الموضوع: ## صيــــــانــة مش جــايــبــه هـــمـهـا 420 جنية فى الهـــوا ##

420 جنية دة هو سعر صيانة ال 10.000 كيلو متر للهيونداى النترا 2008 متضمنة الضريبة . هى اساسا فى الاصل 390 جنية صافى بدون ضريبة تعالوا نحلل بقى ال 420 جنية دول عملوا بيهم اية (انا دخلت جوا فى مركز صيانة قليوب وتابعت اللى بيعملوه) اولا تم استلام العربية وتحديد المشاكل او بمعنى اصح الملاحظات وتم تسليم العربية الساعة 2 الا ربع وتم تحديد ميعاد التسليم 4 (يعنى ساعتين وربع انتظار مبدئى) :K_crying[1]: وقالولى انتظر فوق قولت لا بقى مبدهاش لازم اشوف هيعملوا اية بال 420 جنية دول واللى هياخد منهم ساعتين وربع انتظار) المهم لقيت العربية جابوها من الاستهبال عفواااا قصدى الاستقبال وسابوها لحد ما ميكانيكى عبرها وبدأ فيها وهو ما أخد الربع ساعة الاولى من الانتظارعلما بأنى كنت اول واحد فى الصف واليوم دة التوكيل كان فاضى بطريقة غريبة يوم 1/1 اللى حصل بقى فيها هو كالأتى :
1 # العربية اترفعت وتم تربيط العشفة اللى هى اساسا 6-8 صواميل يعنى التكلفة حوالى 10 جنية برة .
2 # فكوا الكاوتشات وبصوا ع التيل والطنابير و المساعدين وربطوها تانى نقول 10 جنية تانى .
3 # نضف فلتر التكييف + فلتر الهوا اللى انا اساسا منضفة نقول 20 جنية .
4 # دخل جوا العربية وقعد يلعب شوية فى الانوار و شغل المساحات وسلك رشاش المية اليمين بدبوس يعنى نقول 10 جنية كمان .
5 # غسل الموتور بميه وغرقوا وغرق الكنترول يونيت لدرجة انى زعقتلة قولتله الكنترول يونيت المفروض ميجيبش عليه مية قالى منا بنشفة اهوه بالهواء وزود مية المساحات بمية عادية مع انى مزودها هو خلاها تعدى ال max . نقول 10 جنية كمان
6 # راح ظبط زوايا لانى كنت قايلهم من صيانة ال 1000 العربية فيها حدفة وهما يقولولى الدركسيون الكهرباء هو كدا المهم ظبطوا زوايا وزود الكاوتش لانة كان نايم شوية وكنت مضطر مع ان الكاوتش منفوخ نيتروجين بس مضطر بقى يعنى نقول 30 جنية .
7 # اخيرا وليس اخراُ بعد ماسابو العربية ومفيش حد معبرها ورحت جبت واحد يكمل الصيانة كانت اخر خطوة وهى ظبط الموتور اليكترونياااااااااااااا واتكوا على كلمة الكترونيا دية وصل جهاز قد الكتاب كدا بمخرج اسمة OBD-II موجود تحت الدركسيون واختار موديل العربية وسنة الصنع و خلاص الموتور اتظبط !!! نعم ياعمو اه والله يابنى اتظبط قولتله ازاى قالى اللى يقولك ان هظبطلك الموتور يبقى بيكدب عليك قالى الجهاز بيعمل كلو الموضوع دة مخدش دقيقة لدرجة انى كنت شاكك الراجل فهمنى بقى هو بيختار موديل العربية وسنة الصنع و بيعمل ريسيت و بيشوف بعد الريسيت فية ايرور مسج ولا لا وورانى ان مفيش ايرور مسج وقالى خلاص كدا يبقى مظبوط يعنى نقول ظبط الموتور 30 جنية .
وهو دة اللى اتعمل فى صيانة ال 10.000 لو جمعنا اللى عملوه هنلاقية لو اتعمل برة هيتعمل ب 120 جنية بالكتير وهما حاسبينة ب 420 بدون تغيير زيت ولا فلتر يعنى فرق 300 جنية بالميت ( لانى بصراحة حرمت اغيرة عندهم بقيس الزيت بلاقية اكتر بكتير من العلامة ) ..
المهم بقى المصيبة الكبرى روحت ادفع الفلوس ومحضر ال 420 و شبة عايز احطهم تانى فى جيبى لانى مستخسرهم فى اللى اتعمل . لقيت الصدمةةةة بيقولى المبلغ النهائى 478 جنية طبعا الصفات السيئة اللى فيا كلها طلعت مرة واحدة وشبة كنت هجيب المحاسب من زمارة رقبته بس وعيت انو ملوش زنب وقولتله ليه نعمممممم ليه 478 جنية قالى يافندم انت فية قطع غيار زيادة قولتله قطع غيار اية بالصلاه ع النبى قالى مممم حضرتك طالب ظبط الزوايا ودية بالطلب قولتله المشكلة دية فى العربية من صيانة ال 1000 والمفروض تبع عيوب الصناعه و المهندس تحت قولتله وحددلى التوتال ب 420 وكاتب فى الملاحظات حدفة يمين (ظبط زوايا) بين قوسين ومكتوب شرط فى حين تجاوز التكلفة التقريبية ال 15 % المفروض تعلمونى بالزيادة وتقولولى انها هتكلفك فلوس زيادة واقبل او ارفض بعدها قولتله بص مش دافع وفين المدير المهم نزلت للمدير وزعقت وقولتله مش كفاية اللى اتعمل ميجيبش مية جنية ومديكم ال 420 ومتأذى لا كمان تخلوها 478 جنية يعنى حوالى 60 جنية ظبط زوايا ليييية المهم من هنا لهنا جابلى خصم ب 61 جنية ع المبلغ وخصملى تمن ظبط الزوايا واصبح المبلغ النهائى 416 جنية ........

((المفروض اساسا الاسعار تبقى رمزية طالما مفيش تغيير قطع غيار واسعارالظبط تبقى عليهم علما بان سعر العربية كان داخل جواها تقريبا حوالى 7000 جنية تمن ضمان وصيانة لدى الوكيل يعنى الواحد كان يجيبها خليجى بقى احسن واوفر))

دية حكايتى مع صيانة ال 10.000 كيلو لدى مركزصيانة غبور فرع قليوب

المشاركة الأصلية كتبت بواسطة theking2690

+11111111111

هو ده العرض يعنى حضرتك هتعمل صيانة ال15000 ببلاش انا لسه عامل صيانة ال10000 انهارده برضه ودفعت 420 جنيه وقالولى ان كده صيانة ال15000 ببلاش

يعني هو بياخد حق الصيانتين ال 10 وال 15 مقدم