شوف يا لورد ..... اولا ً دة العادي فى مصر

ثانياً : مش ملاحظ انك فى كل تعليق بتستخدم جملة فوري / بسرعة ..... كدة انت لقطة لاى رجل مبيعات ، لو هاتموت ع الحاجة أسأل طيب لو برحتها تبقى بكام و لو بسرعه تبقى بكام و انت مش فارقة معاك .... صدقنى ها تفرق كثير .

ثالثاً : بالنسبة للجواب الجمركي .....> اسبوع و تستلمة ـ سيبك من الكلام الكتير ، و شوف اقرب مركز مرور لدهب شوف امكانية انة يبعتة لك هناك ، بس الاول أكد على محل أقامتك فين لان دة اللى هيطلع منة رخصة العربية لك .

رابعـاً : محسن صالح على سمعتة من الكل شخصية مهذبة و بيحاول يخدم لكن ما تنساش انة شغلتة انة يبيع ، و في حاجة اسمها طالما ما سألتش لية اتعب نفسي و افتح موضوعات خلاف ، و حاجة كمان الزبون على حق لغاية ما يشتري ، و لو كلمتة بعد هيقولك دة شغل ادارى مش تبعي و انا اسف و فعلا ً كلامة هيبقي مظبوط ....و ووو انت كدة كدة هاتاخد الجواب بتاعك بس بعد كام يوم .... الخلاصة .

خامساً :موضوع الفعصة دي كان لازم تلف بعربيتك فى لحظتها و ترجع ، حتى لو كنت هاتسفر الفجـر موزمبيق ... علي الاقل كنت أثبتها عندهم عشان محدش يحوك لما تعمل الصيانة و يعملوها على حسابهم .

يا جماعه يا ريت اللي يروح يشتري :
- يشتري بالراحة .
- سيبك من كلام الناس بتوع المبيعات و ان حد كلمك قولة معلش سيبنى اعيش مع العربية اللحظة و بعدين ابقى اجى ادردش معاك .
- خد أحد أصدقاء او محل ثقة او بيفهم فى العربية ... المهم ان يكون فى رأي تاني يبعد عنك تأثير الاعجاب الشخصى بالعربية و يلفت انتباهك لحاجات يمكن مش واخد بالك منها زي : خدش ، فعصة ، بهتان ، صوت مش مظبوط ، حاجة فى الفرش ، ........... لاخرة

و ربنا الموفق ... و ما تزعلش يا أخي الفاضل ، ما هي الدنيا دى مشاكلها كثير عشان تعلمنا ، و ربنا يعطيك يا رب خيرها ، و يبعد لك بالفعصه دى العين و الحسد ، يبعد عنك امناء الشرطة و رجال المبيعات .... تحياتي لك و ما تخليش حاجة تبوظ عليك فرحتك بالعربية لانها ايام و هتنسي ان معاك عربية جديدة فاستفيد بالكام يوم و دلع نفسك .