من لهم خبرة فى عفشة البيتلز

**ahmed azab** · 10-01-2009 08:39 PM

العفو يا باشا وانا تحت امركم في اي شىء

**adelmagdy** · 11-01-2009 03:50 PM

شكرا يا احمد باشا علي التوضيح:k10:

**RAAFAT10** · 14-01-2009 12:27 PM

شكرا لك يا أستاذ أحمد على التوضيح الجميل دة وهنتصل بمجدى ونشوف ممكن اللى عملة عندك ينفع عندنا ولا لأ
جازاك الله خيرا

**ahit** · 14-01-2009 12:52 PM

السلام عليكم و رحمة الله و بركاته

إخوانى الكرام

أنا عربيتى 1302 عفشة و مساعدين و من فترة كان عندى المساعد اليمين أمامى بيجيب زيت و موطى الناحية اليمين قدام و كان بيحك و من اسبوعين تقريباً روحت للحاج/ محمد على الميكانيكى و ركبلى مساعد كويس ألمانى استيراد و لكن بعد التركيب لاحظت إن العربية واطية من قدام يمين بردو و ماحستش بفرق كبير بعد التغيير و قولت للحاج محمد الكلام دا بس ماوصلتش لحل و قالى المهم المساعد بياخد و يدى كويس و بعدين قالى غير السوست بسوست فيات 125 و بصراحة أنا ماقتنعتش بالكلام دا و خاصة إن قبل المساعد القديم ما يبوظ كانت العربية عالية عن دلوقتى لآنى كنت روحت لعفشجى و عملتلو إعادة ملى مرة أخرى و كان زى الفل و أوفر بكتير كمان و بعد 5 شهور بدأ يجيب زيت تانى و مشواره قصر و وطى العربية من قدام و بدأت تحك عشان كدا روحت للحاج / محمد الميكانيكى و أولت أريح دماغى و أغير أحسن.
دلوقتى أنا مش عارف العيب ممكن يكون من إيه؟ من السوست ولا المساعد الجديد ؟ و لامنى !!! ؟
آسف إنى طولت عليكم بس محتاج رأيكم قبل ما أروح للحاج / محمد على الميكانيكى النهاردة أو بكرة بإذن الله .

و شكراً مقدماً

**ahmed azab** · 11-02-2009 12:20 PM

أحمد باشا ازيك
أحسن حاجة تجيب مساعدين قدام جداد وسوست
خلي بالك ان العفشة لازم لو هتغيرها تجيب حاجتها جديدة والا هايبقا مسكن والمساعد اللي هو حاتطهولك مش استيراد ولا حاجة ده خارج من عربية كانت عنده وغيرلها مساعدين بياخدهم ويبعهم تاني
والمساعدين لازم يكون تقلهم زي بعض

**ahit** · 12-02-2009 12:27 AM

المشاركة الأصلية كتبت بواسطة ahmed azab

أحمد باشا ازيك
أحسن حاجة تجيب مساعدين قدام جداد وسوست
خلي بالك ان العفشة لازم لو هتغيرها تجيب حاجتها جديدة والا هايبقا مسكن والمساعد اللي هو حاتطهولك مش استيراد ولا حاجة ده خارج من عربية كانت عنده وغيرلها مساعدين بياخدهم ويبعهم تاني
والمساعدين لازم يكون تقلهم زي بعض

أحمد باشا عزب
واحشنا و الله , إنت فين مش باين و حارمنا من خبراتك
جزاك الله خيراً على إهتمامك و فعلاً كلامك سليم و كنت ناوى أجيب جديد بس الأسطى محمد على الميكانيكى أقنعنى إنو هايقوم بالواجب معايا !!!
و كل شىء نصيب و الحمد لله , و ربنا يسهلها و أغير السوست و المساعدين و أى حاجة محتاجة تغيير فى العفشة بس بعد ما أفوق من موال العمرة بتاعة الموتور , عشان كدا بعد ما أستلم العربية إن شاء الله هاروح لبتاع عفشة عشان أغير السوستة بسوستة أعلى أو أركب كاوتشة تعليه أو أغير المساعد لو فعلاً بايظ و ربنا يعوض عليا.

