السواقة وانواع الأدمغة :)

**sab3aawy** · 19-08-2007 12:04 PM

انا اتعلمت حاجة من خبرتى فى القيادة لسنوات

قبل ما تقرر التفاعل مع العربية اللى جنبك او امامك او خلفك بص على دماغ السائق

لو ان هذة الدماغ تنتمى الى اى من الأنواع الآتية:

1- دماغ ملفوفة بإيشارب او طرحة
2- دماغ معمولة عند الكوافير
3-دماغ لابسة بيرية
4-دماغ لابسة عمة وكوفية
5-دماغ ذات شعر ابيض بالكامل
6-دماغ محلوقة كابوريا او
7-دماغ محلوقة بالموس زلابطة
8-دماغ عليها كورة من الشعر الخشن تزن 1/2 طن
9- دماغ مضروبة جيل او بيرمينانت او جلات او اى مما تيسر من احدث موضات الخنافس، وغالبا ستجد ان الأدمغة من الأنواع 6-7-8 ترتدى احدث موديل من نضارات الشمس
10-دماغ متحدد اطراف الشعر فيها بشكل دقيق جدا بالموس (الموضة السائدة بين سائقى الميكروباس والمسجلين خطر الأيام دى)
11-دماغ خفية مش باينة اساسا من الكرسى( غالبا ما تكون هذة الدماغ تنتمى للفئة 1او 2 او 6 او 7 او 8 او 9)
12-دماغ تتمايل يمينا ويسارا مع ما يبدوا انه نغمات الكاسيت او الMP3 او الDVD او الXYZ
13- اى دماغ يجتمع فيها عنصرين او اكثر مما سبق

فتجنب التفاعل مع السيارة التى يقودها صاحب او صاحبة هذا الدماغ لان السواقه عندهم هى نوع من انواع الwin-loss game لابد ان يكون فيها طرف فائز وطرف خاسر، ونصيحة ووسع لهم الطريق على الآخر لو عربيتك تهمك

اما لو كانت الدماغ دى من ذلك النوع ذو الشعر الأسود النصف خشن مع حبة صلع قليلة وكام شعرة بيضاء يبقى نسبة الامان عالية ويمكنك ان تبدأ التفاعل بالتخطى او شغل الحارة امامه او اى نوع من انواع التفاعل فهذا النوع من الأدمغة 99% من اصاحبة يؤمنون ان السواقة هى نوع من انواع ال win-win game الذى يمكن ان ينتهى والكل فائز وسعيد بصوله لبيته او عمله بدون خسائر

**CryptonX** · 19-08-2007 12:21 PM

المشاركة الأصلية كتبت بواسطة sab3aawy

انا اتعلمت حاجة من خبرتى فى القيادة لسنواتفتجنب التفاعل مع
السيارة التى يقودها صاحب او صاحبة هذا الدماغ لان السواقه عندهم هى نوع من انواع الwin-loss game لابد ان يكون فيها طرف فائز وطرف خاسر، ونصيحة ووسع لهم الطريق على الآخر لو عربيتك تهمك

ههههه للأسف انا من النوع ده , بس بعد استفزاز , يعني عامة انا مسالم مش بجري ( 24 سنة , نص طن شعر و نظارة شمسية :) )

بس لو حد كسر عليا , زنقني , حك في السيارة ... بطبق مبدأ السيئة تعم :) لحد 5 - 6 دقائق من الي حصل او لحد مااحس اني خدت حقي من المتهور الاخر و غاليا بيكون يا شاب ذي يا سواق تاكسي

انا مش فخور باسلوبي , لآني عكس كدة في الحقيثة نهائي .. بس معرفش . اتعودت على كدة خلاص ..

بجد تحليل فوق الممتاز احنا فعلا السباب عامة بنعتبر الموضوع win-lose
بعمي زنقت عليا هما , اقفلها عليك هنا .. بس للأسف في منهورين مجرمين ... و حصلت معايا مرة ... شاب زيي كدة سايق bmw موديل 80 او حاجة كدة .. قي الدائري .. كان ماشي على 20 كم/س و الطريق مقفوا .. انا صراحة زهقت , ورحت كاسر على الي جنبي و طلعت قدام البي ام ... و مشيت 100 .. مفيش 2 دقيقتين لقيتلك ده سقط غيار .. و جي جنبي ... و راح كاسر .. اطاريت افرمل !! و بصلي و ضحك !! و جري !!

