موضوع للأخبــار المنقولة عن احداث غــزة

**Islam_galal** · 13-01-2009 02:44 PM

الشيخ ياسر برهامي من أأمة السلف في الإسكندرية

**أبومعاذ** · 13-01-2009 02:44 PM

المشاركة الأصلية كتبت بواسطة elassar2010

دليل اية حضرتك ؟؟؟؟؟؟؟؟؟؟؟؟
كل المجازر دى كانت فى نشرات الاخبار والصحف العالمية قبل العربية وشاشات التلفزيون

طيب معلش انا مشفتش فعلا ياريت لينكات بتقول ان حماس موتت 200 ومنهم واحد مثلوا بجثته
على فكرة انا مش حمساوي ولا أخوان بس عايز محدش يقول كلام من غير دليل

**r0xer** · 13-01-2009 02:47 PM

أبو مريم : عليك بجوجل لأن الحوادث دي بالذات مش هيجيلي قلب أدور عليها.

نرجع لنقطة مهمة جدا ذكرها الأخ اسلام جلال وهي نقطة الفيصل!

أنت في صف مين؟

معلش هرجع لورا شوية لعام 2006، لما حزب الله كان بيحارب الصهاينة وساعتها كنت في لقاء مع رجل فاضل من القضاة في نادي القضاء وكان نفس السؤال، و الحقيقة لاقيت إني لا مع دا ولا مع دا، لأن الاتنين في نظري مخطئين، و إن كانت إسرائيل هي الأكثر إجراماً. و انا كنت مع طرف تالت وهو الدم اللبناني!

نفس الشيء بيتكرر بعد عامين، الناس بتقف مع أي حد ضد إسرائيل حتى لو كان الشيطان نفسه!.

أنا لست مع إسرائيل المجرمة، ولكن في نفس الوقت لست مع حماس الخارجة عن الشرعية، بل مع الدم الفلسطيني. مع إيقاف المجازر أولاً ومن ثم لنتحدث عن أيهما أفضل لتولي السلطة، لنوقف نزيف الدم ومن ثم لنبحث عن مخرج لهذه المشكلة!

اما أن آآخذ صف حماس و في 14 يوم فقط تم قتل 1000 مواطن بريء بسبب تعنّتها و غبائها فهذا ما لا يقبله عقل. لماذا ترفض حماس مبادرة مبارك و هي أسلم حل حالياً؟ لماذا لاتسلم الحدود لفتح كما كانت طول عمرها..ولم يغلق حينها أي معبر من الجانب المصري ابداً؟

أنا مع الفلسطينيين، مع بقائهم أحياء ومع دمائهم الحرة، لست مع حماس ولا إسرائيل.

هيومان : على فكرة، من سلطات رئيس الجمهورية حل الحكومة حتى لو كانت منتخبة، والراجل حل الحكومة وعين حكومة تانية مؤقتة.....والراجل برضو منتخب من الشعب وصلاحياته تديله انه يحل الحكومة واديه حلها.....ليه حماس ملتزمتش بالقرار؟؟؟؟؟؟؟

على فكرة، لو فتح مش عايزة تسلم لهم السلطة كان سهل جدا تزور الانتخابات او متديلهمش السلطة عافية بمساعدة خارجية وخلصنا.

لكن هي سلمت السلطة وبدون تعنت ولامشاكل، ولكن ماحدث بعد ذلك من حصار ومقاطعة وقطع معونات كان السبب في حل الحكومة....مش رخامة يعني من ابو مازن ولاحاجة!!

**Dr Ahmed** · 13-01-2009 02:48 PM

المشاركة الأصلية كتبت بواسطة elassar2010

دليل اية حضرتك ؟؟؟؟؟؟؟؟؟؟؟؟
كل المجازر دى كانت فى نشرات الاخبار والصحف العالمية قبل العربية وشاشات التلفزيون

يااااااااااااااه
كل المجازر دى وماسمعتش عن ولا واحدة وفى كل وسائل الاعلام حتى التليفزيون؟؟
الظاهر إن متابعتى للأخبار يوميا محتاجة مراجعة

عموما فى إنتظار لينك لمصدر محايد ومش صهيونى - إن وجد!

