اسئلة بخصزص الماروتى والتو فهل من مجيب ؟

**sherifhamdy2000** · 02-01-2009 01:55 PM

حاولت العثور على مقارنة بين السياريتين التو ومارتو ولم اجد على الموقع ( وربما اسات البحث ) لكن النتيجه انى لم اصل لما اريد

انا ارغب فى شراء سيارة رخيصه ومعقوله ووجدت ان احدهما هى الانسب لكنى سمعت الكثير عنهما مما اصابنى بالتردد

فمثلا انا فهمت ان الماروتى والالتو 800 س س لكن رغم هذا فالالتو اكثر توفيرا فى البنزين ويقال ان هذا بسبب نوع الموتور ( حقن وقود ) فهل هذا صحيح وهل هو توفير حقيقى ولا كلام بسيط لا يستحق الفارق فى السعر ، بمعنى ان التوفير فى الاستهلاك للوقود يفرق فعلا مش مجرد فرق رقمى ضئيل

ثانيا لاحظت ان الاخوه يتحدثون عن استهلاك الماروتى للبنزين انه حوالى 220 - 250 تقريبا فى الصفيحه فى المتوسط ووجدت ارقاما مشابهه فى معظم السيارات الاكبر مثل اللانوس و الفيتارا ... الخ اليس هذا امرا غريبا ان تستهلك سيارة 800 سى سى نفس البنزين تقريبا الذى تستهلكه سياره 1500 سى سى ، فلو ان الامر كذلك تكون اللادا افضل بكثير من الماروتى والالتو معا

ثالثا امر محير اخر ، فاذا كان المرور لا يسمح بسرعه اعلى من 100 كم فان الماروتى مثلا ستكون مثاليه للغايه لان السرعه المناسبه لها فى المتوسط حوالى 80 - 90 كم دون ارهاق او ضغط على موتورها وهذا مناسب لقوانين المرور فى مصر وارى انه لا فائده حقيقيه من سيارة عدادها حتى 180 او 200

رابعا قطع الغيار سمعت ان الماروتى متوفرة ورخيصه جدا اما الالتو فسمعت انها غاليه وقليله ( لا تتوفر الا فى التوكيل ) فهل هذا صحيح ، وهل هى غاليه الى درجه سخيفه يعنى ياريت المقارنه بين السيارتين بامثله فى هذه النقطه يعنى مثال سعر الفانوس الامامى فى الماروتى كذا وفى الالتو كذا

خامسا من الغريب انه رغم ان كلتا السيارتين 800 سى سى فان الالتو يركب فيها تكييف دون مشاكل او اعتراض ، اما الماروتى فيقول الكثيرين انه يرهق موتورها رغم انه نفس السعه اللتريه ؟؟ فلماذا ؟

اشكركم واتمنى منكم مساعدتى

**sherifhamdy2000** · 02-01-2009 02:25 PM

اسف لقد نسيت استفسارا اخير

بخصوص الصيانه ، سمعت ان الماروتى يسهل اصلاحها عند اى ميكانيكى ، والالتو عادة يصعب اصلاحها الا عند قلة من الميكانيكيه او عند التوكيل فقط فى كثير من الاحيان
فما هو مدى سهولة الصيانة خارج التوكيل بينهما

**tamercc84** · 02-01-2009 09:08 PM

انا هاحاول افيد على قدر علمى و لو احد الساده الزملاء عنده اضافه او تصحيح لكلامى يبقى احسن كتير
بالنسبه للسؤال الاول:طبعا لما العربيه تبقى انجيكشن لازم تبقى اوفر فى البنزين وممكن تدخل على موقع الشركه عشان تعرف ال standard بتاع كل عربيه اما الاستخدام الفعلى فبيختلف من واحد للتانى او استخدام للتانى فبالنسبه للماروتى المتوسط بالنسبه لكذا واحد من 13 الى 15 كيلو فى اللتر اما الالتو فنتمنى نستفيد من خبره الزملاء في استهلاكها
بالنسبه للسؤال التانى :الماروتى بتاكل اقل من اللانوس و اللادا و بالنسبه للجراند فيتارا بتاكل لتر كل 8.9 كيلو ودا ال1600ال3باب موديل 2008
بالنسبه للنقطه الثالثه :طالما انت مش عايز تتجاوز السرعه يبقى اهنئك و نتمنى كل الناس تبقى كده واولهم انا و ربنا يسترها بس
لما ينزل عربيه اخرها 100 كيلو مظنش اصلا ان حد هيبصلها او يشتريها من اساسه(الا قليلا)
رابعا نقطه قطع الغيار هيه فعلا رخيصه فى الماروتى بس الالتو نتمنى يفيدنا حد من اللى عندهم خبره اكتر منى فيها مع مقارنه الاسعار
خامسا:العربيتين طالما فيهم التكييف المناسب يبقى مفيش مشاكل خالص ولا ارهاق ولا حاجه فيما عدا التحميل الطبيعى اللى على اى عربيه مكيفه
و الالتو اساسا بينزل منها موديل 800 بدون تكييف و 800 بتكييف دا غير ال1100 الكامله طبعا و رأيى الشخصى ان الالتو شكلها احسن نوعا من الماروتى و اوسع سنه صغير ممكن تكون مش محسوسه بس لو اشتريتها اشتريها مكيفه عشان لو مش مكيفه يبقى تجيب الماروتى احسن و انت اولى بفرق السعر
خامسا:بالنسبه للصيانه فعلا الماروتى تتصلح بسهوله عند الميكانيكى بس خلى بالك انك راكب عربيه جديده يعنى لازم ميكانيكى شاطر اما صيانه و قطع غيار الالتو نستفيد احنا الاتنين من الزملاء فى النقطه دى
والسلام

**D . a .\ AYMAN** · 06-01-2009 11:36 PM

أولا : أعتقد إن الفارق بين الألتو والماروتي في استهلاك البنزين لن يكون فارقا كبيرا

ثانيا : إستهلاك الالتو عندي بيعمل على الأقل 300 كيلو في الصفيحة لما بكون مشغل التكييف وكل السواقة جوة البلد ... بتزيد لـ 330 - 350 في الأحوال المنضبطة

ثالثا : والله دي حاجة ترجعلك إنت لأن السرعة مش كل حاجة في قوة العربية على تحمل الوزن الزائد وشيل الأحمال ووسع المساحة الداخلية وفي نفس الوقت تنطلق بسرعة كويسة

الالتو ممكن تديك سرعة كويسة لو لوحدك (أنا بمشي 150 ساعات) ... لكن لو محمل بجد هاتحس إن العربية تقيلة وده اللى هايفرقها عن الـ 1600 سي سي مثلا

رابعا : قطع غيارها متوفر برضه بإذن الله ... لكن هية فعلا أقل من الماروتي وأغلى بعض الشي لكن مش قوي يعني

خامسا : الماروتي برضه كانت بتنزل بتكييف زمان ولغاية دلوقتي بتنزل بالتكييف برة ... لكن معرفش ليه الوكيل دلوقتي مابيجيبش ماروتي مكيفة

**y_omran** · 07-01-2009 10:31 AM

انا شايف انك تجيب التو تكييف افضل حيث ان قوة الموتور اعلى 45 حصان تقريبا للالتو 800 مقابل 37 حصان للماروتى
- الالتو اجمل شكلا
- الالتو اوسع
- الالتو استهلاكها معايا 15 كم فى اللتر وسط البلد و من 15- 18 كم فى الامور العادية (وسط البلد + سفر )
تحياتى و تمنياتى بالتوفيق