عندى سؤال بخصوص ال جين2 Cps 2009

**fidodido220** · 04-01-2009 05:29 AM

اولا احب اشكر المنتدى الجامد ده
ثانيا كنت عايز اسال هل البروتون جين2 2009 ِCAMPRO CPS حتنزل مصر ولا لا و لو حتنزل حيبقى امتى ؟؟؟؟ يا جماعه العربيه دى جامده طحن :
موتور 1600 135HP
ده غير شكلها من جوه جاااااااااااحد و ادى صورتها من جوه عشان تصدقونى بليز عايز حد ير عليا

**khalid_adel** · 04-01-2009 01:03 PM

يااااااه ده موضوع قديم وشرحه وحواراته طويله اوي اوي من ايام شهر 6 اللي فات
بس الخلاصه انها مش حتنزل مصر وهما بيقولو عشان الموتور ده بيستخدم ليه اوكتان (97) وانا مش مصدق اوي
وانها حتكون سعرها غالي لو نزلت مصر فمش حتجيب همها في البيع في فئتها وكده

**ahmedsiyam** · 04-01-2009 01:44 PM

الله ينور يا عم برعى

**ahmad alshaaer** · 04-01-2009 11:02 PM

الاستاذ هشام عز العرب في اجتماع اعضاء نادي جين 2
قال انها مش هتنزل مصر لان الحكومه المصريه منعت دخول الموتور ده بسبب ان السياره حوادثها كتير في فئتها وخصوصا ان الموتور شديد جدااااا
وفي موضوع هنا في المنتدى ده انا قريت الكلام ده جواه

**saidbakr** · 05-01-2009 01:11 AM

المشاركة الأصلية كتبت بواسطة tweety26980

...
قال انها مش هتنزل مصر لان الحكومه المصريه منعت دخول الموتور ده بسبب ان السياره حوادثها كتير في فئتها وخصوصا ان الموتور شديد جدااااا
...

حكومة ايه، حكومة مين، هو في ايه يا جماعة؟
يعني معنى كدة إن مافيش عربيات 135 حصان بتنزل مصر؟!!!
مافيش عربيات جاجوار و لا بورش في مصر؟!!!

شوفوا من غير ما اضرب الودع و لا افتح المندل، العربية دي هتنزل كمان سنتين و لا تلاتة، بس هو السيد هشام عز العرب، موش عاوز يقول إن الشركة بتخلص محركاتها القديمة في الدول المتخلفة و مع زباين الدرجة التانية اللي للأسف إحنا، و بعد كدة تبقى تبعتلهم الجديد.

**fidodido220** · 05-01-2009 02:36 AM

الصراحه انا مش عارف اشكركم ازاى على الردود و ثانيا انكو ريحتونى اجيب الى موجوده دلوقتى و خلاص بس مش فاهم ليه احنا البلد الوحيده اللى مالناش دعوه بالعالم زى بالظبط الاخ اللى قال ان اسعار العربيات حتغلى :)

**eng_mido** · 05-01-2009 10:23 AM

مخالفة القاعدة 6 ب

إدارة المنتدى - 3

**ahmedsiyam** · 05-01-2009 10:36 AM

الاستاذ هشام عز العرب في اجتماع اعضاء نادي جين 2
قال انها مش هتنزل مصر لان الحكومه المصريه منعت دخول الموتور ده بسبب ان السياره حوادثها كتير في فئتها وخصوصا ان الموتور شديد جدااااا

لامؤاخذة يا احمد بك بس هى وسعت منك اوى المرة دى و الكلام ده غير صحيح بالمرة
هى موش هاتنزل فعلا بس الكلام ده ماكانش على لسان عز العرب و موش الحكومة المصرية هى السبب و الكلام وضحه الاخ مزاجانجى لانه كان حاضر اللقاء مع الجماعة المالزيين بمفسه

يعني معنى كدة إن مافيش عربيات 135 حصان بتنزل مصر؟!!!

لو انت فاكر ان الـ cps 135 حصان يبقى معلوماتك غلط و لو بتفترض اى افتراض تانى يبقى رايك و انت حر فيه و معاك حق