تم حذف المشاركة لاستخدام اللغة العربية بحروف انجليزية
راجع قواعد المنتدى
ط م -1
رقم العضوية : 2242
تاريخ التسجيل : 19Sep2007
المشاركات : 803
النوع : ذكر
الاقامة : egypt,cairo,sa3d zaglol
السيارة: skoda octavia a5 manual 2008
السيارة[2]: mitsubishi lancer 2006 1.6auto
الحالة :
من شهر وبتاريخ 28-11-2008
روحت توكيل ميتسوبيشى لحل المشكله اللى تقريبا موجوده عند معظم ملاك اللانسر وهى صوت صفاره عاليه ومزعجه جدااااااا مع الفرمله بالرغم ان التيل اللى كان فيها كان بتاع الفبريكه وكانت ماشيه 25 الف كيلو المهم المهندس قالى مش محتاج يتغير ده يتصنفر ويشتغل فتره قولتلوا لا غيره وخلاص وبالفعل تم تغيره بتيل اصلى وكان سعره 325 جنيه ولونه ازرق ومكتوب عليه ماركه او اسمه sumitomo
وسالت وهو بيركب التيل الطنابير فيها حاجه لا الطنابير سليمه وتمام اوكى راكب التيل والمفاجاءه بعد اسبوع الفرامل بتصفر تانى روحت راح مصنفر التيل والطنابير وراح الصوت واول امبارح رجع الصوت تانى عالى علما الصيانه كانت فى فرع ميتسوبيشى اللى فى بنزينه موبيل اللى امام محطه مترو المعادى مباشره وكده التيل مكملش ال 3000 كيلو والنهارده بعد صلاه الجمعه روحت لميكانيكى معرفه واحد قريبى فك وطلع التيل بيقولى ده ناعم ووحش علشان كده بيصفر اقوله ازاى ده اصلى وتمنه كذا يقولى لا فى نوع تركى كويس انا بستخدمه على طول حركبه وتشوف وفعلا اشتريت التيل ده وكان تمنه 55 جنيه وصناعه تركى وماركه اسمه beser
وطلع يجرب معايا بصراحه والا صوت والا الهواااا راحه اعصاب فزيعه بس المشكله ان حاسس ان الفرامل بقيت اضعف بس هو قالى لسه التيل لما يطبع حتبقى تمام فكنت عاوز اعرف من حضرتكم ايه رائيكم فى الكلام ده مع العلم ان فى التوكيل قالوا ان التيل بيصفر علشان الطنابير عاوزه تتخرط والميكانيكى قالى الطنابير فبريكه وتمام اوعى تخرطها ده من التيل وفعلا كلام مقنع علشان لو عاوزه تتخرط كانت صفره مع التيل التركى ده والا ايه؟؟ ودلوقتى انا ارمى التيل اللى جايبه من شهر ب 325 وسمعت ان غلى بقى ب 425 ومكملش 3000 كيلو والا اركبه واخرط الطنابير والتيل التركى ده لما يطبع حيمسك حلو والا ايه النظام وحيطبع امتى؟؟ وانا شوفت فى المنتدى سحب الهوا من الفرامل ازاى اعمل كده ومين اللى بيعملها ودى بتتعمل ازاى ولما يحصل ايه؟؟؟ معلش يا جماعه صدعتكم من الرغى الكتير ده بس انا اهم حاجه عندى فى العربيه الفرامل وبجد الموضوع ده مجننى ومعكنن عاليا جامد وغلبت مع الفرامل ومش عارف اعمل ايه؟؟؟
رقم العضوية : 17908
تاريخ التسجيل : 04Sep2008
المشاركات : 101
النوع : ذكر
الاقامة : cairo
السيارة: mitsubishi lancer99
السيارة[2]: vw beetles
دراجة بخارية: no
الحالة :
تم حذف المشاركة لاستخدام اللغة العربية بحروف انجليزية
راجع قواعد المنتدى
ط م -1
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
انا بشتري التيل ب 75 حنيه و بركبه عند الميكانيكي بتاعي
لانسر 1993
ولا بتصفر و لا خفيفة و كله تمام
التوكيلات كلهم نشالين و أرحم واحد فيهم حرامي
رقم العضوية : 2242
تاريخ التسجيل : 19Sep2007
المشاركات : 803
النوع : ذكر
الاقامة : egypt,cairo,sa3d zaglol
السيارة: skoda octavia a5 manual 2008
السيارة[2]: mitsubishi lancer 2006 1.6auto
الحالة :
طيب يا جماعه مع التيل التركى الجديد العربيه مش بتصفر وديه حاجه جميله جدااااااااا بس بقى فى التيل القديم كنت بلمس كانت بتقف يعنى مش لازم ادوس جامد على الدواسه لكن فى التيل الجديد مشوار الدواسه زاد وبقى لازم ادوس على الدواسه وانزل بيها لنص المشوار علشان تفرمل فالكلام ده عيب ايه وايه حله وايه موضوع تفريغ الهواء ده؟؟؟ وايه موضوع خرط الطنابير ده؟؟؟
رقم العضوية : 388
تاريخ التسجيل : 30Apr2007
المشاركات : 5,576
النوع : ذكر
الاقامة : Port Said
السيارة: N/A
السيارة[2]: BMW 330i
دراجة بخارية: N/A
الحالة :
رقم العضوية : 79
تاريخ التسجيل : 22Apr2007
المشاركات : 9,737
النوع : ذكر
الاقامة : بنــهــا
السيارة: Perodua Kancil 1998
السيارة[2]: NIssan Qashqai 2014
الحالة :
