نداء بسيط الى الأخ طارق فى صيانه الألف كيلو

**bassem_sams** · 06-01-2009 04:39 PM

السلام عليكم استاذ طارق انا الحمد لله سيارتى لانسر بومه 1600 مانيوال مصريه عملت 980 كيلو يعنى مشوار صغير و تجيب الأف كنت عايز نصائحك اعمل ايه علشان دى اول مرة لى يعنى اتصل بصيانه و اخذ ميعاد و رقم تليفون ايه و عنوان اللى اروح عليه و مواعيد مثل اجازتى جمعه هل ينفع اعملها اليوم ده و لا اخذ يوم اجازة فارجو مساعدتى
و بالنسبه للسيارة فى فترة دى ملاحظاتى فيها لا تتعدى الهواجس من اصوات لكن عند 800 كيلو لأقت بدال فرامل مشوارة طول و اكنى بدوس جامد علشان توقف فياريت اعرف سبب لأن ده خوفنى جدا

و شكرا للأخوة و المنتدى و أستاذ طارق

**nobody** · 06-01-2009 04:48 PM

مبروك على السيارة
بيتهيألي صيانة الألف لاتحتاج حجز
بالنسبة للفرامل فده شيء طبيعي و حصل معايا برضه
و كشفت على الفرمل كذا مرة قالولي ان الفرامل كده كويسة
و جربت كذا لانسر لقيت الفرمل كده
هي في الأول بس بتبقى قوية بعد كده بتبقى عادية
عموما فرامل اللانسر مش قوية أوي زي الألماني او الامبريزا و المازدا
ما تحطش موضوع الفرامل ده في دماغك اوي مادام كويسة عشان ما تضيعش عليك فرحة العربية زي انا ما عملت

**bassem_sams** · 09-01-2009 09:41 AM

شكرا لأهتمامك و ردك nobody بس انا نهارده جمعه و بكرة اجازة و خلاص عملت الالف عايز اعرف عنوان صيانه و هل هما فاتحين نهارده اروحلهم مثلا بعد صلاه و شكرا و تكلفه كام

**مصراوي جدا** · 09-01-2009 11:24 AM

اهلا يا استاذ باسم .. وألف مبروك العربية

أولا اعتذر لعدم مشاركتي في المنتدى في الفترة الأخيرة لظروف العمل وباذن الله سأعود الى تواجدي الدائم خلال الفترة القادمة

للأسف النهارده الجمعة التوكيل (شركة مصرية) مش شغالين انما بنشتغل السبت سواء في المركز الرئيسي في قليوب او في فرع جسر السويس

جميع الصيانات بالحجز ما عدا صيانة الألف الأولى نظرا لبساطتها (غيار زيت وفلتر ومراجعةعامة على العربية) لذلك ممكن تروح في اي وقت

العناوين والتليفونات في الاعلان ده