**mhoss** · 13-01-2009 02:48 PM

المشاركة الأصلية كتبت بواسطة أبومريم

الأول حمد لله على السلامة يا أستاذ محمد حسين بقالك كتير مش باين
ثانيا في دليل على الكلام دا لأنه كلام خطير جدا

اولاً : الله يسلمك و ربنا يكرمك كان عندى شوية ظروف زاد منها إنى نسيت الباسورد بتاعتى فترة طويلة

ثانياً: بالنسبة لمحمود عباس أنا عارف عنه كده من أول مامسك الحكم و ساعتها الشيخ طلع يوم الجمعة و قال كده و حذر منه.... بس ممكن نبحث فى الموضوع و نتأكد أكتر برده و ربنا يجزيك خيراً على التنويه و النصيحة... و جارى البحث

**Terrible_DaRsH** · 13-01-2009 02:49 PM

المشاركة الأصلية كتبت بواسطة pro-drive

1
كل يوم بيثبتلي فيه اننا بنمشي بمثل مقدرناش علي الـ****** فا بنتشطر علي البردعه

خفت اقول لحد يزعل منى ولا يفهمنى غلط ...

**elassar2010** · 13-01-2009 02:50 PM

المشاركة الأصلية كتبت بواسطة أبومريم

طيب معلش انا مشفتش فعلا ياريت لينكات بتقول ان حماس موتت 200 ومنهم واحد مثلوا بجثته
على فكرة انا مش حمساوي ولا أخوان بس عايز محدش يقول كلام من غير دليل

للاسف انا معنديش لينكات بس الموضوع دة كان على التلفزيونات يعنى دة موضوع معروف مكنش سر ولا حاجة
وعلى العموم ممكن يكون فى عضوا عندة لينكات محتفظ بيها للموضوع دة

**crazylambada** · 13-01-2009 02:54 PM

خلي بالك الاولاني فيه شبه تعمد و حيتحججوا بعامل الخطأ
لكن التاني لو احنا اللي عملنا حيبقى قصد رسمي و مفيش شبه خطأ
ثانيا دول بيضربوا جنبينا و جه علينا
انا مش ببر موقفهم بس ناخد الكلام و نفكر فيه بالعقل
و لما حماس قتلت الظابط المصري عملنا ايه
لما بقوا يشعلولوا البدو في سينا ضد مصر عملنا ايه
لازم نبقى ماسكين اعصابنا و احنا الكسبانين
لان محدش عرف يوقعنا في الغلط
لما الريس السودان حاولوا يقتلوه في اديس ابابا
مردش الضربة رغم ان امريكا اديتله الاشارة الخضراء بضرب النظام السوداني و ديه اتكتبت في جرنال الاهرام
لكن الريس رفض
لما حاولوا ياخدوا مننا حلايب و شلاتين
شوفت احنا اخدناها ازاي بالعقل من غير رصاصة واحدة و من غير حشد قوات و الحوارات ديه
هو ده الصح تشغل عقلك علشان تكسبمتبقاش متهورو انفعالي
اسلوب القذافي و صدام حسين و جمالعبد الناصر عمل ايه
صدام و دى بلاده في داهيه حربين و خلاف دائم مع الدول العربية
و اصبحت العراق اقوى دولة عربية محتلة الان
القذافي جه في الاخر و نخ بعد ما كان شغالبنفس الاسلوب
جمال عبد الناصر عرفوا يوقعوه في فخ النكسة
و اسرائيل اخدت سينا من غيرما تحارب
دا حتى يا سيدي بيقولوا في الامثال
الحرب خدعة

**Islam_galal** · 13-01-2009 02:56 PM

التليفزيون المصري ضخم الاحداث و التي لم تكن واضحة المعالم والا ليه محدش عارف قاتل سعاد حسني (من البلكونة برضه) و اللواء الليثي و سوزان تميم و و و

الصحافة و التليفزيون المصري كل شئ و اضح أو غير واضح بناءا علي مصالح محددة

أما مثيلاتهم العالمية فلم تجزم بشئ