أنا معنديش المشكلة خالص من أول ما جبت العربية ولصيانة ال 20 ألف ، شافوا التيل وقالوا لى يتغير فغيرته وخدت القديم لقيته يشتغل كمان شوية فركبته تانى لحد 30 ألف من غير ما تصفر وبعدين غيرته بمزاجى من غير أى صفارة ، ودلوقت الجديد معايا 9000 كم وزى الفل
طالما الصوت بيروح مع التنظيف تبقى تحاول تعرف هو بيتوسخ من إيه؟ طريقة غسيل العربية وللا الطريق وللا طريقة السواقة؟ حاول تفكر فى الموضوع ده وسيبك من التيل التركى دا واللى وصفهولك
[aldl]http://www.jewelsf.com/up/uploads/542f6eee3a.gif[/aldl]
وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرينDr Ahmed AbdelghanyENT,H&N consultant - Benha University
my website: www.drahmedclinic.com
رقم العضوية : 2094
تاريخ التسجيل : 08Sep2007
المشاركات : 205
النوع : ذكر
الاقامة : Sinai
السيارة: lancer+Golf4
السيارة[2]: Lanos+504
دراجة بخارية: لا املك يابشر
الحالة :
والله انا لى حكاية مع التيل انا غيرت التيل 3 مرات فى شهرين وخرطت الطنابير مرتين مع العلم ان الخراطه الاولى كانت من كتر مالواحد مش فاهم ايه المشكله والتيل الاول والتانى من التوكيل
وبعد كده زهقت من التوكيل واشتغلونى بتوع التيل والفرامل
قعدت فى المشوار 4 شهور خسرت فيهم خير كتير ولا كأنه مال حرام
وبعد كده حكيت الحكاية لمهندس صاحبى ودانى لميكانيكى فى اكتوبر (المصانع ) رحتله والراجل عمل معايا عقد شفوى قاللى مش هاخد منك فلوس وبعد شهر لو التيل عجبك تعالى ادينى فلوسى
والله ياجماعه الرجل ولا عمل حاجة زياده عن اللى الباقى عمله بس حسيت انه فاهم بيشتغل بعقل وبعد ما خلص وقاللى جرب اول مرة احس ان العربيه Abs وبقيت حاسس ان العربيه هى اللى اتغيرت يعنى الفرامل ناعمه ومستجيبه لأقل لمسه وكل الاشعار ممكن تقوله فيها ورحت بعد اسبوع واحد وقلتله أأمرنى عايز كام قاللى 110 جنيه بالتركيب وانا التيل اللى ركبتهولك تيل تركى ب95 جنيه و15 تركيب
انا عارف ان الكلام بتاعى كتيير بس حبيت اشارككم الحكاية
كل ما امتلكته فى حياتى ,ومازال البحث مستمرا
[rmade]http://i52.tinypic.com/2uhwwwg.jpg[/rmade]
رقم العضوية : 2242
تاريخ التسجيل : 19Sep2007
المشاركات : 803
النوع : ذكر
الاقامة : egypt,cairo,sa3d zaglol
السيارة: skoda octavia a5 manual 2008
السيارة[2]: mitsubishi lancer 2006 1.6auto
الحالة :
رقم العضوية : 13395
تاريخ التسجيل : 22Jun2008
المشاركات : 808
النوع : ذكر
الاقامة : القاهرة
السيارة: لا يوجد
السيارة[2]: لانسر 1600 موديل 2006
دراجة بخارية: لا يوجد
الحالة :
انا جربت كل انواع التيل اللى فى السوق تقريبا بهدف ايجاد نوع كفاءته عاليه زى الأصلى و يكون سعره معقول بالنسبه للأصلى و الخلاصه انى دلوقتى مبجبش غير الأصلى من التوكيل و مفيش ولا نوع فى السوق بكفاءه الأصلى أبدا (مع العلم انى باستخدم الفرامل جامد و على سرعات عاليه تفوق ال160 احيانا) وعلى فكره عمر التيل الأصلى ما صفر معايه و لما بيكون قرب يخلص بيصفر حاجه بسيطه أحيانا و كمان فيه نوعين فى الأصلى Ak و Sumitomo و الأتنين حلوين بس أنا بفضل التانى رغم انه بيخلص اسرع بس أحسن للطنبوره (الak لأنه أنشف شويه بالأضافه لأستخدامى العنيف للفرامل كان بيعمل معايه عالى وواطى فى الطنبوره و يخلى الدركسيون يغربل مع الفرمله انما النوع التانى أداؤه ثابت فى كل الظروف و لما تقرص عليه كل اللى بيعمله انه بيخلص أسرع و لاكن لا يضر الطنبوره.....و ده خلاصه تجربتى.
رقم العضوية : 3265
تاريخ التسجيل : 18Nov2007
المشاركات : 569
النوع : ذكر
الاقامة : القاهرة
السيارة: لايوجد
السيارة[2]: لانسر
الحالة :
عيب التيل التركي
انه بيعمل brake fade
يعني مع كتر الفرملة التيل بيسخن وده بيأثر على أداء الفرامل قليلا
عشان كده وانت لسه طالع الصبح بدري في البرد بتلاقي الفرامل حلوة جدا بعد ما تخلص المشوار بتاعك اخر النهار بتلاقي الفرامل ضعفت شوية
هو التيل الأصلي طبعا يستحمل الحرارة اكتر من التركي
بس مش مستاهلة في رأيي 350 جنيه الفرق
[shr71=http://pic.phyrefile.com/2007/10/20/jtte2o.gif]TG[/shr71]
المفضلات