سبينيز المقرف............ حصلت معايا انا كمان

**sab3aawy** · 14-08-2007 07:36 AM

قريت رسائلكم فى الفترة الماضية عن المأكولات المشتراه من سبينيز ومعلقتش فى دماغى اوى، لكن امبارح كنت راجع البيت بعد يوم قاتل فى العمل ، لأجد رائحة تشبه رائحة كلب ميت بدون ادنى مبالغة داخل البيت، طبعا جائت لى حالة بشعة من الغثيان وسالت زوجتى عن مصدر تلك الرائحة العفنة فقالت لى ان مصدرها هو لحوم كنا شارينها من سبينيز من حوالى اسبوع ومن ساعتها فى الفريزر لحد ما خرجتها امبارح بغرض الطهى، مع العلم ان الكهرباء لم تنقطع ولا لحظة من ساعتها وباقى الماكولات فى التلاجة سليمة لم يمسها سوء ،

انا لم اصدق ان الأكل دة هو مصدر الرائحة القذرة ولكن لما دخلت المطبخ شميت اسوأ هول ممكن اكون شميته فى حياتى كلها وطبعا لمتها على عدم الإسراع بإلقاء هذة القذارة خارج المنزل، حتى ان 15 عود من البخور على مدى ليله امس وحتى الآن لم يفلح فى إزالة هذة الرأئحة القذرة من البيت والتى اكتب لكم وانا اعانى من بواقى تأثيرها

للأسف ان لسة محدش اخترع وسيلة نعمل بيها أبلود للرأئحة على موقع على الشبكة ، وإلا كنت وريتكم مدى القذارة اللى انا عانيت منها

انا سأقاطع سبينيز بعد هذا المقلب القذر وسأحكى لكل من اعرفه عن تجربتى وتجاربكم

**memo_hefnawy** · 14-08-2007 07:53 AM

يا أبو السباع اللحوم إتعود تجيبها من الجزار مباشرة لكن السوبر ماركت إنسى هات منه أى حاجة غير اللحوم

لحمة = جزار و جزار عارفه كمان

يلا تعيش و تاخد غيرها فداك يا زعيم :)

هات كام لمونه و قطعهم و حطهم فى طاسة + قليل أوى من الماء و ولع عليهم لحد ما يطلعوا ريحة و سيبهم على النار لحد ما يغيروا الريحة - الليمون بيضيع الروائح المنيلة دى

و ممكن تجيب لو عندك حاجة ذى صاجة بتاعت تسخين العيش حطهو عليها أفضل

و حل تانى :) ممكن تفقعلك كام بصلاية برده مع توم على النار :twisted:

**ecybrarian** · 14-08-2007 10:55 AM

نحن السابقون :? :? :? :? :?
ونرجو الا يكون هناك لاحقون

**حسام كرم** · 14-08-2007 11:04 AM

لاينصح ابدا بشراء اللحوم الطازجة من الهايبر ماركت مثل هايبر وسبينس وكارفور ومترو والمحمل
لانها تكون موضوعة فى ثلاجات تبريد وليس تجميد وتاخذ وقت كبير حتى يتم بيعها وستكون عندها تعرضت للفساد

**Hossam Mounir** · 14-08-2007 06:21 PM

عندى تفسير قد يكون له علاقة بالموضوع ...

هل الأخوة .. اللي تعرضوا لحالة تلف اللحوم ... كانوا راكنيين عربياتهم فى الباركنج بتاع سيتى ستارز ؟! ... سؤالي ده ... لأن الباركنج ... درجة حرارته مش طبيعية ... العربية عندى بتقرأ درجة حرارة 42 درجة مئوية وسعات اكثر ... وكمان ... العربية بسيبها سخنة ... أرجع ألاقيها لسة سخنة برضة ... لدرجة اننى أول مرة ... من كثر السخونة أفتكرت انى أكون نسيت العربية دايرة ... فبقول انه ممكن اثناء تحميل العربية بالمشتريات ... ثم البحث عن المخرج ... من بيت الملاهي ... اللى هو الباركنج بتاع سيتى ستارز ( علشان كل شوية يغيروا المسار بتاعه) ... ممكن تكون اللحوم فسدت ... واللى هيا عندها أستعداد له ... علشان هيا مبردة مش مجمدة ...

صدقونى قد يكون تفسير منطقى ... لما يحدث ...

عزيزى سبعاوى ... جرب أسبراى جليد بتاع أزالة رائحة الدخان ... حقيقى هايل لأزالة الروائح عن تجربة ... وربنا يكون فى عونك ...

تحياتى للجميع ...

م/ حسام منير

**ecybrarian** · 15-08-2007 08:51 AM

باشمهندس حسام،
كلامك منطقي جدا بس مش ده إللي حصل معي. انا كنت راكن قدام باب الجراج إللي قدام سلم سبينيز. وجبت اللحوم آخر حاجة. وخرجت من الجراج على طول (اصلي انا حافظ الجراج هناك...هاري نفسي سيينمات :-) واعتقد إن اللحوم (على عكس السمك) تحتاج إلى وقت طويل في ظروف حرارية علشان تبوظ وإلا كانت اي لحمة تبوظ لو المشوار طويل شوية لحد البيت :o

**Karim_Monir** · 15-08-2007 11:06 AM

معلش يا خالد باشا
بس لو لسه في ريحة الليمون هو اللي يضيعها فعلا والخل
اغلي شوية في مية او السعها علي طاسة التسخين
البخور بيزود من الرائحة مش بيقللها هو بس ساعات بيغطي عليها
لو كانت لسه في ريحة حط نقاط من زيت عطر اسفل انفك او حتي ابو فاس وبعدها مش هاتشم حاجة
اسواء ما في الموضع حالة انتفاخ البطن نتيجة شم الرائحة وحالة القرف من الاكل المصاحبة لها
تعيش وما تاخدش غيرها

الموضوع: سبينيز المقرف............ حصلت معايا انا كمان

LinkBack

أدوات الموضوع

عرض

سبينيز المقرف............ حصلت معايا انا كمان - انشر الموضوع فى :

-

-

-

-

-

-

المواضيع المتشابهه

و انا كمان حصلت على وسام - شكرا للاد

حاجة غريبة حصلت معايا في الاوبترا

حاجة غريبة حصلت معايا فى العربية !

حكاية غربية حصلت معايا

في حاجه غريبة جدا حصلت معايا

الكلمات الدلالية لهذا الموضوع

المفضلات

المفضلات

ضوابط المشاركة