياجماعة

مشكلة كبيرة

مشكلة كبيرة :(

مشكلة مع جيربوكس الماتركس الاوتوماتك

الكلمات الدلالية لهذا الموضوع

المفضلات

المفضلات

ضوابط المشاركة