الموضوع: مشكله الاشار اتحلت

انا كان عندى مشكله مع الاشاره الخلفيه شمال..( اللمبه اتحرقت)
حاولت انى اغير اللمبه بس معرفتش افك الاشاره(الفانوس)
اتصلت بالتوكيل افك عشان يشرحولى ازاى افك الاشاره قالو انى مش هعرف والاحس انى استنى لحد مروح التوكيل
حاولت انى اتعايش مع المشكله لاكن المر كان صعب وخاصه انى مدمن استخدام الاشارات
انتهزت فرصه انى فى شرم الشيخ ورحت توكيل تويوتا لاكن للاسف معرفوش يساعدونى
فرحت لغبووووووور
الفنى مسك الاشاره وفك فك فك .. فك المسامير
وجات مشكله ( الكلبس )..وده موجود فى حته مزنوقه وكمان من جوه الاشاره
الفنى حاول الاول بكفه ايدو انه يفك الكلبس ( كان بيرزع بكفه ايدو مع زقه للخلف ) بس الكلبس كان ماسك بضمير
فدخل مفك بين الاشاره والصاج وتك.....فك الاشاره
تم تغيير اللمبه وتثبيت الاشاره والحمد لله
جينا للحساب
دخل الفنى المكتب للمهندس وخرج المهندس ..بصلى وابتسم وقال ( شرفتنا يافندم) اشاره منه ان الموضوع ميستهلش ودخل مكتبه
وجانى الفنى
كام يابشموهندس الحساب
اللى تشوفو ياباشا
يابشموهندس عايز كام
ياباشا اللى تجيبو انا معملتش اوردر للعربيه
فدفعتلو اللى فيه النصيب

ايه ياجماعه انتو نمتو ولاايه

الف شكر ياشباب على الردود الجميله
وسلام كبير من جينا للاستاذ ايمن
على فكره ياشباب انا عارف ان موضوع تغيير اللمبه خارج التوكيل كان مغامره كبيره . بس انا مكنش ادامى اى حل تانى ..
انا رحت تيوتا الاول ظنا منى انهم هيكونو ناس فى التمام وهيعرفو يسعدونى .....بس للاسف حتى محولوش
اما فى غبور الشهاده لله ناس تمام ... اول ما الفنى مسك المفك انا قلقت شويه بس اول مابدا يشتغل حسيت انه راجل فاهم
وفى الاول والاخر ستر ربنا والحمد لله