الموضوع: الى كل مهتم بفرامل اللانسر والتيل الاصلى والتقليد

المشاركة الأصلية كتبت بواسطة gama667

نصيحة لوجه الله ابعد خااااااااااااااااااالص عن التيل التركى والبيشر ده بالذاااااااااااات انا متعقد منه جدااا وهو اللى بوظلى الطنابير عندى وانا غلطت نفس غلطتك وجبته قلت اهو ارخص من التيل الاصلى والنتيجة ان دلوقتى الطنابير بايظة خالص وحتى ماينفعش تتخرط لازم تتغير
اوعى تستخصر التيل الاصلى فى العربية وسيبك من صوت الصفارة اعمل نفسك مش سامع ارحم من لما الطنابير لا قدر الله تبوظ نصيحة بجد فك التيل البيشر ده عشان والله سىء جدا وبوظ لى الطنابير وركب الاصلى احسن

شكرا لنصحتك يا باشا وانا فعلا عملت زى ما حضرتك قولت وركبت الاصلى وفكيت التركى بس التيل الاصلى اللى مكملش 3000 كيلو بيصفر برضوا مع انى خرط الطنابير فمش عارف ازاى؟؟؟ وهى الطنابير ممكن لما اعمل كام الف كيلو كمان واغير التيل اخرط الطنابير تانى والا هى بتتخرط مره واحده بس؟؟؟؟؟

فين والنبى الراجل المحترم اللى فى 6 اكتوبر انت مقلتش عليه

انا التيل بتاع عربية والدي لانسر 2007 بيصفر من ساعة ما اشترى العربية من سنة...من شهربن رحنا غيرناه في التوكيل برضه بيصفر...ألأظرف من كده رحت استلم عربية لانسر 2009 الشكل القديم بتاعة واحد صاحبي من دفعة اللانسر بتاعة الجيش...العربية لسه بأكياسها ومش عاملة عشرة كيلو بالعدد واول ما طلعت وفرملت لقيت التيل بيصفر..موضوع مالوش حل...

مش قادر أفهم هو مصتع ميشويشي بجلالة قدرة مش قادر يحل مشكلة هايفة زي كده على مدى السنين دي كلها إزاي؟؟؟؟؟؟؟؟؟؟؟؟

السلام عليكم يا رجالة،انا بقى غيرت تيل قدام على 9000 كان اسبانى و بعد كده الفرامل وطيت و كانت فى النازل،روحت مغير تيل و طنابير على 15000 فى التوكيل و الفرامل برضه مرجعتش زى ما كانت و روحت مغير تيل على 23000 نوعه تركى Beser و ده اوسخ تيل ركبته فى حياتى و لسه عامل حادثة بيها،دوست فرامل جامد و العربية كانت بتزخف زحف مش طبيعى و أنا مش عارف أعمل ايه الفرامل مش عايزة تتزبط خالص و كل شوية فى النازل مع العلم ان انا بجرى جرى جامد و محتاج الفرملة الكويسة يا جدعان و التوكيل انا حاسس انهم نصابين و بيركبه اى حاجة و السلام و بجد العربية اصبحت فى النازل لدرجة انى عايز ابيعها،اهم حاجة فى العربية الفرامل دى حياة بنى ادمين،فحد يقولى اعمل ايه اروح توكيل ولا اروح الحرفيين ولا ازبط الفرامل ازاى و ليه الفرامل وطيت اوى كده دى كانت بتوقف عسل اوى ما شاء و هى فى الأول،معلش يا جدعان طولت عليكو بس انا بجد تعبت و زهقت من الحوار ده....