الموضوع: موضوع للأخبــار المنقولة عن احداث غــزة

المشاركة الأصلية كتبت بواسطة أبو عبدالله

فين الأخوة اصحاب الحمية الجاهلية بتاعت ازاي الفلسطنيين يضربوا القوات المصرية على الحدود
ولا اسرائيل يجوز والمسلمين لا يجوز

انا نفسي واحد يرد علشان بصراحه الواحد دمه اتحرق من الهتافات اللي بيرددها البعض خلف الساسة او الاعلام الكاذب وماهواش عارف حاجه اصلا غير انه يقول بيب بيب ..........

حسبي الله ونعم الوكيل
دلوقتي مفيش مشكلة في دم الناس اللي اتصابت دي ومفيش مشاكل
وعلى فكره دي مش اول مره تحصل يعني من زمان وكل شويه بيتقتلنا واحد او اتنين من الحرس على الحدود بسبب الأسرائيليين برضه ولكن طول ما الاعلام مقلشي حاجه يبقى مفيش حاجه واسألوا اللي راح تجنيده على الحدود مع فلسطين وهو يقولكم ان الموضوع ده بيتكرر كتير

ولكن مبنسمعشي صوت حد الا لما الحميه تاخده على المسلم العربي اللي زيه

حيردو ويقولوا احنا بيننا وبينهم معاهدة سلام يعني حبايب
وهو في برضة حد يزعل من حبيبة دة ضرب الحبيب زي اكل الزبيب
يا راجل دي حاجة تحرق الدم شباب مغيب و مايعرفوش حاجة لا دين ولا دنيا

على فكره دى مش اول مره .. الموضوع ده اتكرر عشرات المرات .. والسبب انه بيقيس كفاءه اجهزه الرادار والدفاع الجوى لدى مصر وهل هايظهر على شاشات الرادار ولا لا واسلوب الرد هيكون ازاى فى حاله الحرب بالاضافه الى ان الطائرات بتكون فيه كاميرات تصوير لمناطق معينه .. يعنى جس نبض زى مابيقولوا وغالبا ما بيكون الاختراق فى حركه دائريه يعنى يطلع من اسرائيل وياخد مسار دائرى من البحر المتوسط الى سيناء ويرجع تانى على اسرائيل

المشاركة الأصلية كتبت بواسطة EMSadeck

طيب السؤال دلوقتي هل أجهزة الرادار والدفاع الجوي لم تلتقط هذه الطائرات فعلا؟ ام انها التقطتها ولم تتعامل معها ولماذا في هذه الحالة؟

زى ماقلت فى المشاركه السابقه .. الطيار المعادى بيبقى عارف انه اتلقط من رادار وفيه اشاره بتبان عنده فى الطائره بكده ..بس الفرق هنا فى طريقه التعامل فى كل مره وسرعه الاستجابه من عندنا للرد (الغير عنيف طبعا )
فى المقابل بقى خلى بس جناح طياره ورقيه يعدى الحدود بينا و بينهم ... هتلاقى الدنيا قامت وهايصدر بيان من عندهم بان مصر تحاول مهاجمه الدوله الوديعه اسرائيل باسلحه متطوره محمله بقنابل كيماويه وغازات سامه واحنا اضطرينا للدفاع عن نفسنا ضد هذه الاسلحه باحتلال سيناء كلها كاجراء وقائى

مافيش مصدر رسمى قال كدة ، والموضوع شكله تسخين وخلاص برغم إن اللى نقلته مصادر إعلامية كبيرة ، مش مقتنع أصلاً إن إسرائيل محتاجة تستعمل مجالنا الجوى عشان تقصف غزة ، مش منطقية جغرافياً

إصابة الجنود طبعاً كارثة ، وذريعة عادلة لأتخاذ رد فعل بقا إن كنا ناويين ناخد أى رد فعل أصلاً وذبعاً مش قصدى شن حرب إنما رد دبلوماسى تجميد التطبيع ، طرد الخبراء اللى فى الزراعة والنسيج ، شكوى فى مجلس الأمن ، ... أو رد مخابراتى زى إغتيال أفراد فى المقابل ، أو رد إستهبالى زى نيران خاطئة برضوا تطلع من عندنا توقع إتنين تلاتة يهود فى طابا ولا على الحدود - إنما الإصابة مش دليل على إنهم إخترقوا المجال الجوى برضوا

.. والسبب انه بيقيس كفاءه اجهزه الرادار والدفاع الجوى لدى مصر وهل هايظهر على شاشات الرادار ولا لا واسلوب الرد هيكون ازاى فى حاله الحرب بالاضافه الى ان الطائرات بتكون فيه كاميرات تصوير لمناطق معينه .. يعنى جس نبض زى مابيقولوا وغالبا ما بيكون الاختراق فى حركه دائريه يعنى يطلع من اسرائيل وياخد مسار دائرى من البحر المتوسط الى سيناء ويرجع تانى على اسرائيل

