هل نمرة سيارة 5 أرقام ما بتاخدش مخالفة !!

**ehabspc** · 31-12-2008 10:31 PM

السلام عليكم و رحمة الله

أخوكم اشترى عربية من شهرين كدة و هى ملاكى اسكندرية 5 نمر مديرية لأن صاحبها كان أجنبى

النمر من الشمال 250 و بعدين رقمين و لانى و لله الحمد متواضع و عمرى ما كنت باشا و لا اعرف اعمل كدة يعنى أقول للراجل لى فى البنزينة يا عمى و لو شاب يبقى معلمى و الراجل منادى السيارات فى مقام والدى و الحياة حلوة الحمد لله

لغاية ما كنت راجع من الطريق الصحراوى و الشيطان وازنى مشيت 120 / 130 و حسيت انى اتصورت رادار
و فى الكمين بعد ما شاورولى انى أقف و خلاص قولت ربنا يستر و عليه العوض آدى آخرة المشى الغلط

لقيت العساكر الى فى الكمين بيقولولى اتفضل يا باشا عدى مكدبتش خبر و شاورتيلهم شكرا و زى ما أكون بقولهم الله ينور و كملت طريقى الحمد لله

اللى أنا بس نفسى أعرفه معنى النمر دى إيه

يعنى مثلا لو عربية 4 نمر
او 5 نمر زى حالاتى 250xx يعنى مثلا لو وقفت فى الممنوع مش حتكلبش؟؟

انا مرة شوفت الظابط بيكلبش عربية واقفة فى الممنوع عشان نص نقل و وراها بى إم مجاش جنبها

يا ريت إخوانا أصحاب الخبرة يردوا عليا

و كل سنة و انتم طيبين

**Abdo_Eldesokey** · 31-12-2008 10:45 PM

متهيألي يا باشا الموضوع أكيد مش نمرة لأن خمس أرقام مش مميزة للدرجة ، أكيد فيه سبب تاني

**ehabspc** · 31-12-2008 10:55 PM

متشكر أوى لحضرتك

بس و الله انا مش باشا

أنا عارف طبعا إن الموضوع مش النمر هوة ستر ربنا حده

بس كان نفسى أفهم إيه مدلول النمر دى عند المرور؟

**د-احمد عبد اللطيف** · 01-01-2009 01:40 AM

على فكرة مصطلح نمر مديرية محدش هيفهمه كتير غير بعض الاسكندرانية
وهو يعني ان السيارة تتبع ادارة المرور الرئيسية في الاسكندرية واحنا بنقول عليها مديرية لان في اقسام مرور اخرى مثل محرم بك وابيس(سموحة).
وطبعا كل انسان بيرخص حسب محل اقامتة غير الاجانب وهيئات خاصة اخرى بيكون ترخيصهم تابع للمديرية

**Sharky** · 01-01-2009 11:16 AM

النمرة إللى بتبقى 5 أرقام مش نمرة مميزة
أكيد إنت عديت من الكمين لإن وقت ما عديت على الرادار ماكنتش عديت السرعة 100 كم او إنه ماكنتش كمين رادار اصلا

و النمر مالهاش علاقة بالمخالفات

**1.8Tee** · 01-01-2009 12:03 PM

طب لو تلات أرقام و ملاكى القاهرة

**محمد ابراهيم 1** · 01-01-2009 01:23 PM

جميع اللوحات المعدنيه بتاخد مخالفات وأعرف ناس معاهم 3 أرقام وبيدفعوا بلاوى لأن النمره أصلا سهله فى أخذها
لكن مش كله بيدفع
ولا كله بتتسحب رخصه

**Rembrandt** · 01-01-2009 01:35 PM

والله كل شيء ممكن فى مصر

**mr_kenawy** · 01-01-2009 04:19 PM

انا اعرف ناس بتجيب وسايط علشان تاخد نمر كبيرة علشان محدش يعرف يلقطها.

**Abdo_Eldesokey** · 01-01-2009 05:49 PM

المشاركة الأصلية كتبت بواسطة د-احمد عبد اللطيف

على فكرة مصطلح نمر مديرية محدش هيفهمه كتير غير بعض الاسكندرانية
وهو يعني ان السيارة تتبع ادارة المرور الرئيسية في الاسكندرية واحنا بنقول عليها مديرية لان في اقسام مرور اخرى مثل محرم بك وابيس(سموحة).
وطبعا كل انسان بيرخص حسب محل اقامتة غير الاجانب وهيئات خاصة اخرى بيكون ترخيصهم تابع للمديرية

معلومة جديدة ... متشكر جدا ً على التوضيح

الموضوع: هل نمرة سيارة 5 أرقام ما بتاخدش مخالفة !!

LinkBack

أدوات الموضوع

عرض

هل نمرة سيارة 5 أرقام ما بتاخدش مخالفة !! - انشر الموضوع فى :

-

-

-

-

-

المواضيع المتشابهه

أرقام الحجز عند عصام صفا ؟؟؟

أرقام مرعبة

أرقام أوناش قطر السيارات

هل ممكن أبلغ الكمين عن سيارة اخري مخالفة و يصدقوني و يتخذوا معها اجراء ؟؟

الكلمات الدلالية لهذا الموضوع

المفضلات

المفضلات

ضوابط المشاركة