هل السواقه متعبه ولا ممتعه ؟؟؟؟

**أشرف العدوي** · 06-01-2009 02:42 PM

أنا اكتر حاجة بتغظيني و بتخليني في قمة غضبي
لما حد يكسر عليا و يكون مودي وشة الناحية التانية عن قصد قال يعني مش واخد باله و لازم اوسع لسيادته علشان ما يخبطنيش طبعاً سواقين النص نقل محترفين في الحوار ده
بتجنن من الأسلوب ده و
بس الحمد لله بعرف أتعامل
كلاكس لحد ما يطرش و اقوم انا حادف على الي جنبي سنة و أعدي من الي حدف عليا و اجي قدامه و صباح البرود بقى
يفضا هو يقل نور و كلاكس و نا كأني اطرش و أعمى
و لسة واحد بزلمكة عاملها معايا أمبارح بس ده بصراحة جننته
هو عمال يخش و باصص عليا بطرف عينه لقيني عمال اخش معاه و ما فيش فايدة و لا حتى بصتله كأن انا الي مش واخد بالي و قولته كده بالأحساس عايز تتخبط اتفضل راح واقف و تنحلي روحت انا كمان واقف و تنحتله اكتر ما هو تنحلي و قعدت أعدي في العربية بالراحة قوي و اظبط المرايات لان المكان كان يدوب على قد العربيةو الراجل كان هيجيله هوسهوس وفضل ماشي ورايا من اول شارع البطل احمد عبد العزيز لحد مطلع كوبري اكتوبر و بعد كدة فكتني منه لاني كنت مستعجل

**Terrible_DaRsH** · 07-01-2009 02:54 AM

عند اختفاء سائقين الميكروباصات والاتوبيسات و قلة عدد السيارات الموجودة فى الشوارع والهدوء المطلوب ..
بتكون شيء رائع ..

**mohamedbook** · 07-01-2009 09:59 AM

لا ممتعة ولا متعبة
السواقة مسؤلية خطيرة جدا لا يجب الاستهانة بها

**samofox** · 07-01-2009 12:50 PM

انا بشعر بمتعة رهيبة جدا فالسواقة وفجميع الاحوال بتكون ممتعة معايا وفاى وقت من النهار او الليل ومن كتر حبى للسواقة واد اية ممتعة بالنسبالى قررت انزل شغلى بعربيتى بمعنى انى بستخدمها فاى شىء خاص بالشغل وخصوصا انى شغلى على طووووووووووووووووووووول فالشوارع محدش يفهمنى غلط ياجماعة انا شغلى على طول فالشوارع لانى مرشد سياحى

**kareem_Ashmawy** · 07-01-2009 02:26 PM

انا بشعر بمتعة رهيبة جدا فالسواقة وفجميع الاحوال بتكون ممتعة معايا وفاى وقت من النهار او الليل ومن كتر حبى للسواقة واد اية ممتعة

أنا كده برده
الحاجة الوحيدة اللى بتخرجنى من مود وحش انى انزل اسوق
فى اى وقت و فى اى مكان..

**ringoo84** · 07-01-2009 04:25 PM

بتتوقف على طبيعة المشوار

**karimone** · 07-01-2009 05:54 PM

السواقه متعه شديده بس لما تكون العربيه حلوه و الطريق مش زحمه قوي

**Badrowi** · 07-01-2009 06:26 PM

متعبة في الزحمة بس ارحم من تعب المواصلات
ولو الدنيا رايقه ممتعه الى حداً ما

فى الاول وفى الاخر دى نعمة نقول عليها الحمد لله انها انها رحمانا من المواصلات
ثانيا انا بحب اسوق العربية جدا لما اكون على هاى واى(صحراوى مش زراعى) انما جوة البلد زفت