الموضوع مش محتاج قياس ، وعلى فكرة الرادار العادى جدا بيبقا مداه حوالى 700 كم ، يعنى بيشوف فوق إسرائيل نفسها ، المشكلة فى كيفية التعامل مع الطائرة العدو ، هل عندك صواريخ بمدى كافى (اللى موجود آخره 15 كم سام بأنواعه وهوك + رشاشات ثنائية ورباعية المواسير مداها لا يزيد عن 5 كم) والدفاع الجوى عندنا معظمه غرب القناه ومافيش فى سيناء دفاع جوى عشان يختبروه ، وحتى لو كان فيه إطلاق الصواريخ محتاج إذن من الرئيس لأننا مش فى حالة حرب ، إنما اللى بيتم الأول التحذير وبعدين خروج طائرات إعتراضية للطرد أو الإجبار على الهبوط أو التعامل وده بيبقا آخر حاجة ومش بسهولة كدة ، لأننا مش حالة حرب

وبمقتضى معاهدة السلام الموقعة بين مصر واسرائيل عام 1979 لاسرائيل الحق في تحليق طائرات قتالية لغاية الحدود الدولية بينما لا يمكن للطائرات القتالية المصرية التحليق شرقي منطقة تغطي بالكاد الثلث الغربي من شبه جزيرة سيناء

أول مرة أسمع الموضوع ده ، بس عموماً إحنا عارفين إن فيه بنود كتير غير معلنة ودى خيبة والله

طيب السؤال دلوقتي هل أجهزة الرادار والدفاع الجوي لم تلتقط هذه الطائرات فعلا؟ ام انها التقطتها ولم تتعامل معها ولماذا في هذه الحالة؟

لو كان فيه إختراق أصلاً ، وإذا كان حصل أكيد مش هيتعاملوا تلقائى بدون إذن عشان مانخسرش أصدقائنا الإسرائيليين

[QUOTE=Sameh;592056]


الموضوع مش محتاج قياس ، وعلى فكرة الرادار العادى جدا بيبقا مداه حوالى 700 كم ، يعنى بيشوف فوق إسرائيل نفسها ، المشكلة فى كيفية التعامل مع الطائرة العدو ، هل عندك صواريخ بمدى كافى (اللى موجود آخره 15 كم سام بأنواعه وهوك + رشاشات ثنائية ورباعية المواسير مداها لا يزيد عن 5 كم) والدفاع الجوى عندنا معظمه غرب القناه ومافيش فى سيناء دفاع جوى عشان يختبروه ، وحتى لو كان فيه إطلاق الصواريخ محتاج إذن من الرئيس لأننا مش فى حالة حرب ، إنما اللى بيتم الأول التحذير وبعدين خروج طائرات إعتراضية للطرد أو الإجبار على الهبوط

هوا مبدأيا كلام حضرتك سليم ..وهماا لما بيعملوا الاختراق ده واللى اتكرر عشرات المرات بيبقوا عارفين ان مش هايكون فيه رد فعل عنيف فى المقابل يعنى على اقصى تقدير ارسال اشارات تحذيريه (يعنى لا صاروخ هايضرب ولا طائره هاتعترضهم ) والطيار المعادى بيظهر عنده اشاره على ردار الطائره بان فيه رادار اكتشفه وهوا من ساعه التقاطه على جهاز الردار لغايه التعامل معاه او ارسال الاشاره التحذيريه ليه بيحسب الوقت ده لتحديد مدى سرعه الاستجابه وتحديد الزمن المناسب للرد ... بخصوص المضادات الارضيه فاحنا وبلا فخر معندناش ولا حتى صاروخ من بتاع العيد فى سيناء ولا اى وحدات دفاع جوى قادره على التعامل مع الطائرات المتطوره المعاديه..
لان المدافع الثنائيه والرباعيه اللى حضرتك بتتكلم عليها زى( الشيليكا و نظام سيناء 23 )
مش هاتضرب طلقه واحده لانها هتكون اتدمرت قبل ماتضرب الطائرات المهاجمه نظرا للمدى البعيد لهذه الطائرات وايضا الصواريخ زى (شابرال وهوك ) مداها برضه قصير ومابيتعاملش غير مع الطيران المنخفض مش اللى بيطير على ارتفاعات عاليه

امال الدفاع الجوى لازمته ايه
عامل ميت ولا ايه ايه ايييييه