الموضوع: الخامات الموجودة فى اللانسر الشارك وحشة جدا

المشاركة الأصلية كتبت بواسطة Sharky

شكرا على الملاحظة يا أشرف باشا

فعلا الشركات اليابانية جودة تقفيلها بقت سيئة

بس ليه سؤال بسيط
هو حضرتك من ملاك الشارك علشان تحكم عليها

NOt all japanese cars , Honda is very well made car I rent accord for three months, and civic 2008 it is fantastic
Handling is the best in it is category,interior & exterior design acceleration
the only competent for euopean cars is Honda

الاعتماديةبتاعتها مش عالية

المشاركة الأصلية كتبت بواسطة crazylambada

انا اللي اعرفه ان واحد صاحبي عمل بيها 35الف كيلو في 11 شهر
غير فتيس في الضمان
و العفشة عنده خلاص بتودع
و هو طبيعته مش غشيم في سواقته
و الله اعلم

غير فتيس !!
ممكن مع ان ماسمعتش عن العيب ده من الناس اللي حواليا
بس ممكن

انما العفشة ....
العربية عفشتها كويسة وعن تجربة و محدش عيب فيها

هيا خاماتها وحشة فعلا
و ثباتها مش جامد في الملفات بس لأن ظهرها عالي
صوت الموتور عالي بس هو كده لأن وحدة الMIVEC بتطلع صوت
غير كده العربية اجمالا كويسة بس بقت غالية اليومين دول هي أخرها 140 الف لأعلى فئة

حضرتك الفتيس اتوماتيك و كان فيه عيب صناعة
اما موضوع العفشة فده نسبي بتختلف من شخص للتاني
بس اعترض بقى الثبات بتاعها حلو احسن من البوما
فيه جرف في النفق اللي بين طريق مصر الاسماعيلية و العبور
اخده على 90 وانا كنت معاه اي نعم العربية كانت مايلة بس الكاوتش كان ثابت على الارض
و فعلا صوت المكنة عالي و ده الطبيعي بتاعه
بس صوته ممتع لانه مش بيزعج اللي جوا
لان العزل بتاعها حلو

احنا عرفنا ان العربية جابت فتيس لان زيت الفتيس كان بيتسرب
و النقلات بتتاخر على الاستجابة
و لما اتصلح حصل مشكلة تانية في الفتيس حاجة اسمها الاربة عند الفتيس اتقطعت
و اتصلح الفتيس للمرة الثانية
بس من ساعتها الحمد لله مافيش حاجة
لدرجة انننا كنا بنقول لصاحبي تريقة
فيه لادا مبتتعطلش تاخدها بدل عربيتك