ياجماعه عربيتي النوبيرا بتاكل بنزين(130 كم) في الصفيحه وساعات اقل والرشاشات سليمه 100%.... قولولي ايه اسباب الاستهلاك لحسن هاجنن ومخي هايفوت:fun_36_3_4[1]:
عرض للطباعة
ياجماعه عربيتي النوبيرا بتاكل بنزين(130 كم) في الصفيحه وساعات اقل والرشاشات سليمه 100%.... قولولي ايه اسباب الاستهلاك لحسن هاجنن ومخي هايفوت:fun_36_3_4[1]:
انا عندىنوبيرا 2001شريها مستعمله وعندى نفس المشكله بس بشك فى الرشاشات (خدت 29.25لترفى200كم) وأول حاجه نظفت الرشاشات وغيرت الفلتر وبعد كده غيرت حساس الشكمان ولسه بجربها ياريت اعرف السبب وخاصه رد محمدممدوح
ممكن ياجماعه اعرف يعني حساس اكسجين او حساس شكمان:shyy: واحط العربيه على السكانر فين
حضرتك اتاكدة ان الرشاشات فعلا سليمه ؟؟؟؟
اكشف علي الرشاشات في اي مركز صيانه بحطها علي جهاز اسمه الترا سونيك شغلته بينظف الرشاشات لو فيها اي شوائب و يقيس كفائتهم ممكن تلاقي واحد بيرمي اكتر من الثاني
و بالتوفيق و متغيرهمش كلهم لو فيه عيب غير البايظ بس
اتأكد ان المكنه مش خفيفه لو العربيه خفيفه هتاكل معاك بنزين شويه
Daewoo Nubira 4 cyl, 2 L, DOHC-IL4, Regular
موديل 2000
المانويل
جوا البلد كل 100 كيلو تأخد 11.8 لتر
علي الطريق كل 100 كيلو تأخد 8.4 لتر
الاوتوماتيك
جوا البلد كل 100 كيلو تأخد 12.4 لتر
علي الطريق كل 100 كيلو تأخد 8.4 لتر
طبعا الارقام دي لو ماشي علي السرعه الاقتصاديه اخرك 96 كيلو في الساعه كل لما تذيد الاستهلاك هيذيد طبعا
بص العربيه دي موديل 2000 انت مش قايل انت موديل سنه كام
و يارب اكون افدتك
الارقام الى حضرتك كاتبها دى ارقام النوبيرا ال 2000 سى سى مش ال 1600
راجع على الرشاشات
شوف يا أخ/مودى.......الحساسات اللى على أساسها ولها علاقة مباشرة باستهلاك البنزين(o2 sensor&map sensor ).......علشان كدة حط العربية على جهاز كشف الأعطال أولا لتحديد العيب........ياريت تعمل الموضوع دة فى مكان محترم الأول....وبعد ذلك يتغير الحساس فى أى مكان......بالنسبة للأسعار الأستاذ/محمد ممدوح.....لية موضوع عن الحساسات وأسعارها التقريبية.....اعمل بحث خلال المنتدى حتلاقى كل شىء عن الحساسات.....والبركة طبعا فى الأستاذ/محمد ممدوح
انا متشكر وسعيد جدا يااستاذ سمير باهتمامك ... انا عربيتي 1600 cc اوتوماتيك موديل 2003 الاستاذ kemks هو اللي كاتب معلومات عن النوبيرا 2000 cc .....وانا مغير كل الفلاتر والبوجيهات من شهر تقريبا وبكره إن شاء الله هاخلص اخر امتحان وافضى واشوف ايه اللغز اللي في العربيه الغريبه دي:Copy of majd(4): .... ولتاني مره انا بشكرك يا استاذ سمير.........
