أشكركم جميعآ على الردود وبالنسبة لرينج السعر انا مش مقيد بسعر معين يعنى قول من ستين لتسعين بس القرش اللى ادفعه لازم آخد مقابل يعنى مش معنى إنى اقدر ادفع مية يبقى لازم اشترى حاجة بالمية
النهارده نزلنا لفينا على التوكيلات والمعارض
والنتيجة كالآتى لانسر1300 وإلانترا ونيو أكسنت وياريس تانى
مشكلة كل واحدة كالآتى
اللانسر : شكل قديم - واطية شوية مع التحميل الكتير بتوطى اكتر- 1300 غالبا هيكون ضعيف على كل العربية دى- بدون كاسيت - منتشرة زى ال 128مش هحس انى راكب حاجة جديدة
إلانترا : ملقوش فى الورد عيب بيقولولى شكلها كبير عليا وهتتحسد ( أنا عندى 20 سنة )
نيو اكسنت : مش بنفس فخامة عربيات المقارنة وكانو بيقولو هنا ان عفشتها ناشفة
ياريس : قطع غيار غالية وإكصدام فيبر وضيقة شوية وانا حجمى xl وحاسس ان كرسيها مش مريح بالنسبة ليا

طبعا واضح من الكلام إن انا شخصيا ميال جدا للإلنترا بس فاضل على الحلو تكة وياريت شوية تقييمات حقيقية من ملاكها البزين والسحبة والتسارع والتكييف
وبالنسبة للماتريكس بعد ما اتفقنا انى اروح اتفرج تانى يوم الصبح مع صاحبها بتصل الصبح لقيتها اتباعت وكل شىء نصيب