الموضوع: من لهم خبرة فى عفشة البيتلز

موضوع الدنجل ده يتم كالاتى :
يتم تسقيط الدنجل من السيارة و استخراج السوست من داخله بعد فك الاكسات ثم قطع ماسورتى الدنجل ثم لفهم بنسبة بسيطة ثم لحامهم مرة اخرى
السبب اللى ممكن يخلى العربية واطية مش المساعدين و ممكن يكون من فارغة الدنجل او من السوست الداخلية الموجودة بالدنجل

السلام عليكم ورحمة الله وبركاته
اولا احب أأ يد كلام الاستاذ احمد سالم فعلا عليك والحاج محمد على انا جربت التعامل معاه واخدت قرار انى ان شاء الله مش هتعامل مع حد غيره مع انى ساكن فى المعادى وهو فى جسر السويس مشوار بس بتاخد اللى انت عاوزه منه وهو كمان مش طماع ولا جشع بالعكس مهاود جدا
وليا اضافه بسيطه ان ممكن يكون العربيه مش واطيه لو انت معدل فى الكاوتش ومكبره لان انا عندى الكوتش عريض وكبير وكنت سألت الحاج محمد على انه يعلى العربيه شويه علشان انا حاسس انها واطيه قاللى عربيتك كده عاليه على الاخر ماينفعش ليها رفع تانى هو الكاوتش اللى كبير ويهيألك ان العربيه واطيه عليه

السلام عليكم و رحمة الله و بركاته

فعلاً موضوع تعلية العربية الدنجل محتاجة شغل كتير و الأهم صنايعى فاهم و خبرة لأن الغلط فيه بيبوظ العفشة و قد يسبب عوج للعربية بمعنى آخر ناحية أعلى من ناحية أو العكس لأنهم بيعملو تقريبا زى ما الأستاذ / إيهاب تفضل و قال لحضرتك.
و دا حسب معلوماتى فى الدنجل لأن عربيتى عفشة ( سوست و مساعدين ) و هى أريح بصراحة فى الصيانة و لكنها أغلى طبعاً.
على العموم ممكن تسأل الحاج/ محمد على الميكانيكى زى ما باقى الأعضاء تفضلو و قالو لحضرتك.

و شكراً

المشاركة الأصلية كتبت بواسطة RAAFAT10

أخوانى الأعزاء
متشكر جدا على ردكم الكريم واهتمامكم بالموضوع وأحب أن أعرفكم أنى كنت فعلا رحت للحاج محمد على ودة بناء على كلامكم علية وشكركم فية وهو اللى قلى أن دى عملية صعبة شوية لكن أنا مكنتش أعرف أن فيها فك وقطع ولحام وطبعا أنتوا عارفين أن مافيش حاجة بترجع زى ما كانت لما حد بيفكها وعلشان كدة هلغى ا لموضوع الا أذا كان فية حل تانى غير القطع واللحام لأنى مش عايز بدل ما أصلح حاجة أبوظ حاجة تانية بس أنا قلت أعليها شوية علشان هى ناشفة فى المطبات وخايف لحسن الرقبة بتاعتها تتكسروكان عندى تخيل أنة يمكن تعلية العفشة عن طريق اعادة زبط ربط الزراعين اللى ماسكين العجل من ناحية واللى مسكين السوست من الناحية التانية يعنى يفك المسمار اللى ماسك الدراع فى السستة ويغير مكان ربطة فقط بحيث يبقى الدراع مربوط أزيد لتحت فيدى أرتفاع أعلى ودة كان تصورى خصوصا أنى مش عايز أعليها قوى أنا بس عايزها تبقى مظبوطة
وبعدين فيةحاجة بالنسبة لموديل العربية فأنا أشتريت العربية دى على أساس أنها موديل 1978 المانى 1300 ودة أخر موديل طلعتة المانيا ومكتوب فى رخصتها أنها موديا 78 وبيقولوا أن مدخلش مصر منها الا عدد قليل لكن الحاج محمد على شككنى فى الموضوع دة مع أنى كنت جبت الكتالوج بالنسبة للعربية اللى هى أنتاج اخر سنة 77 واللى بيقولوا علية 78 من على النت ولقيتها نفس الشكل ونفس شكل الطابلوة . أية رأيكم؟
عموما متشكر جدا على موقعكم الجميل دة اللى أنا أستفدت منة كتير وأنشاء الله أكون مشارك معاكم فى المستقبل وعضو فعال
وشكرا

السلام عليكم و رحمة الله و بركاته
أخى الفاضل
فعلاً مفيش حاجة بترجع زى ما كانت إلا نادراً و خاصة إنها قطع و لحام و شغلانة , بس هل الحاج محمد كشف على السوست كويس لأنى متهيألى ممكن يركبلها سوست أعلى شوية؟
على العموم إن شاء الله هاسألك كام واحد تانى و أرد على حضرتك قريب إن شاء الله.
بخصوص موديل و سنه عربيتك ممكن تراجع الرابط دا و تقولى هى عربيتك و لا لأ

http://www.vwtrendsweb.com/features/...swagen_beetle/