ياأخى العفو هو احنا عملنا حاجة احنا بنحاول نفكر معاك.......وربنا يكرمك ويوفقك فى الامتحان .....وابقى شوف الشكمان برضة ...يمكن يكون مكتوم وعامل ضغط عكسى على المحرك وبتضطر تدزس بنزين للوصول للدفع المطلوب......وكمان ابقى ارفع العربية ولف كل فردة علشان تطمن على سلاسة الدوران ليكون فية فردة أو أكثر عاملة حمل.....واحنا فى انتظارك ومنتظرين ردك
انا كانت عندي نفس المشكله في اللانوس ولقيت حساس الوكسجين بايظ وغيرته
وبقيت العربيه تمام
[QUOTE=samirayad;587531]وابقى شوف الشكمان برضة ...يمكن يكون مكتوم وعامل ضغط عكسى على المحرك وبتضطر تدزس بنزين للوصول للدفع المطلوب
انا من اول لما جبت العربيه وانا شاكك في الشكمان لان العربيه صوتها عالي وبحس ان هي بتنعر لما باكبس بنزين ..المهم اني كشفت عليه ولاقيته سليم
[QUOTE=moudy88;591969] شوف يا أستاذ/مودى......تقريبا كدة والله أعلم....فية مشكلة فى الفتيس الأوتوماتيك.....وعلشان كدة ...الأول حتتأكد ان كل مراحل التعشيق شغالة كويس....بعد كدة حتختبر آداء كلاتش تحويل العزم(tORQUE CONVERTER CLUTCH)الخاص بالفتيس.....وهل هو شغال بكفاءة جيدة (على فكرة بيبان كفاءتة بواسطة السكانر).......على أساس ان السكانر المفروض حيبين وجود انخفاض فى عدد لفات الماكينة بعد وضع عصاة الفتيس على الوضع d وأيضا حيبان المعاير الصحيحة ............الكلام اللى فوق دا كلة على أساس أنة مفيش مشكلة فى دائرة كنترول المحرك ......بالاضافة الى عدم وجود أى انخفاض فى كفاءة الفلاتر ودائرة الفرامل ودائرة تبريد المحرك......احنا فى انتظارك
ممكن انت بتحرق عليها كتير اصل انا عندى اما بحرق عليها كتير بتستهلك بنزين بطريقه متوحشه..
[QUOTE=aymanhh;593824] شوف يا أيمن باشا.....أنا وضحت للأستاذ/ مودى فى رد سابق لنفس البوست.....علىأنة يجب التأكد من عدم وجود أخفاق فى دائرة الفرامل ......على أساس ممكن أن يكون هناك مشكلة فى أحد اسطوانات فرامل أى عجلة ....أو أن يكون يايات الارجاع لأحذية الفرامل بها نسب ضعف حاليا....وبالتالى سيكون هناك تحميل لأى فرملة على الفرامل الأمامية أو الخلفية....وبالتالى بيكون هناك حمل معاكس للسيارة أثناء السير ....مما يشكل مقاومة عكسية وبالتالى سيكون هو مضطر دائما على الضغط على الاكسراتير بزيادة (ومن هنا سيكون محصلة الدفع الظاهرى للسيارة هو الفرق بين القدرة الخارجة من المحرك مطروحا منها اقوة المتمثلة فى مقاومة الفرامل ...اللى هى موجودة بدون داعى).....والمحصلة ستكون أستهلاك زائد من البنزين بدون داعى.............أرجو أن تكون الصورة واضحة الان
انا عندي العربية كانت بتسحب بنزين اوي اوي فوق الطبيعي بكتير رحت اكشف عليها لاقيت السلك بتاع حساس الشكمان مفصول اتركب وبقي تمام والعربية رجعت لطبيعتها الحمد لله
دا كلام سليم....على أساس ان حساس الأكسجين (الشكمان)....بالاضافة الى حساس الmap بيكون لهم الهيمنة الكبرى على الآداء مع التشغيل العادى.....وطبيعى حينما يخرج حساس الأكسجين من دائرة التحكم ....حيكون مفيش أصلا تقييم ذاهب لوحدة التحكم عن كمية الأكسجين الخارج مع العادم
