طريقة تركيب AUX Cable لل Gen2

**m_marmoush** · 04-01-2009 10:46 AM

شكرا جزيلا ليك و ياريت الأداره تثبت الموضوع ده لأنه يعتبر أنفراد

**atefghazaly** · 04-01-2009 12:08 PM

متشكر يا جماعه على اهتمامكم بالموضوع ده.... على فكره انا طلع عينى على ما عرفت ال سي دى ده بيتفك ازاى عشان كده حتلاقى ال جزء الى تحت السي دى مخربش. بس بعد ما اتفك لقيت ان كل حاجه بعد كده سهله و قلت اصور و انا بركب عشات لقيت ناس بردو بتسأل عن الموضو ده فلى المنتدى .. وكمان ان السى دى ده audio بس يعنى مش مفيد ... و على فكره انا لقيت frame بيركب بدل السي دى عشان تقدر تركب MP3 او DVD ... وانا بدور عليه فى مصر بس مش لاقيه يا ريت لو حد يعرف مكان ليه فى مصر و ده شكله
http://cgi.ebay.com.my/ws/eBayISAPI....m=270231517525

**alfa** · 04-01-2009 12:48 PM

متشكرين مرة تانية للرد السريع بتاعك ومتشكرين على مجهودك ونتمنى عليك يكون فيه مواضيع تانية حلوة زي ده.

**alfa** · 04-01-2009 06:12 PM

ازيك يا اخ عاطف
بعد ما شفت موضوعك نزلت شفت التسجيل يالي عندي بالعربية وشغلتو بس ماعطتنيش على الشاشة بتاعها كلمة Aux وحاولت اني اكبس بالزراير كلها ومالقتش نتيجة !
السؤال الاول بما انك عندك اهتمام وعندك فن بالمواضيع ده ماشاء الله ايه السبب انو ماعنديش الحاجة ديه ؟ طيب ممكن لان عربيتي موديل 2007 مافيهاش مأخد الاوكس ده ؟
تاني سؤال : في زرارين ما عرفتش هم ليه اصلا , ياريت تقولي هو ايه عملهم بالزبط
اول زرار مكتوب عليه Lo
تاني زرار مكتوب عليه Ast
ومتشكر جدا ليك

**atefghazaly** · 04-01-2009 08:02 PM

ازيك يا alfa باشا ..المفرود تدوس على زرار MODE مره حيكتبلك CD و ملره تانيه حيكتبلك FM و مره كمان حيكتبلك AUX ... على فكره انا عربيتى زيك 2007 ... بالنسبه لى LO ده عشان حساسية البحث الزاتى للراديو on/off لو on حيقف لوحده لما يلاقى اى محطه FM ... بالنسبه AST ده بيسجل اقوى 5 محطات فى الارسال اوتوماتيك فى الميمورى من 1 الى 5

**M.Nabil** · 04-01-2009 10:18 PM

الف شكر استاذ عاطف, بجد شرح وافي جدا وصور واضحة , كان موضوع شاغل كل مالكين الجين تو كليهم, ربنا يعوض تعبك.

**MuhammedSoliman** · 04-01-2009 11:10 PM

تم المراد من رب العباد وركبتها النهارده وبكده يبقي فكيت السي دي مرتين مره عشان الدي في دي الشماسه وAUX وركبت عليها الموبيل بقيت اتكلم واسمع من سماعات السياره وفل كونترل على الموبيل والسي دي الراديو ولقيت الوصله فى كلاريون اللى فى اسكندرية امام نادي سموحه ب 75 جنيه تحياتي تاني يا عاطف باشا كنت بحاول ألاقيها بشمعه
تحياتي

**alfa** · 05-01-2009 12:37 PM

مشكور يا استاذ عاطف
ولكن انا عملت زي ما قولتلي ودوست على الزرار ال Mode بس مابيعطينيش غير Cd او Fm
ملاحظة صغيرة انا عربيتي موديل 2007 جين 2 بس بسوريا مش بمصر وماعرفش اذا كانت المواصفات تفرق او متفرق مشعارف الحقيقة
بس انا كنت فاكر ان البروتون كلها زي بعض بكل البلاد