حسبى الله و نعم الوكيل

**KHALED AYMAN** · 31-12-2008 08:22 PM

النهارده كنت رايح كورس فى طنطا بس مكانش معايا العربيه عشان مسافره تبع الشغل .
المهم فى طريق بين حته اسمها المرشحه و كليه تجاره (الطنطاويع عارفينه)الطريق ده مش متسفل و مش كتير بيمشو عليه و شبه مهجور من المنازل و فيه اراضى فاضيه كتير انا ماشى لقيت واحد بيقولى الساعه كام قلتله ممعيش ساعه لقيته فتح سكينه كبيره و قالى طلع الموبايل بصيت ملقيتش مخلوق ماشى غيرى فى الشارع و كان معاه واحد صاحبه وقف ورايا عشان مجريش اديته الموبايل راح خابطنى بالسكينه فى دراعى بس الحمد لله محصليش حاجه و طلع جرى فى الاراضى الفاضيه و المفروض ان فى دوريه شرطه بتلف على رجليها فى الطريق ده طبعا اعدين بعيد و ملهومش دعوه بحاجه روحتلهم جم معايا ندور عليه و طبعا اختفى اعدنا ندرو فى المنطقه دى ساعتين و ملوش اثر فى الاخر قالولى ربنا يعوض عليك !!!!!!!!!!!!!!!!!!
الموبايل فى داهيه و كان 6120 كلاسيك بس الى يضايق انه اتاخد غصب عنى و كمان بسبب تكاسل بتوع الدوريه و كمان بعد مخد الموبايل ضربنى بالسكينه .
يا ريت لو حد يعرف طريقه اجيب بيها الموبايل او تمنه او اى حاجه يقولى و لو طلعت شريحه تانيه هتبقى بالارقام الى كانت عليها ولا لأ.
فى الاخر انا هقول حاجه واحده بس (دعوه المظلوم مجابه) ربنا يبتليه بمصيبه تخلصلى حقى منه و انا مش هسامحه ليوم القيامه .

**Busquets** · 31-12-2008 08:35 PM

ربنا يعوض عليك

بلغ عن الموبايل و بالسيريال نمبر يتجاب

دا اللى كان بيحصل مش عارف هل تغير هذا النظام ام لا!

بالنسبة للنمر مش عارف بس اظن ان الكارت الجديد لن يكون عليه اى نمر !!

بالنسبة للموقف فهو سئ جدا!! و الحمدلله انها جت فى الموبايل و ما ضربكش بالسكينه جامد!

الموبايل فى داهيه المهم انت سليم

ربنا معاك

**KHALED AYMAN** · 31-12-2008 08:44 PM

المشاركة الأصلية كتبت بواسطة Busquets

ربنا يعوض عليك

بلغ عن الموبايل و بالسيريال نمبر يتجاب

دا اللى كان بيحصل مش عارف هل تغير هذا النظام ام لا!

بالنسبة للنمر مش عارف بس اظن ان الكارت الجديد لن يكون عليه اى نمر !!

بالنسبة للموقف فهو سئ جدا!! و الحمدلله انها جت فى الموبايل و ما ضربكش بالسكينه جامد!

الموبايل فى داهيه المهم انت سليم

ربنا معاك

الحمد لله تشكر على الرد انا ان شاء الله هسال فى موبينيل و اشوف .
هو السيريال نمبر ده بيتجاب منين؟

**wesam_salom** · 31-12-2008 08:46 PM

ربنا يعوض عليك
والحمد لله انك سليم

بس فعلا المكان ده وحش جدا
حتى احنا فى طنطا مبنحبش نعدى منه الا بالنهار
لانه بين الاراضى الزراعيه الخاصه بالمدرسه الثانويه الزراعيه

بس لازم تبلغ علشان يشددوا الامن هناك

**Busquets** · 31-12-2008 09:28 PM

بيبقى فى علبة الموبايل على ما اظن

**KHALED AYMAN** · 31-12-2008 09:32 PM

المشاركة الأصلية كتبت بواسطة mobitek

ربنا يعوض عليك
والحمد لله انك سليم

بس فعلا المكان ده وحش جدا
حتى احنا فى طنطا مبنحبش نعدى منه الا بالنهار
لانه بين الاراضى الزراعيه الخاصه بالمدرسه الثانويه الزراعيه

بس لازم تبلغ علشان يشددوا الامن هناك

منا فعلا ناوى ابلغ عشان يتشدوا و يشوفو شغلهم .بس انا بعدى من الطريق ده لان الكورس بتاعى فى اخره جمب تجاره بالظبط

**KHALED AYMAN** · 31-12-2008 09:33 PM

المشاركة الأصلية كتبت بواسطة Busquets

بيبقى فى علبة الموبايل على ما اظن

اف شكر يا باشا هشوفه و عمل البلاغ ان شاء الله

**wesam_salom** · 31-12-2008 09:43 PM

المشاركة الأصلية كتبت بواسطة venus-doom

الحمد لله تشكر على الرد انا ان شاء الله هسال فى موبينيل و اشوف .
هو السيريال نمبر ده بيتجاب منين؟

ده انا ممكن افيدك بيه

السريال ده على علبه الموبايل

انت هتطلع الاول على قسم تانى ده فى شارع الجلاء
هتعمل بلاغ عن السرقه بالاكراه وتديهم مواصفاتهم
هتاخد رقم المحضر وتطلع على مباحث الاتصالات فى محطه القطر فى طنطا الدور الرابع هتديهم رقم المحضر وتعمل محضر
وهما هيحولوه للنيابه والنيابه هتعمل امر بالتتبع لموبينيل وفودافون واتصالات
خد رقم المحضر وانت هناك وهديك رقم واحد ممكن يساعدك فى سرعه التتبع ولو جاب لك البيانات ابقى راضيه
هيجيب لك البيانات تطلع على النيابه تديهالهم (مع ان ده شغلهم)بس علشان ميركنوهوش
هيروحوا يجيبوا اللى معاه الموبايل من بيتهم ولو كان شاريه هيقولهم هو شاريه من مين
وربنا يعوض عليك لو مجاش بس على الاقل تحاول ولو معاك واسطه فى القسم هيعمل لك محضر سرقه بالاكراه حلو هيخلى النيابه تستعجل الاجراءات
مش المهم الموبايل المهم تحس انك خدت حقك

اى طلب انا موجود

**MohaMed_Refaat** · 31-12-2008 09:50 PM

السيريال بيبقى فى ضهر الموبايل وممكن تجيبة من الموبايل نفسة بالضغط على *#06# حيضهرلك الرقم المسلسل بس انت بتقول الموبايل ضاع الف حمد الله على سلامتك يا باشا والحمد الله على كل حال معلش هى طنطا فيها حتت مقطوعة كدة بس انت فى سنتر صلصة موش كدة ممكن تمشى من ش الحلو تخدة لاااااخرة تطلع على شارع المرشحة بدل الحتة المقطوعة دية انا موش بمشى منها ابدا لا بالعربية ولا برجلى ولا حتى بالنهار والف حمد الللة على سلامتك تانى يا باشا .

**Hany A Fattah** · 31-12-2008 09:56 PM

مش مهم الموبايل المهم انك انت كويس الحمد لله

الموضوع: حسبى الله و نعم الوكيل

LinkBack

أدوات الموضوع

عرض