متشكر جدا ومعلش بقى لو كان سؤالى غبى شويه
انا كشفت على الفرامل ولقيتها سليمه ..... والكاوتش مضظبط .. وبخصوص حساس الشكمان والفتيس الاوتوماتيك اكشف عليهم في التوكيل؟ ولا عند الميكانيكي ؟
وهو الميكانيكي بيقى عنده سكانر.. انا خايف لحد يعك فيها ... وياريت تقولولي معلومات عن توكيل دايو .. ايه نظامه ..رخيص ولا غالي .. وفروعه فين ..علشان انا خلاص جبت اخري (العربيه امبارح عملت 65 كم في 10 لتر منهم 20 كم عالدائري) وبقيت باركنها علشان كده بتخرب بيتي.. وعلى فكره انا سواقتي عاديه يعني يدوب رجلي بتلمس البنزين
شكرا ياستاذ سمير وانا خلصت امتحانات امبارح (كان عندي 3 مواد بس الترم ده) وانا بس مستني اراء الاعضاء عن فروع التوكيل ومراكز الخدمه واسعارهم ايه ... اصلي انا لسه حديث في عائلة دايو بقالي شهرين بس .. وانا كان عندي شاهين بقالها معانا 13 سنه وكنت بفولها مرتين في الشهر بنزين 80 والف بيها البلد.. انا عايزك تتخيل الفرق :confused:
[QUOTE=moudy88;599328]شكرا ياستاذ سمير::[/QUOTE
اسف.. قصدي يابشمهندس سمير... انا ماخدتش بالي انك مهندس.. وعالفكره انا في سنه ثانيه اتصالات والكترونيات الطيران... يعني لسه نص مهندس:shyy:
انا من اول لما جبت العربيه وانا شاكك في الشكمان لان العربيه صوتها عالي وبحس ان هي بتنعر لما باكبس بنزين ..المهم اني كشفت عليه ولاقيته سليم[/QUOTE]
شوف يابشمهندس مودى ....المقطع دة تقريبا هو بيت الداء.......ازاى ...اقرأ التعليق بتاعى عن موضوع الفتيس الأوتوماتيكفكدة تقريبا وضحت الرؤيا والعيب ف كلاتش تحويل العزم الهيدروليكىHyDRAULIC CLUTCH CONVERTER بتاع الفتيس.....لأن الموضوع دة نقدر نشبهة بالفتيس العادى لما بيتلف بيضطر السائق يضغط زيادة على البنزين علشان يعوض الانزلاق الموجود بالدبرياش......واكيد زى ماأنت بتقول العربية صوتها بيعلى (يعنى معناها مفيش استفادة كاملة من الفتيس).....وأكيد سحب العربية والتسارع بتاعها مش كويس معاك.....بمعنى أن العربية مابتسحبشى معاك كويس على الرغم من ضغطك على الاكسراتير(وفى هذة الحالة صوت الماكينة بيكون عالى).....وبالطبع دة حيكون السبب وراء زيادة استهلاك البنزين......
خللى بالك يا أستاذ/مودى ان العيب دة ممكن يكون كان موجود فى العربية من الأساس....والبية اللى باعها لك كان الزيت بتاع الفتيس الأوتوماتيكى نقص منة وحدث تلف جزئى للكلاتش نتيجة نقص الزيت.....وبعد كدة سيادتة قام بضبط الزيت وباعها لك......ونسى سيادتة حديث الرسول (ًص)من غشنا فليس منا
وتصديقا بأن العيب دة موجود فى العربية من الأساس....انك قولت فى أحد تعليقاتك بأنك جديد فى عائلة الدايو وشارى العربية من شهرين......ويبقى التشخيص اللى أنت عملتة على المحرك سليم والمشكلة كما بينت لك فى الفتيس.....................ربنا معاك وأحتسب عند الله