واتقلب يومي بقى على كل الشباب الي قي الدائري :(

يس برده احي اقول كلمة في حقنا او على الأقل انا و اصدقائي ..انا عمري مبعمل كدة مع سيارة فيها عائلة او سيدة او رجل اكبر مني سنا ... يعني مع سسني فقط .. وده لاحظته كتير .

**CryptonX** · 19-08-2007 12:27 PM

المشاركة الأصلية كتبت بواسطة memo_hefnawy

أظرف حاجة لتجنب 55% من القرف متبصش للسائق الآخر لأنه بمجرد ما بيشوفك بتبصله :twisted: بيحس إنك بتتحداه لله و للوطن بدون أى داعى و تلاقيه حرق و زنق و و و لوحده كده :)

+100

وده بنسبة 85% لو شاب :)

**Dr Ahmed** · 19-08-2007 12:54 PM

اما لو كانت الدماغ دى من ذلك النوع ذو الشعر الأسود النصف خشن مع حبة صلع قليلة وكام شعرة بيضاء يبقى نسبة الامان عالية ويمكنك ان تبدأ التفاعل بالتخطى او شغل الحارة امامه او اى نوع من انواع التفاعل فهذا النوع من الأدمغة 99% من اصاحبة يؤمنون ان السواقة هى نوع من انواع ال win-win game الذى يمكن ان ينتهى والكل فائز وسعيد بصوله لبيته او عمله بدون خسائر

ههههههههههههههههههههههههه هههههههههههه
أنا من هذا النوع الغلبان ، وأقترح أنك تفتح معمل تحاليل علشان عندك مهارة عالية فى التحليل !!!

**محمد البحيري** · 19-08-2007 01:19 PM

المشاركة الأصلية كتبت بواسطة CryptonX

المشاركة الأصلية كتبت بواسطة memo_hefnawy

أظرف حاجة لتجنب 55% من القرف متبصش للسائق الآخر لأنه بمجرد ما بيشوفك بتبصله :twisted: بيحس إنك بتتحداه لله و للوطن بدون أى داعى و تلاقيه حرق و زنق و و و لوحده كده :)

+100

وده بنسبة 85% لو شاب :)

+1000

**Abouelela** · 19-08-2007 01:39 PM

بصراحة زاوية جديدة في الرؤية ..
مع أننا كلنا بنحللها بنفس المنظور .. لكن عمرنا ما فكرنا نكتبها كده ..
100% 100 ياباشا ...

فسلوك السائقين المجاورين بيحدد إنتمائهم قبل ما تشوف أدمغتهم وده بيتحدد عن طريق ملاحظتهم أثناء تخطيهم من حولهم من سيارات أخرى بيبان من طريقة التعدية خطف و زنق و من خرم إبره ولا بالذوق و الأدب و هكذا .....

والله كلام ميمو برضه مضبوط .. هو طبيعي الواحد مش حيبص علي أللي راكب .. لأن التعامل بيبقي مع العربية إللي قدامك مباشرة بغض النظر علي إللي سايق .. فحركة العربية بتنبهك علي طول إن كان فيها واحده ست وألا واحد مجنون ( وطبعا مافيش علاقة ما بينهم وبين بعض .. ) ..
فسرعة العربية والتزامها بالحارة وتعاملها مع المطب وتخطيها للي قدامها .. بتحدد نوعية السائق ..
بس ده طبعا ماينمنعش الرؤية الجميلة لسبعاوى ..

**kareem_Ashmawy** · 19-08-2007 01:55 PM

لللأسف أنا برده من النوع اللى لو حد غلس عليه فى الشارع مش بسيبه الا لما أقرفه فى عيشته
بس المشكله ان الـ128 ماكانتش بتساعد الواحد فى الحاجات دى
كفاية ان اللى جنبى يحرق حرقه واحدة عشان يطلع منى
بس الحمد لله عمرى ما ببدأ بالغلاسة على حد

و فى رأيى المتواضع ان الشارع المصرى لا يحتاج الا لعربية جيب رانجلر4100سى سى
راكب فيها غاز ( عشان هى زى ما انتو عارفين بلاعة بنزين)

و تقدر تربى بيها أى حد يحاول يغلس عليك :twisted:
ولا مطبات تأثر فيك و لا نص نقل يقدر ييجى جنبك :D