**ahmed azab** · 12-02-2009 05:12 PM

المشاركة الأصلية كتبت بواسطة ahit

أحمد باشا عزب
واحشنا و الله , إنت فين مش باين و حارمنا من خبراتك
جزاك الله خيراً على إهتمامك و فعلاً كلامك سليم و كنت ناوى أجيب جديد بس الأسطى محمد على الميكانيكى أقنعنى إنو هايقوم بالواجب معايا !!!
و كل شىء نصيب و الحمد لله , و ربنا يسهلها و أغير السوست و المساعدين و أى حاجة محتاجة تغيير فى العفشة بس بعد ما أفوق من موال العمرة بتاعة الموتور , عشان كدا بعد ما أستلم العربية إن شاء الله هاروح لبتاع عفشة عشان أغير السوستة بسوستة أعلى أو أركب كاوتشة تعليه أو أغير المساعد لو فعلاً بايظ و ربنا يعوض عليا.

ربنا يخليك ياأحمد باشا
انا موجود بس كنت بتابع بصمت
ربنا يكون في عونك موال العمرة ده مقرف ومصاريف
انا عايز اقولك رأي في التغير خلي كل حاجة علي طبيعتها يعني لو هاتجيب سوست هات بتوعها الأصلي بدون متعليها علشان العلو الزايد ليه تأثير

**ابوهاشم** · 12-02-2009 10:38 PM

انا سالت جمال الميكانيكى النهارده اذا كان ممكن ارفع عربيت شويه من قدام وهى على دنجل قاللى ينفع بس كده العربيه هترزع معاك
قولتله لا وعلى ايه بقى خليها كده كويسه اوى

**El.Hossieny** · 12-02-2009 10:39 PM

فعلا ... اي حاجة غير الفابريكة يتاعت بلدها بتعمل مشكلة ...

**ahit** · 13-02-2009 02:14 AM

المشاركة الأصلية كتبت بواسطة ahmed azab

ربنا يخليك ياأحمد باشا
انا موجود بس كنت بتابع بصمت
ربنا يكون في عونك موال العمرة ده مقرف ومصاريف
انا عايز اقولك رأي في التغير خلي كل حاجة علي طبيعتها يعني لو هاتجيب سوست هات بتوعها الأصلي بدون متعليها علشان العلو الزايد ليه تأثير

و يخليك يا باشا
طب و ليه فى صمت إنت زعلان مننا و لا إيه؟ إحنا بس عاوزينك تفيد إخوانك الغلابة بخبراتك الجميلة فى البيتلز .
فعلاً العمرة دى وجع دماغ بس دا شر لابد منه و يا ريت تتابعنا بخبراتك و معلوماتك فى العمرة على الرابطين دول لو تكرمت:
http://www.nilemotors.net/Nile/showthread.php?t=28801

http://www.nilemotors.net/Nile/showthread.php?t=59323

و بالنسبة للعفشة هو فعلاً الفابريكة لا يعلى عليها و زى ما حضرتك قولت قبل كدا إن كل اللى بنعملو هو مسكن لحين التغيير بالجديد الأصلى إن شاء الله.
و شكراً يا أحمد باشا على متابعتك و مشاركتك الجميلة

الموضوع: من لهم خبرة فى عفشة البيتلز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للخبراء فى البيتلز( تعديل البيتلز)

سؤال عايز خبرة بس مش خبرة اوي

يا رجالة البيتلز هى البيتلز ادفع فيها 20 الف جنية

عايز أغير عفشة للأوبترا ( أنعم عفشة فى العالم )

ازاى نعرف ان العربية محتاجة تظبيط عفشة او تغيير عفشة

الكلمات الدلالية لهذا الموضوع

المفضلات

المفضلات

ضوابط المشاركة